السلام عليكم .

بقالى فترة من يوم ماجبت البيكانتو عاوز اركب لها انذار وريموت لكن لما بحثت فى المنتدى وباقى المواقع المختصة وجدت الجميع بيحذر من تركيب انذار للبيكانتو وده لان الموسجر بتاعها على وير مش على سيخ وبالتالى كنسلت الفكرة لكنها ظلت فى بالى تلح عليا .

طبعا نسيت اقول ان الورشة دى متخصصة فى جهاز الوولف فقط يعتبر هو الوكيل بتاعه عندنا . سألنى هتركب وحدة رفع . ترددت فترة لانى خايف يقطع زيادة فى الضفيرة بس قلت لنفسى ركبه بدل ماتندم وتول ياريتنى خصوصا ان وحدة الرفع لها فوايد ممكن محدش يتخيلها . قلت له ماشى ركبها وبرضه كان نوعها وولف .

بعد شوية لقيته من نفسه بيفك الكنبة الورانية وبيبص على حاجة انا فهمت على طول قلت له انت هتخلى الريموت يفصل طلمبة البنزين قالى اه طبعا انا قلقت قلت له هو لازم يعنى قالى امال ايه فايدة الانذار قلت له افرض الريموت علق وانا ماشى راحت فاصلة بنزين اعمل ايه ضحك وقالى ماتخفش واى حاجة للانذار ده عندنا سواء قطع غيار ومعاك ضمان عليه قلت ماشى

بعد كده قفل الفبر بتاع الدركسيون وفبر الباب وقالى خش نقى الريموت اللى يعجبك . لقيت ان انا بختار اما ريموت ميدالية او فى ريموت مع المفتاح بسموه ريموت مطوة بصراحة شكله حلو وبيزيد حاجة بسيطة فاخترته وجربلى الانذار ووحدة الرفع وكله تمام والحمد لله