للمحترفين فقط : مشكلة احتار فيها كل الميكانيكية : ارتفاع في rpm فجأة ثم نتشة في باسات 2006
 

السيارة : فولكس فاجن باسات 2006

توقيت حودوث المشكلة :
بعد حوالي نصف ساعة من المشي العادي ( ملحوظة اثناء هذه الفترة منذ بداية التشغيل الى حوالي نصف ساعة تكون السيارة عادية تماما ) وتتفاقم المشكلة عند محاولتي القرص على العربية زي مثلا عاوز اطلع من واحد او اعمل تسارع.

المشكلة تحديدا :
وقدمي ثابتة على دواسة البنزين اجد صوت الموتور علي مع زيادة rpm فجأة يصل الى 50 احيانا، ثم نتشة في السيارة، تتناسب هذه المشكلة مع كمية العزم او الشد اللي انا كنت بحاول اشده، يعني لو كنت عاوز اطلع من واحد بسرعة اوي او ادوس بنزين جامد بتبقى النتشة قوية وال rpm يعلى جامد

ملحوظات :
* احيانا اجد قفشة او فرملة عند النزول من الغيار الثالث الى الغيار الثاني
* ذهبت لمتخصصين باسات قالولي زيت الفتيس، غيرته، والنتشة برضو موجودة
* غيرت بوجيهات مرتين (منه لله واحد بتاع صيانة فولكس فامبابة سرق الجداد الاصليين اللي كنت جايبهم وحسبي الله ونعم الوكيل)
* قبل حدوث النتشة اشعر ان السيارة مخنوقة، وبعدها اشعر كان السيارة راقت ونضفت شوية...وتمشي شوية عادي وترجع تنتش مع زيادى rpm وهكذا......

رجاء اي ملاحظة او حلول
وجزاكم الله خيرا

رد: للمحترفين فقط : مشكلة احتار فيها كل الميكانيكية : ارتفاع في rpm فجأة ثم نتشة في باسات 2006
 

ديه مشكله الفتيس يا باشا ولازم تروح التوكيل عشان فيه حاجه بتتغير فيه وديه مشكله الفولكس فاجن عموما عن تجربه

رد: للمحترفين فقط : مشكلة احتار فيها كل الميكانيكية : ارتفاع في rpm فجأة ثم نتشة في باسات 2006
 

انا اعتقد طقم دبرياج بدليل الماتور بيكون سرع والاسطوانه مش قادره تحرك الفتيس

رد: للمحترفين فقط : مشكلة احتار فيها كل الميكانيكية : ارتفاع في rpm فجأة ثم نتشة في باسات 2006
 

العربية أوتوماتيك..... و اسطوانة الدبرياج لو وحشة ماتعملش نتشة

و الله أعلم
في رعاية الله

رد: للمحترفين فقط : مشكلة احتار فيها كل الميكانيكية : ارتفاع في rpm فجأة ثم نتشة في باسات 2006
 

اكشف في التوكيل و ممكن يقولوا لحضرتك عاوزة سولينويد فالف

و الله أعلم
في رعاية الله