ارجو المساعدة فى حل لغز الدينمو والكهرباء فى 127 الانى تعبت
 

السلام عليكم اخوانى ارجو المساعدة من خبراء كهرباء السيارات القديمة 127 المشكلة انة بقالى اكثر من ثلاث سنين بعانى من مشكلة البطارية ما بتعدش اكثر من 10 شهور او 11 شهر ولسة مغيرة من يومين وهيا البطارية 70 امبير اوكى والبطارية اول ما اجبة تشتغل تمام المشكلة بقة انى اول ما اشغل وادوس بنزين لمبة البطارية تنور مع دوسة البنزين يعنى ادوس بنزين تنور لمبة البطارية اوكى فى بعض الاخوة قالو ممكن يكون كتاوت الدينمو فية مشكلة او الدينمو اعمل التجربة الاتية شغل العربية وشيل كابل الموجب من البطارية لو العربية دردرت يبقة الدينمو فية عيب عملت كدا ولكن العربية اشتغلت تمام بعد ما شلت الموجب من البطارية قالو طريقة اخرى بنفس الطرف الموجب جيب الافو ميتر الديجيتال وظبط على 20 فولت وقيس مع دوست البينزين لو عطى فوق 12 فولت يبقة الدينمو بيشحن فعلا الدينمو بقة يوصل معاية الى 18 فولت مع دوست البنزين بس لحظت شى فى اخوة قالو لو الدينمو اقل فى الامبير من البطارية يقلل عمر البطارية وانا قرات مكتوب بيعطى 14 فولت وهو بوش المانى ومش عارف الامبير 45 مكتوب 45A يعنى 45 امبير والبطارية 70 فهل هو للى بيخلى البطارية تبوظ ولا عدم صيانة البطارية كل شهر الانى الصراحة ما عملتلهاش صيانة 11 شهر للى باظت قبل ما اجيب الجديسد ارجو الافادة الانى اتخنقت ولله واى حكاية لمبة البطارية للى بتنور دة وشكرا

رد: ارجو المساعدة فى حل لغز الدينمو والكهرباء فى 127 الانى تعبت
 

رد: ارجو المساعدة فى حل لغز الدينمو والكهرباء فى 127 الانى تعبت
 

اخى الكريم الدينامو عندك خرجة اكتر من المفروض بكتير
حضرتك قلت الدينامو بيخرج 18 فولت ودة كفيل انة يتلف البطارية
خرج الدينامو من السلانسية الى اقصى عدد لفات مفروض انة 14 فولت ثابت
الحل
ركب كتاوت داخلى للدينامو وبعد التركيب لازم تقيس شحنة واحنا اتفقنا انة فى كل الاحوال هو ثابت 14 فولت
علاقة امبير الدينامو بامبير البطارية
دينامو شدة تيارة 45 امبير كفيل جدا انة يشحن بطارية 70 امبير ولكن زمن الشحن هايكون اكبر لو البطارية مثلا 55 امبير
انا شايف انك لما تجيب بطارية المرة الجاية هاتها 55 امبير لان دى بتعتها ومش عاوزين نحمل الموتور حمل الدينامو فترات كبيرة
واوصيك بتقوية كابل ارضى الموتور او على الاقل صيانة للكابل الموجود حاليا عن طريق صنفرة الترامل واحكام الرباط علية وازالة اى صدا على الترامل وكذا جسم العربية

رد: ارجو المساعدة فى حل لغز الدينمو والكهرباء فى 127 الانى تعبت
 

السلام عليكم شكرا اخى الكريم على الشرح الاكثر من رائع وبارك لله فيك بس لية استفسار الانى اخوك بيشتغل فى مجال الالكترونيات وكنت حابب اعرف من حضرتك ازاى اركب كتاوت داخلية للدينمو هل قصدك انى التركيب حيكون داخل الدينمو بمعنى انة فية كتاوت هو استبدلة ولا حيبقة فى تعديل دة اول نقطة وثانى مشكلة للمبة هل ممكن يكون منة ايضا الانى لمة بضغط على البنزين للمبة البطارية بتزيد تمام ولحظت انى فى كتاوت عند كابل الموجب وواصلة للدينمو فهل ممكن يكون العيب منة

رد: ارجو المساعدة فى حل لغز الدينمو والكهرباء فى 127 الانى تعبت
 

معلش مهندسنا الغالى فى ملحوظة تانية انا للى خلانى اجيب بطارية 70 انى حركب جى ام وعدة صوت عافية جى وصب ووفر فهل 55 امبير كويس لهذة الغرض تستحمل العدة دة ولا اعمل اى ارجو الافادة