المشاركة الأصلية كتبت بواسطة ahm2000 (المشاركة 1014605)

عملت صيانة للعفشة و غيرت جلب المقصات و دراعين البارات و الحمد لله النتيجة تمام
جلب المقصات موجودة هي بتبقى بالمقاس يعني بتاع العفشة بيحل المقص و الخراط بيطلع الجلبة تجيب مقاسها و الخراط يركبها تاني في المقص عن طريق مكبس مش شغل خراطة غيرت اتنين الواحده بـ 60 - أما دراعين البارات اشتريت اتنين كوري بـ 250 هو الدراع الواحد بيبقى جزئين أقصد ان الطقم بيبقى أربع أجزاء دراعين يمين و شمال و اتنين من الجزء المتحرك اللي ناحية العجلة الطقم الكوري اللي جبته كان مكتوب عليه لانسر شارك - رجاء لللأهميه محدش يقول اكبس الدراع القديم و اشتغل بيه - و كمان من ضمن الصيانة غيرت دراعين ميزان و دول تمنهم الواحد بـ 70 و كانوا بتوع كيا بيكانتو - و بالمره غيرت الجلبه بتاعة قاعدة الموتور بنفس الطريقة بتاعة جلبة المقص و كان سعرها 65 و الحمد لله كله تمام.
بصراحة كل اللي اشتغل في العربية بيشكر فيها جداً من حيث الخامات و طريقة التقفيل حتى بتاع العفشة بيقول لي على مسامير المقص انها مقاس 22 و ده النظام المستخدم في الألماني و الأمريكي أما باقي الأنواع بتستخدم مسامير مقاس 18 ده كان من ضمن كلامه على مستوى جودة العفشة وربنا ييسر الأمور يارب مع التوكيل الجديد

المشاركة الأصلية كتبت بواسطة aymanlaw (المشاركة 1015951)

استاذ احمد باالنسبة للطقم الخاص بأزرع البارات الأمامى كان كله ب250 ,وزراعين الميزان دول الموجودين فى الخلف يعنى العفشة الخلفية للعربية ,وايه المقصود بجلبة قعدة الموتور مش قعدة الموتور بس يعنى الواحد يعرف ان الموتور له ثلاث قواعد اثنين على الجناب و واحدة فى المنتصف مع الفتيس عموماً القعدة كانت اي واحدة فيهم وكمان حضرتك مكانك فين وعنوان العفشجى حتى تعم الفائدة للجميع والف شكر على المعلومة ومبروك الصيانة

المشاركة الأصلية كتبت بواسطة ahm2000 (المشاركة 1017001)

السلام عليكم - أعتذر عن التأخير في الرد - طقم البارات كله الأربع قطع بـ 250 و كان في نوع أرخص كان بـ 220 على ما أتذكر و بالنسبة لدراعين الميزان دول دراعين موجودين بالأمام مش الخلف أنا مش متأكد من اسمهم بس هما بيركبو رأسي أقصد بيكونو راكبين بالطول خلف العجلة الأمامية

و بالنسبة لقاعدة الموتور هو غير اللي في النص هي اللي كانت هتحتاج تتغير يعني مكانتش تعبانه أوي بس غيرناها بالمرة

و أنا من حلوان و قطع الغيار جبتها من العزبه اللي في حلوان هي فيها بتوع قطع غيار كتير و العفشجي إسمه عثمان هو ورشة كبيرة متخصصة في العفشة مكانه بعد ركن حلوان على الكورنيش قدام شركه اسمها استيلكو لو انت جاي من اتجاه المعادي على الكورنيش عدي ركن حلوان و سينا كولا و مفكو بعدهم هو في المنطقة دي على الشمال
و أنا تحت أمركم في أي حاجة