| john55 |
03-09-2012 12:01 PM |
المساعدين
امبارح كنت في غبور العبور بعمل صيانه 5000 بصراحه المركز يعتبر صرح يفتخر بيه المهم الصيانه اتكلفت حوالي 325 جنيه مع تغير زيت شل5000وفلتر زيت وربط العفشه ونفخ فلتر التكيف والهواء وهو بينفخهم طلع منهم تراب بكميه كبيره وبعد كدا كان عندي مشكلتين صوت تزييق جاي من الخلف وكان في نتشه في الجير الاوتو اول مشكله كان رافع العربيه وجاب منشار حدادي ونشر حاجه تحت المساعدين انا اول مشفت كدا خفت فنزلتله من مكان الاستراحه للورشه وقلتله انت حضرتك بتعمل ايه قالي في صداده للمساعد بشلها هي اللي بتعمل صوت التزييق وبعد كدا ركب حتيتين زي الكوتش للمساعدين مش عارف الل عمله دا صح ولا غلط ياريت اصحاب الخبره يطمنوني اللي عمله دا في غلط علي المساعدين ولا لا المشكله التانيه الحمد لله اتحلت والفتيس راحت منه النتشه اللي كانت موجوده فيه بس بصراحه حاسس بعد الصيانه ان العربيه اتغيرت للاحسن مبقاش فيها التنطيط زي الاول السحب جامد والعربيه فافت عن الاول ودا تقريري عن صيانه 5000 للاكسنت وشكرا
|
