دراع النور كام لفة؟
 

يا جماعة أنا عندى هيونداى ماتركس. وكالعادة النور بيتم التحكم فيه عن طريق زراع فى الشمال جنب الدركسيون. أنا عندى الدراع زى ما هو عندكم فيه لفتين. اللفة الأول بتوع وراء اللمض الحمراء بتاع السير بالليل ولكن قدام مش بيكون فى نور فى الفوانيس. اللفة الثانية تولع نور فى الفوانيس مش عارف هل هذا النور العالى أم الواطى. طبعا لو شديت الزراع ناحية السائق هيشغل الرعاش ولو دفعته ناحية التابلوة وهو فى اللفة الثانية بينور النور العالى أعتقد بستمرار.

المشكلة دلوقتى أنا شاكك أن العربية دى لما جبتها مش سنة ونص كنت لما بدور اللفة الأولى كانت الفوانيس الأمامية بتعمل نور زى السهارى كدة. نور ضعيف أبيض ولكن لانى مش بسوق بالليل خالص ومش بركب العربية كتير فجاءة لقيت ان اللفة الأولى فى الذراع بتاع النور مش بتنور أى نور فى الفوانيس الأمامية ولكن بتنور نور أحمر فى الفوانيس الخلفية.

فهل أنا صح وفعلا اللفة الأولى بتولع نور سهارى ولا أنا مكنتش واخد بالى والعربيات مش فيها 3 أنواع من الأنورا ( عالى مستمر ورعاش - واطى - سهارى). اللى مخلينى شاكك أن الفانوس فية لمبتين بس واحدة كبيرة فى النص وواحدة ضغير فى منطقة مستدير على الجنب الفانوس من الداخل.

فى حالة أن فى نور أسمة سهارى فهل ممكن تكون المبات دى محروقة ومحتاجة تغير؟ ما هو ثمن هذه اللمبة وأفضل أنوعها؟


شاكر على الرد

رد: دراع النور كام لفة؟
 

فعلا عندك مشكلة
يا اللمبات محروقة يا الفيوز بتاعهم يا اقل احتمال دراع النور و الضفيرة
اللمبات بتبقى رخيصة عندى فى اللانوس مثلا ب 75 قرش و بيعيشوا سنين و الفيوزات رخيصة برضه
فانا رايى كهربائى يتاكد من الفيوز لو سليم يجرب يغير اللمبات تغيرهم سهل

رد: دراع النور كام لفة؟
 

متشكر يا أحمد دائما سباق فى الرد. أنا فعلا كنت حاسس أنى صح. لانى بشوف عربيات كثير النور بتعها بيكون ضعيف جدا وأسال نفسى هو النور السهارى دة جاء من أين.

ممكن أسال هو ايه فائدة اللمبة السهارى دى. يعنى هى مش بتكشف الطريق أيه الفائدة منها. الحقيقة أنا عندى فوجات ( شبورة) فبولعهم بدلا من النور الواطى بستمرار أثناء السير ليلا. الوالد بيقول أن هذا خطا ويجب ان النور يكون مطفى لان هذا بيستهلك الكهرباء من البطارية ويكفى أنى أولعة لو الطريق مظلم ولكن مع إضاء الشارع العادية فى الليل داخل المدن فليس من الضرورى وجود نور أمامى على الإطلاق. هو من أنصار أنى كل شوية أولع وأطفى فى اللمبات للنور الواطى والعالى حسب الحاجة. اما أنا فمن أنصار ولعن الشبورة اللى تحت لحد الوصول للمكان المراد...

أيهما اصح واسلم وأوفر فى القيادة؟؟؟

رد: دراع النور كام لفة؟
 

رد: دراع النور كام لفة؟
 

احتمال 99 % اللمبة بتاعت النور الصغير محروقة
مش عارف ليه بتتحرق كتير لما ما بتشتغلش ؟؟
انا معايا ماتركس و كنت زى حضرتك
لو عايز تظبط الاداء هات " 2 لمبة بدون كعب 10 ليدات "
مش هاتحتاج تنور النور العالى تقريبا طول ما انت ماشى فى الطرق المنورة النور الخافت