|
حد خوفنى من اللوجان وقال كلام انا مش فاهماه انها كلها كمبيوتر وبتخسر جامد فى اعادة بيعها
الحقيقه انى محتاجه عربيه جدا وتعبت اوى وانا بدور على العربيات المستعمله وملاقتش حاجه تكون اتوماتك وبتكييف و كويسه ب 40000 وفى ناس اقترحوا انى اشترى بالتقسيط عربيه جديده احسن بدل بهدلة الميكانيكى والتصليح طول الوقت واقترحوا عليا اللوجان انا شفتها فى الشارع عجبتنى بس وانا بتكلم انى بفكر اجيبها حد بيفهم فى العربيات خوفنى منها جدا وانها لازم دايما تتصلح فى التوكيل لان الميكانيكيين العادين مش هايفهموها عشان كلها بالكمبيوتر والتوكيل تصليحه غالى جدا وقطع غيارها نار وانا مش حمل قسط وكمان كل الفلوس دى انا بصراحه تعبت ان امحتاجه عربيه ومش عرفه ارسى على بر اجيب مستعمل ولا هايتعبنى اجيب زيرو واقسط ولا هاتعب من القسط ولو القسط كويس اجيب ايه اجيب فيرنا ولا ساجا ولا لوجان ولا ايه والوجان فى منها حوالى 4 انواع طيب فى نوع اتوماتك مش غالى اوى ولا ايه ساعدونى يا اهل الخبره انا والله تعبت ومحتاجه عربيه جدا |
رد: حد خوفنى من اللوجان وقال كلام انا مش فاهماه انها كلها كمبيوتر وبتخسر جامد فى اعادة بيعها
اللوجان مانوال فقط وليس أتوماتيك وهي عربية ممتازة جدا بشهادة من امتلكها وسعرها 67 ألف لنصف كماليات و71 ألف للكاملة وممكن تشوفي قسم اللوجان في المنتدى حتعرفي كل حاجة عنها
لو عايزة عربية أتوماتيك ورخيصة بروتون ساجا تمنها تقريبا 73 ألف جنيه *** في عربية لوجان 7 راكب أوتوماتيك تمنها 120 ألف جنيه تقريبا *** |
رد: حد خوفنى من اللوجان وقال كلام انا مش فاهماه انها كلها كمبيوتر وبتخسر جامد فى اعادة بيعها
معقول مافيش منها اتتوماتيك والساجا كويسه طيب ؟ ولا الفيرنا الاتوماتيك احسن ولا ال بى واى دى
|
رد: حد خوفنى من اللوجان وقال كلام انا مش فاهماه انها كلها كمبيوتر وبتخسر جامد فى اعادة بيعها
السلام عليكم
يا انسة ماء السماء العربية الساجا اتوماتيك زى الفل ومع واحد صاحبى وانا سوقتها عربية جميلة وجراية واقتصادية فى البنزين 1300 وزى ما قال صلاح هى بتعمل 73000 وتوكيلها عز العرب لو عاوزة تشوفى العربية ممكن تشوفيها عنده فى المعرض وفيها حساسات ركن لو عاوزة مواصفات اكتر قوليلى اجيبلك حاجاتها على النت بس بجد اتكلى على الله ومتخافيش والف مبروك مقدما :286: |
رد: حد خوفنى من اللوجان وقال كلام انا مش فاهماه انها كلها كمبيوتر وبتخسر جامد فى اعادة بيعها
نصيحتى لك اذا كنت عاوزة سيارة اتوماتيك ارشح لك فيرنا للاتى :
* سعر اعادة بيع ممتازة * توكيل محترم وقطع غيارها موجودة بوفرة اعتقد انها هاتكون افضل من بروتون ساجا على الاقل موتورها 1600 cc مش 1300 |
| الساعة الآن 08:58 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017