مصر موتورز مجتمع السيارات - شفرولية كروز بعد استخدام ل450 الف كم فى 30 شهر

يا جماعة انا متابع المنتدى من سنتين بس مكنتش عامل حساب علية..
عموما انا هتكلم عن عربية اخويا و هى كروز 2010 مانيوال و هى دلوقتى عاملة اكتر من 450 الف كيلو بسبب طبيعة عملة و كثرة سفرة..
اولا من حيث الثبات: السيارة ثابتة جدا و فعلا تعتبر صخرة على الطريق و هو بيجيب لحد 200.
ثانيا من حيث الفرامل:للاسف فرامل هذة الفئة فقيرة لثقل السيارة و كان يجب على التوكيل تزويدها بأى بى اس بس مش معنى كدة انها وحشة بس بتحتاج سرعة استجابة منك لو انت بتجرى على الطريق و لازق فى اللى ادامك.
ثالثا من حيث سرعة التجميع: سرعة التجميع على السرعات الواطية بطىء و لكن بعد ال120 سرعة التجميع ممتازة.
رابعا من حيث العفشة: انا عن نفسى شايفها مش ناشفة اوى و مناسبة لفئتها.
خامسا من حيث العزل: جيد جدا.
سادسا من حيث قطع الغيار: معظم السيور اللى كان بيغيرها قبل كدة فى النوبيرا هى هى فى الكروز و لذلك قطع غيار الموتور مش غالية اوى.
الاشياء التى تم تغيرها بعيدا عن السيور و البوجيهات و الكويتش هى:
1-كلاكس
2-مروحة ريداتير ب850 و تتعبر الى حد ما مش رخيصة بس تم تغيرها عند 445 الف كيلو.
3-زرار الانتظار فى التابلوة.
4-طنابير
5-بليتين فى الموتور مش فاكر بتوع اية بس كانو بحوالى 800 و دة عند ال440 الف كيلو.
هو جميع صياناتة بيعملها برة التوكيل و طبعا دة بسبب ان التوكيل جزار فى الاسعار.
طبعا لو هتودى العربية لواحد برة يغيرلك حاجة فى الجير بوكس مثلا لازم توديها لواحد فاهم لأن لو وديتها لواحد حمار هيخربهالك زى ما حصل عند اخويا ..(هو كان ماشى على 140 و خبط بولديرة رصيف كانت فى نصف الطريق دخلتلو فى كرتيرة الجير بوكس فكسرت الكرتيرة و اثرت على الجير بوكس فكان لازم يغيرو بس هو طبعا راح للميكانيكى اللى كان بيتعامل معاة فى النوبيرا فبوظلو حاجات تانية غير الجير و اضطر انة يجيب جير بوكس ب 3500 و حاجات تانية الميكانيكى بوظهالو .