مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   فيات FIAT (https://www.masrmotors.com/vb/forumdisplay.php?f=22)
-   -   اية رايكم فيات لينيا تربو ولا سكودا ِa4 (https://www.masrmotors.com/vb/showthread.php?t=17881)

ahmedeltaweel 29-12-2009 12:16 AM

اية رايكم فيات لينيا تربو ولا سكودا ِa4
 
اية رايكمياجماعة فيات لينيا تربو ولااوكتافيا a4 بس علي شرط اللي يرد لازم يقول اسبابه

فادى 29-12-2009 02:23 AM

رد: اية رايكم فيات لينيا تربو ولا سكودا ِa4
 
السيارتين من نفس الفئة (العائلية الصغيرة) لكن الاوكتافيا اكبر قليلا من اللينيا و لذا اعتقد انها هتكون اكثر راحة على الطريق و اعتقد انها اوسع من جوه.
فى المقابل اللينيا أكثر شبابا و حيوية و اكثر متعة فى القيادة و محركها افضل لأن نسبة القوة/الوزن افضل فى اللينيا كثيرا, لذا فانها اسرع و اكثر تجاوبا و أكثر ثباتا لأنها أخف من الاوكتافيا و أصغر حجما.
الشكل الاوكتافيا تقليدية الى حد ما و سخيفة و لكنها عائلية بينما اللينيا أكثر شبابا و نضارة.
الاعتمادية تتساوى بين السيارتين على الأغلب, بين شركة اعتماديتها تصعد بسرعة الصاروخ كفيات, و شركة اعتمادية و لكنها تعرضت لبعض السقطات مؤخرا كمجموعة فولكس, و هم يلتقون فى منتصف الطريق!
من الاخر الاوكتافيا أفضل كسيارة عائلية, و اللينيا أفضل لناحية الأداء لأن محركها أقوى(120 حصان الى 102 حصان للأوكتافيا لمحرك الMPI) و وزنها أخف.
و فى النهاية عليك باختيار من تميل اليها بقلبك.

mohamed ibiza 29-12-2009 02:31 AM

رد: اية رايكم فيات لينيا تربو ولا سكودا ِa4
 
الاتنين ممتازين الاوكتافيا سيارة اثبتت اعتمادية و كفاءة علي مدار 11 سنة في السوق منذ ان طرحت عام 1998 و اللينيا برضه فيات و فيات غنية عن التعريف لكن تسارع و اداء اللينيا افضل بسبب التربو بس الفرق مش جبار يعني بس يحسب للفيات و من ناحية الشكل اللينيا افضل في تصميم المقدمه لكن من ورا اللينيا بالنسبة ليا شكلها غريب ! و بالطبع توافر قطع الغيار لصالح الاوكتافيا و كمان اسعار القطع الاوكتافيا حاجتها متوفره اكتر و ارخص من اللينيا

hazem_khidr 29-12-2009 03:09 AM

رد: اية رايكم فيات لينيا تربو ولا سكودا ِa4
 
الباشمهندس فادي حامل لواء الفيات
و الاستاذ محمد حامل لواء فولكس
الاتنين بصراحه اتكلموا بحياديه شديده و دي نقطه تحسب لهم
انا رأيي من رأيهم
و اميل الي رأي فادي تحديدا
الاوكتافيا عربيه قديمه و اللينيا عربيه عصريه اكتر
من حيث الشكل و الخامات و التابلوه و ما الي ذلك
يعني حتركب الاوكتافيا حتحس انك جوه عربيه قديمه
اما اللينيا حاجه تانيه
النقطه الوحيده لصالح الاوكتافيا هو سعر اعاده البيع و سهوله الحصول علي قطع غيار
اسهل من اللينيا بحكم وجودها لفترات طويله في السوق
انا لو بختار بينهم حجيب اللينيا
اولا لحداثتها و قوتها مقارنه بالاوكتافيا
و السبب الثاني هو عشقي لعلامه فيات!!!

MaXx 29-12-2009 10:22 AM

رد: اية رايكم فيات لينيا تربو ولا سكودا ِa4
 
اقتباس:

المشاركة الأصلية كتبت بواسطة hazem_khidr (المشاركة 117143)
الباشمهندس فادي حامل لواء الفيات
و الاستاذ محمد حامل لواء فولكس
الاتنين بصراحه اتكلموا بحياديه شديده و دي نقطه تحسب لهم
انا رأيي من رأيهم
و اميل الي رأي فادي تحديدا
الاوكتافيا عربيه قديمه و اللينيا عربيه عصريه اكتر
من حيث الشكل و الخامات و التابلوه و ما الي ذلك
يعني حتركب الاوكتافيا حتحس انك جوه عربيه قديمه
اما اللينيا حاجه تانيه
النقطه الوحيده لصالح الاوكتافيا هو سعر اعاده البيع و سهوله الحصول علي قطع غيار
اسهل من اللينيا بحكم وجودها لفترات طويله في السوق
انا لو بختار بينهم حجيب اللينيا
اولا لحداثتها و قوتها مقارنه بالاوكتافيا
و السبب الثاني هو عشقي لعلامه فيات!!!

مش هكتب حاجة لان اللي كتبه استاذ حازم بالظبط هو نفس اللي كنت عايز اقوله بس مكنتش هتكلم عن سعر اعادة بيع اطلاقاً


الساعة الآن 06:12 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017