مشروع ايه لعربيتي الاكسيل او استغلها فى ايه من فضلكم ؟
 

رد: مشروع ايه لعربيتي الاكسيل او استغلها فى ايه من فضلكم ؟
 

أرى ناس كتير تستغل سياراتهم الملاكى كسيارات اجرة (تاكسى) ممكن فى أوقات فراغك وممكن كذلك تقوم بتأجيرها ....

رد: مشروع ايه لعربيتي الاكسيل او استغلها فى ايه من فضلكم ؟
 

رد: مشروع ايه لعربيتي الاكسيل او استغلها فى ايه من فضلكم ؟
 

بص يا باشا
اول شىء ربنا يعينك وييسر المستوى المادى اللى بتحلم بية ..امين يارب
1- ممكن تدور على النت على مكان يكون محتاج توصيل اوردرات بعربية ملاكى.. هتدور .. هتلاقى
2- مطلوب جميع انواع السيارات الملاكى والمكروباص للعمل بسائق بجميع مجافظات الدلتا القاهرة - المنصورة - الشرقية - المنوفية - الاسكندرية - الغربية برواتب تبدا من 3000الى 6000 مع البنزين والاقامة للاتصال بنا 0101995499 0128348316
3- اعمل اعلان على مكتبتك او فى جوارسكنك برقم تلفونك فقط وليس الاسم - لانى شايفك بتتحرج - عن تاجير عربيتك للافراح وكل شى بتمنه.. وكل فولة وليها زبونها موجود.. فى ناس ماتقدرش على سعر الهاى لاين
4- استغنى عن عشرة جنية واشحن موبايلك واتصل بكل مكتب او شركة تاجير سايب تليفونة عالنت حتى لو طالب موديللات جديدة فقط واتفاوض معاة فى السعرلغاية مايلاقى نفسة هيكسب من وراك اللى هيكسبة من ورا عربية جديدة هيوافق ..اية المانع؟ وزى ماقولنا انت مستغنى عن العشرة جنيية اصلا
5- يوجد فى بعض القرى المحيطة بالمنصورة - انا من الدقهلية - مواقف خاصة للملاكى مثل مواقف الميكروباص لاى حد عايز يروح مشوار ..استعلم عن قرية مجاورة ليك وقضى فى الموقف هناك كام ساعة بعد شغلك او ركبها لسواق رخصة خاصة امين وانت شوف شغلك
6- فى عضو اسمة crime دور على اى مشاركة لية تليفونة موجود فى التوقيع اتصل بية ..يقدر يساعد
7- لو قابلك مشكلة فى العربية روح التوكيل ..لو قابلك مشكلة فى حياتك روح للوكيل

رد: مشروع ايه لعربيتي الاكسيل او استغلها فى ايه من فضلكم ؟
 

رد: مشروع ايه لعربيتي الاكسيل او استغلها فى ايه من فضلكم ؟
 

البلد مش مستقره دلوقتى واى حد هيدخل مشروع يعتبر نفسه خسران على طول اصبر شويه لحد ما تبان الدنيا هتخدنا على فين وربنا يسترها علينا وعليك

رد: مشروع ايه لعربيتي الاكسيل او استغلها فى ايه من فضلكم ؟
 

أولاً ربنا يوفقك إلى ما فيه الخير
ثانياً أبحث عن شركات توصيل الطلبات للمنازل اللي بتعلن في التليفزيون وبتبيع المنتجات والأدوات المنزليه مثل الأجهزه الكهربائيه وأطقم الصيني وأطقم السراير والبطاطين وخلافه فهي بتحتاج لمناديب بسياراتهم بعموله بيع ولا تفرق معهم الوقت أو موديل السياره المهم البضاعه توصل للعميل وبتأخذ غالباً مجموعة طلبيات بتكون في منطقه واحده هما بيجمعوها وعليك توصيلها خلال يوم أو أثنين أو أكثر حسب الإتفاق ولو الشركات دي ليها فرع في المنصوره يكون كويس ولو ملهاش ممكن تيجي القاهره يوم في الأسبوع تأخذ الطلبيات وتسلمها خلال الأسبوع دي حاجه
الحاجه الثانيه ممكن تروح لصيدليات تكون عارف أصحابها أو حد ثقه لك ولهم يعرفك أصحابها وتتفق معاهم تنزل تجبلهم طلبيات الأسبوع من شركات الجمله الخاصه بها لأن هذه الشركات بتتعامل مع المستوردين والمصانع وهي بتورد للصيدليات وبعض هذه الشركات هي اللي بتستورد المهم أن تكون الوسيط لأن أحياناً طلبيات الصيدليات بتتأخر وممكن تحتاج لك في ذلك
هذا والله أعلم والله ولي التوفيق