رد: الطريقة السليمة لقيادة كورولا MMT
 

يا جماعة العربية مالهاش أي مشاكل وبعدين ما ينفعش ان حد يحكم علي حاجة ما جربهاش العربية معايا بالها أكتر من سنة كل المشكلة انك عشان تقدر تستمتع بقيادة العربية اللي هي أكتر من رائعة علي عكس ما يقول الجميع لازم تكون عارف ازاي تستخدم الجير وده طبيعي جدا وبالنسبة للأخ اللي بيقول ان جير الكورولا زي الأوبل والبي ام يبقي عمره ما ركب كورولا mmt خااااااااااااااااااالص لأن ال mmt هو مانيوال بس من غير دبرياش أما الأوبل والبي ام فهي سيارات أوتوماتيك مزودة بنظام ستيب ترونيك أوايزي ترونيك زي الأوبل بالي سنة دلوقتي يوميا بروح الزقازيق الصبح وأرجع الاسماعيلية اخر النار بيها العداد في معظم الطريق ما بينزلش عن ال 200 كم \س مافيش أي مشاكل لا للجير ولا للموتورولا للعفشة ولا للتقفيل بتاع العربية غير كمان ان العربية قمة الثبات علي الطريق , أنا معايا الفل أبشن منها وبجد عربية ممتعة لأبعد الحدود . وبالنسبة لموضوع جنوب افريقيا فهو تقفيل العربية فقط أما الموتور والجير وباقي أجزاء السيارة بيأتي بالكامل من اليابان ويتم التجميع في مصنع جنوب أفريقيا .


ENG.Mohamed Essam

رد: الطريقة السليمة لقيادة كورولا MMT
 

برجاء التوضيح انا اقدر استغنى عن الفتيس ده و استخدمه اتوماتيك فقط بدون مشاكل و الا احتياج لحفظ التعليمات
و الا ايه النظام

رد: الطريقة السليمة لقيادة كورولا MMT
 

معلومات مفيده
مشكوووووووووووووور

رد: الطريقة السليمة لقيادة كورولا MMT
 

السلام عليكم و رحمة الله و بركاتة
كل سنة وانتم طيبين
معلش انا كنت مسافر

الاخ العزيز هانى
ممكن تستعمل العربية اوتوماتيك فقط بس استعمل ال ES فى الاماكن المذدحمة علشان العربية تكون حاضرة معاك لو عايز تطلع من عربية اخرى بسرعة لان النظام ده بيخلى RPM على 3 تقريبا و ال E فى الطريق الفاضى لان الوضع ده اقتصادى فممكن تكون ماشى على الغيار الخامس على سرعة 50كم فطبعا بيكون العزم اقل فى الطلوع و لو عايز تمشى على طول على الوضع E استخدم ريش الدركسيون فى نزول الغيار قبل ما تضغط على البنزين و حاول عند رجوع الغيارات تخفيف رجلك عن بدال البنزين يعنى تكون لمسة لحد ما ترجع ثم اضغط براحتك و هذة المدة لا تأخذ اكتر من 2 ثانية و مع الممارسة هتعرف وقت رجوع الغيارات
انا راكبها اكتر من سنة و مرتاح فيها جدا و شكرا تويوتا على هذة السيارة ذات المحرك الجبار.

رد: الطريقة السليمة لقيادة كورولا MMT
 

لو سمحة هو فية حد فى التوكيل عند شراء السيارة بيدربك على الفتيس