مصر موتورز مجتمع السيارات - حكايتى مع التأمين...و النصب العظيــم !

اخوانى الآعزاء ! هذا موضوع هام ! أرجوا من الجميع قرائته بتمعن ! و هو قصه حقيقيه ! سأذكرها بالتفصيل

الممل ( ومن أولها اللى بيزهق ما يقرأش ) ووالله لا أرجوا من حكايتها الا الثواب من الله و الرجاء بعدم وقوع

أحد من الآعضاء فى الفخ اللى وقعت فيه ! مع حرصى على عدم ذكر الآسماء لآن الله حليم ستار ولآنى لا أنتقم !

والله على ما أقول شهيد !

طول عمرى أركب سيارات من جميع الآنواع و عمرى ما أمنت على أى سياره ! ولكن لما اشتريت النيوسيراتو

رجتنى زوجتى أن أؤمن عليها ! فوافقت على مضض و قلت فى نفسى أعتبر مبلغ التأمين جزء من ثمن السياره

والحمدلله متيسره و مش ح يأثر على مصروف المنزل بشىء ! المهم كان وقتى مزنوق و أمامى أقل من 10 أيام

للسفر فقلت فى نفسى أختار أحد مندوبى التأمين من أحد المنتديات والذى يبدوا عليه الطيبه والصلاح ( من كلامه )

اللى بيكتبه عن الآمانه والنصائح للآخرين ! و كان لى 3 أهداف فى ذلك :-

1- مش فاضى و زهقت من الجرى على استلام السياره والترخيص وأشياء أخرى كثيره ليس لها علاقه بالسياره !

2- أعلم جيدآ أن مندوبين التأمين لهم كوميشن أو ( نسبة سمسره ) على البوليصه فأحببت والله على ما أقول شهيد !

أحببت أن أنفع هذا الشخص و قلت هو أولى من الغريب !

3- قلت فى نفسى أيضآ انه لو حصل شىء مستقبلا يستدعى مساعده من شخص يعمل فى مجال التأمين فسيكون هو

هذا الشخص ( مع اعطائه حقه أيضا ) فى سبيل ان أنا مسافر معظم الوقت و ممكن حد يحتاجه من البيت وأنا مسافر !

و قد كان واتصلت بهذا الشخص و ذكرت له رغبتى فى التأمين و حددت له يوم سفرى لكى ننهى الاجراءات قبل السفر !

فقال لى انه ليس فى القاهره الآن و فى سفريه ولما ييجى ح يتصل بى ! و تأخر يومين ثلاثة فاتصلت به مرة أخرى !

و ذكرته بالموضوع فقال لى انه لسه مسافر و أعطانى نمرة تليفون فتاه على أنها تقوم مكانه أو مساعدته و هى ستقوم

باللازم ! فاتصلت بها و رحبت بى و أعطتنى ميعادآ لكى أقابلها هى و المهندس الذى سيعاين السياره قبل اصدار الوثيقه

وادتنى بومبه ولم تحضر ! فاتصلت بها ثانية و ثالثآ و أخيرى قلت لها اذا لم يضر المهندس اليوم فأنا أستطيع انهاء

الاجراءات بنفسى وأنا بأتصل بهم فقط علشان أعمل لهم مصلحه و خلاص أنا مسافر كمان 4 أيام و كنا الساعه 12

ظهرآ ! فقالت لى هى الآخرى أصل أنا دلوقت مسافره خارج القاهره بس روح للمركز الرئيسى للشركه فى وسط البلد

واعمل معاينه هناك واطلع للآستاذ فلان وقول له أنا من طرف فلانه و هوه ح يقوم باللازم ! رحت وطلعت عينى على

ما وصلت لمكان المعاينه فرفضوا عمل المعاينه الا بتأشيره من مكتبهم على بعد شارعين و طلعت و لقيت زحمه رهيبه

ومش عارف أكلم حد ! فاتصلت بها فقالت لى دور على الآستاذ فلان ووجدته بصعوبه من خلف مكاتب و أعطيته

الموبايل لكى يكلمها و كان واضح انه ما يعرفهاش ! و لكنه أشر على طلب المعاينه و كتب عليها ( اداره ) وأنا مش

عارف يعنى ايه اداره بس المهم انه أشر ! نزلت جرى و عملت المعاينه بالعافيه لآن الساعه تعدت 3 ظهرآ والناس كانت

ماشيه ! المهم قالو لى تيجى بكره تدفع الفلوس وتستلم الوثيقه ! قلت ماشى ! كام يا عم ؟ قال لى المكتب هوه اللى بيحدد !

توجهت الى المنزل ! وفى الطريق بعد 10 دقائق لقيت الموبايل بيرن و واحده ما أعرفهاش بتقولى احنا شركة كذا

للتأمين و حضرتك بكره تحيب 4800 جنيه و تستلم الوثيقه ! فقلت لها أولا أنا ما أعرفش حضرتك و المفروض فيه

مندوب تبعى أو مندوبه همه اللى مسئولين عن كده و بعدين المبلغ ده كبير ! ومعلوماتى انه لن يتعدى 4000 ج فقط !

وأنا مش جاى بكره و ح أبعت المندوب بتاعى يتصرف ! واتصلت مرة أخرى بالبنت الآولانيه و حكيت لها اللى حصل

فأرغت و أزبدت و قالت الحراميه ! انت لازم بكره تروح تعمل شكوى فى الآستاذ فلان و أنا ح أعمل و أسوى فيه !

فقلت لها لا أنا ح أعمل شكوى ولا ح أبتديها معهم بمشاكل ! أنا لجأت لكم علشان ما أعملش كل الهيصه دى و تريحونى !

ماهو أنا كان ممكن أروح لوحدى من غيرك و من غير أستاذ فلان ! أمال تبقوا انتم عملتم لى ايه ؟؟ فقالت لى خلاص

بكره ح أفضى نفسى و أجيب لك المهندس بجد المره دى ! و قد كان و جاء المهندس الى معها الى منطقة بجوار منزلى

و كان فيه عربيتين تلاته زيى مستنيين ! ووقفت أتكلم مع البنت شويه لغاية المهندس ما ييجى ! فعلمت أنها والآخ بتاع

المنتدى المذكور ده من ( طنطا ) و ليسوا من القاهرة ! و ده السبب ان كل ما أكلمهم يقولوا لى مسافرين ! بصراحه أنا

أعجبت بالبنت ( مش جسمانيآ ) ولكن انسانيآ انها بنت و بتسافر و بتكافح و بتقابل رجاله و مهندسين علشان لفمة العيش !

و حضر المهندس و عاين السياره و صورها وقالت لى بكره تطلع الوثيقه ! جه بكره ولم يتصل بى أحد ولسه يومين

على السفر ! فاتصلت بالمندوب الآساسى بتاع المنتدى وقلت له غلبتونى ! فقال لى أصل احنا بنحاول نلغى الوثيقة الآولى

اللى اتعملت لك فى المركز الرئيسى ! فقلت له طلعت ازاى و أنا لم أدفع لهم مليم ؟؟ فقال ان الوثيقه بتصدر واذا لم تدفع

المبلغ فى خلال أسبوع بيتم الغائها !! المهم ليلة السفر ( يعنى ح أسافر بكره ) جائنى هذا الشخص الى المنزل الساعه 11

مساء تقريبآ ! طبعآ تنفست الصعداء و رحبت به و أدخلته منزلى ! و أعطانى الوثيقه معموله بالكومبيوتر و ممضيه

و مختومه ومدفوعه و كله تمام ! و كانت بمبلغ حوالى 4100 ج لكنه طلب منى 3900 ج فقط ! ليه يا عم ده مكتوب

4100 ج ؟؟ فقال لى انه بيحاول يصلح غلطته هوه ومساعدته معايا لآنهم دوخونى وانه متنازل عن جزء من الكوميشن

بتاعه مقابل ذلك ! وبأن الكوميشن بتاع المندوب بيبقى من داخل مبلغ الوثيقه والزبون لا يعلم ذلك ! وده السبب ان الآستاذ

فلان بتاع المركز الرئيسى عمل الوثيقه ب 4800 ج لكى يلهف هو الفرق ! فابتدأت أحس ان العمليه عصابه وأن التأمين

برمته غلطته ! لكن أعطيته الفلوس 3900ج ! و مما زاد من شكى انه لما أخذ الفلوس قال للى انت دلوقت ارتكبت

غلطه ! فقلت له ليه ؟؟ فأبرز كارنيه من الشركه فيه صورته و رقمه فى الشركه و قال لى كان لازم تطلب تشوف دى

الآول ! فازداد شكى فيه ! ولكنى تماسكت وقلت له لو كنت شاكك فيك كنت طلبت بطاقتك بس أنا مش عايزها !

أنا عايز دلوقت وصل الخزنه اللى دفعت به الفلوس ! فقال لى والله أصله بيطلع تانى يوم وأنا بس حبيت أجيب لك

الوثيقه قبل ما تسافر !! الى هنا ازداد شكى فيه بنسبة 90% بس اللى طمنى هوه ما يعرفوش ! ان أنا من عيله كلها

لواءات شرطه و مخابرات كمان ! يعنى لو لراح واستخبى فى بطن أمه ! ح أجيبه يعنى ح أجيبه و ح آخد أكثر من

ال 3900 ج كمان لو عايز ! ptmnlo123per154

والتكمله غدآ ان شاء الله حتى لا أطيل عليكم أكثر من ذلك !

Dr. Bolbolan ptmnlo123per122

اقتباس:

المشاركة الأصلية كتبت بواسطة Dr. Bolbolan (المشاركة 136444)

يا حكاياتك يا دكتور

اتمنى ان تكون النهايه سعيده ومحدش يضحك عليك اصل الدكاتره طيبين وغلابه منا منهم واى حد بيعرف ان اللى قدامه دكتور تحسه طمعان فيه وعاوز ياخد منه فلوس وخلاص ع العموم فى طريقه احسن من التامين على العربيه بدفع الفلوس انك تأمن عليها بالصدقات والمتاجره مع الله وربنا يباركلك فيها ويبعد عنك القر والعين

دا رأى من دكتور صغنن وانت ف مقام اخويا الكبير

سلامو عليكم