ارتفاع حراره النيفا
 

اولا تحيه لكل اعضاء المنتدي
اشتريت من شهرين عربيه لادا نيفا موديل 96 روسي وطبعا بعدما نصحني الجميع بعدم شرائها لكني الحقيقه احب تلك السياره واراها الاكثر ملائمه للشوارع واسلوب قياده السيارات في مصر
وطبعا لانها اول سياره لي وجدت الكثير من المشاكل بها معظهما من اهمال المالك السابق وكلها بسيطه والحمد لله لكن المشكله الازليه ل الادا و هي ارتفاع الحراره و خصوصا عند السير بسرعه منخفضه لفتره طويله نسبيا قمت بعمل تسليك للردياتير و غسيل لكامل الدوره لكن المشكله مازالت موجوده طبعا قراءت الحلول الجيده لعلاج تلك المشكله في المنتدي لكن قبل ان ابدا في التنفيذ اريد ان اعرف من خبراء الادا الاتي
1-ما هي درجه الحراره القصوي التي يمكن ان تسير بها السياره بدون خوف علي وش السلندر؟
2- هل الدينامو في النيفا يتحمل مروحه كهربائيه ؟
3-طبعا الردياتير عندي هو الاصلي الالومنيوم ارجو معرفه تكلفه تركيب ردياتير نحاس 3 ماسوره وهل يسبب هذا الردياتير مشكله في الشتاء ؟
4- قطر طنبوره المروحه علي سير و سعرها وهل سيتيغير رقم السير بتغيير الطنبوره ؟
طبعا ان شاء الله ساقوم بالحلول الاقل تكلفه اولا وهي بالترتيب تغير ريشه المروحه بريشه 8 ريشه ثم تغيير الطنبوره ب اضغر ثم اضافه مروحه كهربائيه علي ثرموستات مع مفتاح طواريء تشغيل يدوي ثم في حاله فشل الحلول السابقه تركيب ردياتير نحاس
وجزيل الشكر لكل الساده اعضاء المنتدي :GROWIN~12:

رد: ارتفاع حراره النيفا
 

ما المروح الكهربيه المناسبه لها وسعرها ؟

رد: ارتفاع حراره النيفا
 

بص يا ريس
هو أى عربية مش اللادا بس, المفروض ليها درجة حرارة معينه متزيدش - و لا تقل - عنها
و دى بتبقى من 80-90 درجة مئوية, و لو المؤشر بتاع درجة الحرارة عندك مش بأرقام يبقى المؤشر ميعديش النص, لو زاد لا قدر الله يبقى تركن على جنب و تشوف دورة التبريد على طول.
اللى فهمتة كده إن حضرتك عاوز تلغى ترموستات الكوعه و تركب المروحه على سير مباشرة مع طنبورة الدينامو, الحل ده خليه للآخر مش الأول, هو ده الأسهل من تغيير الريداتير, بس غلط, و مش بنعمله فى اللادا غير للإضطرار. هأقولك غلط ليه....
الموتور - سواء صيف أو شتاء- المفروض بيبقى ليه درجة حرارة ثابتة 90 درجة مئوية, و دى أفضل درجة حرارة عملتها الشركة علشان الموتور يشتغل بأفضل أداء ليه. التزييت كويس و إستهلاك البنزين ممتاز, لو قلت عن كده معناها إن التزييت مش كويس و الزيت لسه لزوجته عالية و مش بيزيت كل أجزاء المكنه من جوه, و هتلاقى الكربراتير كمان علشان بارد بيسحب هواء كثافته كبيرة (هواء بارد) و بالتالى بيستهلك بنزين أكتر, علشان كده الكربراتير يتضبط و هيا العربية سخنه.
طيب إحنا بنشيل المراوح الكهرباء و القميص و نوصل على الطنبورة مروحه بسير ليه.... أهم سبب علشان ترموستات الكوعه دى (اللى بتتحكم فى درجة الحرارة لا تزيد و لا تقل) ممكن تعلق و هيا مقفوله و ساعتها حرارة العربية تزيد بسرعه و تدخل فى حوار تانى .... عافانا الله منه.
=============== ده الكلام النظرى, العملى بقى:
أنا شارى العربية الترموستات ملغى بالفعل, المروحة 8 ريشة بتاعة فيات 124 بحوالى 12-15 ج, و السير مش فاكر دلوقتى بكام.
مش هتحس بفرق بين وجود الترموستات و عدم وجوده غير فى أيام البرد فى الشتاء, هتحس إن العربية مش عاوزة تسخن لو المروحه على سير, غير كده طول الصيف هيا هيا.
فى أيام الشتاء إتعلمنا من الإخوة سواقين التاكسى اللادا بيحطو حته كرتون أمام الريداتير (بين الريداتير و الشبكة) علشان يسخن العربية.
إطلع على البشمهندس محمد طلبه فى الوراق و إعرض عليه العربية, هيقولك الصح تعمل إيه حسب حالتها, و لو فيها أى حاجه تانية هيقولك, خليه يجربها بنفسه و خليك معاه و شوف هيقولك العربية محتاجه إيه و بكام.... و ممكن تتصل بيه بس و تسأله على إنت عاوزة و بالأسعار, عادى, أنا جربته و ناس كتير هنا جربوه و محدش إشتكى منه بفضل الله, و أمين جداً لو العربية مش محتاجه مبيعملش شغل, و أسعارة فى المتوسط و الميزة إنه بيجيب قطع الغيار على ضمانته, طبعاً الأصلى أو الأفضل جوده لو الأصلى مش موجود فى السوق, يعنى مش هيقولك أصل قطعه الغيار مضروبه, هو اللى جايب و هو اللى مركبها, ريح دماغك.
أعانك الله

رد: ارتفاع حراره النيفا
 

طب بعد اذنمك ايه هو رقم و عنوان المهندس مجمد طلبه ؟ ولك جزيل الشكر

رد: ارتفاع حراره النيفا
 

الحقيقه ان مروحه التبريد في العربيه علي طنبوره علي سير وانا اشتريت العربيه لقيت الردياتير مقفول من الصدا لانه اول مره ينفك عملت تسليك وغسيل وميه خضرا لكن العربيه بتسخن و بتعدي ال 90 يعني بتكون حوالي 95 او اكتر شويه موضوع ترموستات الكوعه لسه ما كشفتش عليه هلي يمكن ان اسير يها بتلك الحراره ؟و هل يمكن الغاء الترموستات ؟ ارجو معرفه عتليفون و عنوان مهندس محمد طلبه ولك جزيل الشكر