مصر موتورز مجتمع السيارات - اسئلة هامة وضرورية للجيتا الفتيس القديم

مصر موتورز مجتمع السيارات (https://www.masrmotors.com/vb/index.php)

- جيتا JETTA (https://www.masrmotors.com/vb/forumdisplay.php?f=207)

- - اسئلة هامة وضرورية للجيتا الفتيس القديم (https://www.masrmotors.com/vb/showthread.php?t=114677)

اسئلة هامة وضرورية للجيتا الفتيس القديم

السلام عليكم

طبعا اللى متابع المنتدى هيعرف انى مسحول بقالى 4 شهور فى شراء جيتا فتيس قديم

و عندى اسئلة عاوز اعرفها الصراحة عشان بلاحظ ان فى كماليات كتير فى الجيتا فى كل كاتيجورى عشان الهبل اللى كانوا بيعملوه المستوردين فى الباكدج المطلوبة عشان يلعب بفرق السعر و الناس مش فاهة عموما مع العلم ان كل الاسئلة خاصة بالجيتا الهاى لاين من 2008 لى 2010 فتيس قديم

1- فى فرق بين الخليجى و الوكيل ؟؟ مع العلم ان ال2 نفس الكماليات و هاى لاين و جنط 17 و فيهم كمان حساس نور ومطر ... اللى اعرفه كالعادة ان معظم العربيات الخليجى بيبقى تكييف اقوى و العزل من بره للصوت احسن مش هتسمع حاجة بره و الموتوراقوى كسحب و الفرش انظف ... بس الكلام ده اعرفه فى الكورى واليابانى لكن معرفش فى الالمانى ففى فرق فى الجيتا ولا مش هتفرق خليجى او وكيل ؟؟؟ بعض الناس بيقولو ان الخليجى فيها كماليات اكثر...

2- الجيتا هاى لاين لازم يبقى فيها زينون عالى وواطى ؟؟ ( فى بتبقى هاى لاين و زينون واطى لينس ( اويجينال مش متركب ) بس و العالى بيبقى نور اصفر عادى و لا بيبقى عالى وواطى للباكدج اللى بتبقى فيها سينسور نور .. مطر .. كاوتش و مرايات جوه تعتيم ؟؟؟ ولا اللى بتبقى نور عالى اصفر بتبقى وكيل مش خليجى ؟؟

3- اللى بيبقى فيها سينسور نور ومطر فى زرار لموتور الفانوس اللينس انى اعلى و اوطى الزينون فوق وتحت ؟؟ عشان فى ناس بتقول ان ديه بتبقة اتوماتيك مش مانيوال اول لم تدور العربية الزينون يوطا ويتظبط فوق وتحت على حسب الوزن اللى جوه العربية بس لكن مش مانيوال كمان بالاضافة لسيستم الوزن... ؟؟

4-الستارة الخلفية اللى فى 2008 بتقى كهرباء ولا عادى ؟؟

5- فى فرش اسود قماش فى 2008 او 2009 ولا الرمادى بس ؟ عشان انا شوفت اسود قبل كده بس قليل جدا ...

6- فى كام ايرباج 10 ولا 12 ؟ والايرباج اللى فى كراسى قدام فى الجنب لو انا حاطط كسوة او فرش جلد لا قدر الله هيفتح ازاى ؟؟ ولو امكن اماكنهم بدون شرح تفصيلى يعنى؟؟

7- لو اتلعب فى العداد ممكن اعرف من على سيستم العربية بالجهاز سواء كان روس تك او اى حاجة تانى ولا مش هيبقان ان العداد متغير؟؟ ولو كده هيبقان اتلعب فى كام الف ؟ يعنى كان كام وبقى كام لا انه اتغير بس؟؟

8- لو سنسور كرنك او شكمان بايظ هينور فى التابلوه ولا لا و لو بايظ يبقى دليل ان العربية متهانة او مش بتعمل صيانة فى معادها ولا ملوش علاقة؟؟

9- لاحظت فى كذا عربية و هى دايرة ان النور اللى جوه الاصفر فى الصالون عمال يعلى و يوطى ... ديه بطارية ولا دينامو ولا ايه؟

10- الزراير اللى قدام الفتيس بيبقو كام واحد ؟؟؟ انا اللى اعرفه بتاع ال asr وكمان زرار ظبط الكاوتش فين؟؟ وانا اللى اعرفه ان بتاع الasr غالبا ده لو قفلته بيفصل التراكشن كونترول بتاع العجل بس فى مياه او رمل عشان العجل ميلفش لو دوست بنزين جامد ولا بيفصل ال esp كله... Asr و ebd فلو داخل ملف على سرعة عالية العربية ممكن تعوم ؟؟ وانا بسال للمعرفة و الافادة للناس كلها فمحدش يقولى وانت تقفله ليه ولا بطال لعب (: انا بسال للافادة

11 - الجيتا الهاى لاين اللى فيها سينسر نور ومطر و كاوتش و مرايات تعتيم فى الصالون بيبقى فيها ايه تانى زيادة عن الهاى لاين اللى كاملة زينون وجنط 17 و فتحة سقف عشان اعتقد انها بتبقى نازلة جنط 16 و عشان كده من غير سينسور نور ومطر و الناس يتغير ل جنط 17...

12 - اسف للاطالة و كل الاسئلة ديه بس عشان ناس كتير مش عارفة الحاجات ديه و يتضحك عليها بالذات فى موضوع هاى لاين ده ... انا شوفت هاى لاين فيها كل حاجة و فيها سينسور نور كمان بس كان فيها حساس قدام بدل الزينون !!

انا عارف ان الاسئلة كتير بس معلش بقى يا جماعة
و لكم جزيل الشكر

ارجو التكرم بالدعاء لى و معلش طولت عليكم و سالت كتير... بس للمعرفة والافادة وبرضو نقل خبرة 4 شهور :)

السلام عليكم

رد: اسئلة هامة وضرورية للجيتا الفتيس القديم

اقتباس:

- فى فرق بين الخليجى و الوكيل ؟؟ مع العلم ان ال2 نفس الكماليات و هاى لاين و جنط 17 و فيهم كمان حساس نور ومطر ... اللى اعرفه كالعادة ان معظم العربيات الخليجى بيبقى تكييف اقوى و العزل من بره للصوت احسن مش هتسمع حاجة بره و الموتوراقوى كسحب و الفرش انظف ... بس الكلام ده اعرفه فى الكورى واليابانى لكن معرفش فى الالمانى ففى فرق فى الجيتا ولا مش هتفرق خليجى او وكيل ؟؟؟ بعض الناس بيقولو ان الخليجى فيها كماليات اكثر...

الخليجي كماليات اعلى سعر اقل لكن عيبها ان الجيتا الخليجي واطية لان عفشتها رياضية لكن الجيتا التوكيل عفشتها مخصصة للطرق المصرية
لكن موضوع الجودة والفرش دا مش موجود في الجيتا لان شركة فولكس شركة كويسة ومحترمة

اقتباس:

- الجيتا هاى لاين لازم يبقى فيها زينون عالى وواطى ؟؟ ( فى بتبقى هاى لاين و زينون واطى لينس ( اويجينال مش متركب ) بس و العالى بيبقى نور اصفر عادى و لا بيبقى عالى وواطى للباكدج اللى بتبقى فيها سينسور نور .. مطر .. كاوتش و مرايات جوه تعتيم ؟؟؟ ولا اللى بتبقى نور عالى اصفر بتبقى وكيل مش خليجى ؟؟

بصراحة الحكاية دي مش متاكد منها

اقتباس:

- اللى بيبقى فيها سينسور نور ومطر فى زرار لموتور الفانوس اللينس انى اعلى و اوطى الزينون فوق وتحت ؟؟ عشان فى ناس بتقول ان ديه بتبقة اتوماتيك مش مانيوال اول لم تدور العربية الزينون يوطا ويتظبط فوق وتحت على حسب الوزن اللى جوه العربية بس لكن مش مانيوال كمان بالاضافة لسيستم الوزن... ؟؟

الحتة دي مش فاهمها اوي ياريت توضيح اكتر

اقتباس:

-الستارة الخلفية اللى فى 2008 بتقى كهرباء ولا عادى ؟؟

اعتقد انها عادية
صعب اوي عربية في فئة الجيتا تنزل بستاير كهربا والاوبشن دا بينزل في العربيات الكبيرة زي الفئة الخامسة والاي كلاس الخ

اقتباس:

- فى فرش اسود قماش فى 2008 او 2009 ولا الرمادى بس ؟ عشان انا شوفت اسود قبل كده بس قليل جدا

على حسب الفئة في فئات فرشها اسود وفئات فرشها رمادي

اقتباس:

- فى كام ايرباج 10 ولا 12 ؟ والايرباج اللى فى كراسى قدام فى الجنب لو انا حاطط كسوة او فرش جلد لا قدر الله هيفتح ازاى ؟؟ ولو امكن اماكنهم بدون شرح تفصيلى يعنى؟؟

الخليجي 10 ايرباج والتوكيل اعتقد 6
وياريت بلاش حكاية الكسوة لان ساعتها الايرباج مش هيفتح

اقتباس:

- لو اتلعب فى العداد ممكن اعرف من على سيستم العربية بالجهاز سواء كان روس تك او اى حاجة تانى ولا مش هيبقان ان العداد متغير؟؟ ولو كده هيبقان اتلعب فى كام الف ؟ يعنى كان كام وبقى كام لا انه اتغير بس؟؟

اعتقد ان كمبيوتر كشف الاعطال ممكن بيبن اذا كان العداد ملعوب فيه ولا لأ والله اعلم

اقتباس:

- لو سنسور كرنك او شكمان بايظ هينور فى التابلوه ولا لا و لو بايظ يبقى دليل ان العربية متهانة او مش بتعمل صيانة فى معادها ولا ملوش علاقة؟؟

اعتقد ساعتها لمبة التشيك هتنور في التابلوه
ولو صاحب العربية محافظ عليها صعب تحصل اعطال زي دي

اقتباس:

- لاحظت فى كذا عربية و هى دايرة ان النور اللى جوه الاصفر فى الصالون عمال يعلى و يوطى ... ديه بطارية ولا دينامو ولا ايه؟

لو قصدك على اضاءة التابلوه دا عادي لان في زرار تقدر تتحكم بيه في مستوى اضاءة التابلوه

اقتباس:

- الزراير اللى قدام الفتيس بيبقو كام واحد ؟؟؟ انا اللى اعرفه بتاع ال asr وكمان زرار ظبط الكاوتش فين؟؟ وانا اللى اعرفه ان بتاع الasr غالبا ده لو قفلته بيفصل التراكشن كونترول بتاع العجل بس فى مياه او رمل عشان العجل ميلفش لو دوست بنزين جامد ولا بيفصل ال esp كله... Asr و ebd فلو داخل ملف على سرعة عالية العربية ممكن تعوم ؟؟ وانا بسال للمعرفة و الافادة للناس كلها فمحدش يقولى وانت تقفله ليه ولا بطال لعب (: انا بسال للافادة

في زرار السنسور بارك والESP OFF وزرار بيقيس ضغط العجل
واعتقد انه من الصعب ان عربية الماني زي الجيتا تعوم في الملفات
ونصيحة مني لو ماشي على سرعة عالية شغل نظام الثبات الالكتروني الا لو انتا سواق محترف وتعرف تتعامل مع المواقف اللي زي دي

اقتباس:

- الجيتا الهاى لاين اللى فيها سينسر نور ومطر و كاوتش و مرايات تعتيم فى الصالون بيبقى فيها ايه تانى زيادة عن الهاى لاين اللى كاملة زينون وجنط 17 و فتحة سقف عشان اعتقد انها بتبقى نازلة جنط 16 و عشان كده من غير سينسور نور ومطر و الناس يتغير ل جنط 17...

الموضوع دا هيفيدك
http://www.masrmotors.com/vb/showthread.php?t=88265

ومبروك مقدما

رد: اسئلة هامة وضرورية للجيتا الفتيس القديم

موضوع رائع ومقارنه فى منتهى الاهميه بين الجيتا الخليجى والتوكيل

رد: اسئلة هامة وضرورية للجيتا الفتيس القديم