طنابير اللوجان .. وحاجة غريبة جداً..!!!
 

أنا عندى لوجان 2011 عاملة 85000 كم ولما كنت فى التوكيل بعمل صيانة 65000 كم قالولى الطنابير الأمامية عاوزة تتغير - على الرغم إنى ملتزم معاهم جداً فى تغيير التيل كل ما يقولولى بس حاجة غريبة جداً الطنابير مكملتش معايا .. ولما قالولى بصراحة أنا طنشت وقولت دول عاوزين ياخدوا فلوس وخلاص بس لقيت على 85000 الصوت عالى جداً وسألت ميكانيكى جارى قالى فعلاً الطنابير تعبانة وماتتحركش بالعربية خالص .. فى التوكيل سألت عليهم طلعوا ب 850 جنيه غير الضريبة والتركيب فرنساوى ده غير التيل يا ناس .. اشتريتهم من التوفيقية من (جمال البدرى) ألمانى ب 375 جنيه والتيل تركى ب 100 جنيه بس والميكانيكى ركبهم تمام ب 50 جنيه والعربية تمام قوى بس الموضوع نفسه غريب لأنى كان معايا لادا 2006 روسى وبعتها عاملة 110000 كم والطنابير بحالتها .. حاجة غريبة جداً .. وخالص تحياتى لكل الأعضاء.

رد: طنابير اللوجان .. وحاجة غريبة جداً..!!!
 

عندي سؤال لك:

هو إنت بتغير التيل كل كام كيلو؟
وهل غيرته في التوكيل وبكام؟

وشكرا مقدما لك...

رد: طنابير اللوجان .. وحاجة غريبة جداً..!!!
 

تقريبا موضوع الطنابير مشكلة في جميع موديلات اللوجان والسانديرو انا فعلا غيرت الطنابير بعد ال 70 الف لان الطنابير الامامية ضعيفة جدا وبتعمل شفة وحتي لو حاولت تخرطها سمكها حيقل جدا عموما في طنابير الماني بتعمل من 350 ل 400 جنية حسب المكان اللي حتشتري منه بس اتاكد ان الطنبور مختوم من الجانب باسم الشركة والصناعة الالمانية عشان في منه مضروب