مش عارف تقدير المسافات خالص يا جماعه حد يساعدنى
 

السلام عليكم ورحمه الله وبركاته

معايا عربيه ماتريكس 2006 اوتوماتيك

اتعلمت السواقه فى مكتب على عربيه 128 بس طبعا كان تعليم شبه كروته ومش كامل

المهم جيت اسوق عربيتى حسيت بصراحه ان المانيوال اسهل بكتير من الاوتوماتيك مش عارف ليه لانى بحس انى بسيطر على العربيه افضل من الاوتوماتيك

المهم وانا ماشى فى الشوارع بخاف اخبط الناس من ناحيه اليمين من العربيه لانى مش بحط فى بالى انى قريب جدا منهم لدرجه قبل كده كنت سايق بسرعه وواحد قدامى على بعد 50 متر والله كنت هشيله لولا ستر ربنا وهو حس ام طالع على الرصيف وانا كل ده فاكر انى هبقى بعيد عنه خالص

ويا سلام بقى لما ابقى داخل حاره ديقه من حوارى المنطقه عندنا ( الخليفه ) يا سلام بقى بيبقى كل همى ان العربيه ما تتحكش وما تتخدش وبحس انى داخل حرب والتكاتك بقى مش عاوز احكيلكم بنزل من العربيه بمسك فى زماره الى سايقها بسبب الكلاكسات الى بتخلينى اشد فى شعر دماغى ويا حبذا بقى لما بنزل على صلاح سالم الى عباره عن 4 حارات وتلاقى كل شويه واحد يدينى اشاره انه عايز يخرج منى والتانى الى ورايه عاوز يعدينى ويسبق شغلانه بصراحه مقرفه يا ريت يا جماعه حد يقولى موضوع تقدير المسافات ده احسبه ازاى وخصوصا لما تبقى عربيه ماشيه جمبى مش سايبانى فى حالى ( رخامه ) :w6w200504112245306e

رد: مش عارف تقدير المسافات خالص يا جماعه حد يساعدنى
 

المسأله تعود و ممارسه اكتر , مع الوقت هتحفظ ابعاد عربيتك .

رد: مش عارف تقدير المسافات خالص يا جماعه حد يساعدنى
 

المانيوال اسهل من الأوتوماتك !! ياراجل قول كلام غير دا
هو بس الدنيا هتتظبط معاك بالممارسة فعلا ولما تاخد على عربيتك وابعادها بالوقت هتحفظها انت بس عشان لسة جديد

هقولك على حاجة تسهلك الدنيا شوية عليك عشان تحفظ ابعاد عربيتك من قدام والجنب من اليمين ,, هات حد من اصحابك مثلا وخليه يقف قدام العربية بالظبط لازق فى الكبوت يعنى وانت احفظ المسافة اللى هو واقف فيها دى وبالشبه والتقدير بعد كدة خلاص انت عرفت وش عربيتك اخره فين

ونفس الكلام من الجنب اليمين هتلاقى الدنيا ظبطت معاك بس متاخدش الموضوع بالصعوبة دى

رد: مش عارف تقدير المسافات خالص يا جماعه حد يساعدنى
 

كله بيقولى كده بس مش عارف ليه مع الماتريكس حاسس بصعوبه

رد: مش عارف تقدير المسافات خالص يا جماعه حد يساعدنى
 

عملت كده فعلا وده فادنى جدا فى الركنه والرجوع لورا بس المشكله لو انا مثلا سايق على طريق سريع وحابب اخش شارع ضيق بيبقى حوااااار بصراحه