إستفسار عن لينيا الجديدة
السلام عليكم
أعتقد انى المواطن الوحيد فى مصر اللى عمره ما ركب عربية فيات فى حياته .. لكنى قررت مؤخرا أضم نفسى للمصريين و أعتمد على الله و أشترى لينيا الجديدة ... فلو ممكن حد يكون عنده معلومات كاملة عنها و بصراحة كدة أشتريها واللا لأ ... أكون شاكر جدا أكثر من ملحوظة - سعر العربية متذبذب جدا و كل شوية بسمع رقم مع العلم انى عايز الفول أوبشن مانيوال - ناس كتيييييييير جدا خوفتنى من التوكيل .. و التقفيل اللى سمعت انه صينى - هل الموتور الـ 1400 مناسب لحجم جسم العربية ؟ - فى حالة ان فى حد رافض للعربية .. ممكن يدلنى على بدائل لعربية فى نفس الفئة شكرا جزيلا مقدما |
رد: إستفسار عن لينيا الجديدة
وعليكم السلام ورحمة الله وبركاته
اولا: سعرها ليس متذبذب وهو بس سعرها نزل من حوالي 6 شهور لانخفاض سعر اليورو . ثانياً : التوكيل محترم جداً وتقفيلها مش صيني ولكن هي ايطالي تقفيل تركي . ثالثاً : متورها مناسب جداً وسحبها جميل . لاني سوقتها لانها مع واحد صاحبي |
رد: إستفسار عن لينيا الجديدة
انا بصراحه زى ما قولت قبل كده الاحلى منها وعن تجربه البروتون بيرسونا 1600CC كامله اتوماتيك ب 92000
والف مبروك مقدما على العربيه |
رد: إستفسار عن لينيا الجديدة
العربيه الينيا تحفه و هي تقفيل تركي
و موتورها كويس جدا علي حجمها و في منها محركين 1400 سي سي 77حصان و 1400 سي سي 120 حصان تيربو و طبعا التوكيل كويس مش وحش بس لسه جديد معا العربيات الملاكي لانه كان كل شغله معا العربيات النقل الفيات توكل علي الله مش هتندم ابدا و اركب اوربي برقبه اي حاجه اسياوي |
رد: إستفسار عن لينيا الجديدة
أشكركم جميعا على الإهتمام بالرد
تحياتى |
الساعة الآن 02:13 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017