تقطيع و خنقة في الأونو 98
 

السلام عليكم سادتنا الكرام:

عندي عربية أونو 98 بولندي كاربرتير.

المشكلة بدأت بعد ما غيرت الأسبراتير و الموبينة بعد ما غسل لي أحد العمال الموتور بالمياه.

العربية بحس انها بتتخنق فجأة و انا سايق خصوصاً و هي لسه بارده (خصوصا الغيار الأول و التاني)

ساعات بتقطع و ترجرج و أنا ماشي بؤضه ع السرعة البطيئة.

في أحيان العربية بتتخنق أوي و اسمع صوت زي ما يكون فرقعة من الشكمان (زي ما أكون شعرت فرامل على سرعة و بعدين تطلع صوت من (ربما الشكمان)

- غيرت البوجيهات
- الفلتر
- طقم السلوك
- كنت باستعمل بنزين 80 خليته 92 و لسه برضه
- نضفت الكربراتير
- ضبط هوا الكربيراتير
- نضفت فلتر الهوا

يدوب تتظبط اسبوع و ترجع ريما لعادتها القديمة

أفيدوني جزاكم الله كل الخير

رد: تقطيع و خنقة في الأونو 98
 

ماهو الوضع الآن ..............؟

وهل لما العامل غسل حوض المكنه

البوبيا والأسبراتير القدام باظوا وأضطريت تغيرهم

وظهر عيب التقطيع مع البوبينا والأسبراتير الجداد

وهل هما جداد ولا أستيراد ( الراكبين حاليا ).................؟

رد: تقطيع و خنقة في الأونو 98
 

بص علي اتوماتيك الاسبراتير
لو سليم
يبقي شوف الموبينه بايظه
و دي ختعرفها لو العربيه بتخنق لما بتسخن بس

رد: تقطيع و خنقة في الأونو 98
 

بارك الله لي فيكم,

الاسبيراتير و الموبينة مستعملين. لأن مفيش جديد. يمكن مفكرتش أغيرهم عشان العربية بعد شوية الظبط اللي بعملهم في الكربيراتير بتقعد حوالي أسبوع مظبوطة. يعني مش مشكلة كهربة ... لأن لو كده كانت قطعت على طول

العربية بتتخنق أكتر و تقطع و هي باردة!!

الحالة الوقت انها بتقطع برضه.

ناس شارو عليا أحل التانك و المواسير بتاعته و اغسلهم . إيه رأيكم

رد: تقطيع و خنقة في الأونو 98
 

أرى أنك تحاول الكشف على غطاء الأسبراتير

ولو مشقق ووحش

غيره بغطاء جديد

ولو كان سليم

راجع على نحاسة الشاكوش من جوه وشوف عمود الأسبراتير فيه بوش كتير ولا لا

ونظف نحاسات توزيع الشراره الموجوده داخل غطاء الأسبراتير

بحتة صنفره ناعمه وجرب برضه تانى

لأن دى مشاكل أسبراتير بالفعل