مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   ستروين Citroën (https://www.masrmotors.com/vb/forumdisplay.php?f=18)
-   -   حل لاى مشكلة خاصة بالسيتروين والبيجو والرينو واجابه لاى استفسارات مجانا (https://www.masrmotors.com/vb/showthread.php?t=37599)

بسيونى 10-11-2010 07:42 PM

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 
[QUOTE=بسيونى;280943]انا سيارتى بيجو 307 ياقمر والمشكلة ان السيارة لما تسخن يصدر صوت من الخلف كأن واحد خبطك والسيارة لسه انا شاريها ومش عارف ايه التصليح اللى حصل فيها قبل كدة ......مشكورين ياترى البشمهندس فريد شوقى ممكن يقل لنا امكانات المركز فى النصليح وهل المركز متخصص اكتر فى الميكانيكا ولا الكهرباء ولا الفتيس وكل سنة وكل الاعضاء بصحة وعافية

hesham 2010 11-11-2010 02:32 AM

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 
السلام عليكم
لو سمحت يا أستاذ فريد انا معايا ستروين c3 و المفتاح الأصلى ضاع وانا ماشى دلوقتى بالاسبير اللى من غير السنتر لوك، فعايز أعمل واحد تانى وهو طبعا كمبيوتر فياريت تقوللى هيتكلف كام وهيتعمل فى وقت اد ايه ؟
وفى انتظار ردك ، وشكرا

farid shawky68 11-11-2010 04:30 AM

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 
[QUOTE=بسيونى;281494]
اقتباس:

المشاركة الأصلية كتبت بواسطة بسيونى (المشاركة 280943)
انا سيارتى بيجو 307 ياقمر والمشكلة ان السيارة لما تسخن يصدر صوت من الخلف كأن واحد خبطك والسيارة لسه انا شاريها ومش عارف ايه التصليح اللى حصل فيها قبل كدة ......مشكورين ياترى البشمهندس فريد شوقى ممكن يقل لنا امكانات المركز فى النصليح وهل المركز متخصص اكتر فى الميكانيكا ولا الكهرباء ولا الفتيس وكل سنة وكل الاعضاء بصحة وعافية

كل سنة وحضرتك وكل اعضاء مصر موتورز بخير
المركز من الالف الى الياء جميع الاعمال وكل شىء يركب بالضمان

tashash 11-11-2010 03:21 PM

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 
استاذ فريد شوقي ... الف شكر لمجهود حضرتك في خدمة الاعضاء .. و كان استفساري عن سيارة رينو لوجان لسة زيرو عامل بيها 12000 كيلو .. بس حاسس ان العربية التسارع بتاعها بطئ شوية و كنت عايز اتاكد ان ده كدة الطبيعي بتاعها .. يا تري في طريقة ممكن اعرف بيها ؟؟

Walid Samy 11-11-2010 05:12 PM

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 
لو سمحت يا أستاذ فريد عايز أسأل عن البيجو 307 SW كسيارة عائلية .. أنا عندى كيا سيراتو 2010 وبافكر ابيعها واجيب ال 307 موديل 2008 بانوراما هاى لاين وبها كرسيين زيادة لأنى محتاج 7 راكب

ودى مشاركة سابقة منى بسأل فيها الأعضاء عن رأيهم

أرجوا النصيحة والإفادة

عايز أشترى سيارة عائلية 7 راكب مستعملة أو جديدة المهم على قد الميزانية ، لأنى والحمد لله على رزقه ونعمته عندى أربع بنات أطفال أكبرهم 9 سنوات ، وطبعا فى أى مشوار أو سفر بيجمعنا ما بينفعش معاهم العربية العادية (5 راكب) لأن بيبقى معانا زوجتى وأمى ، وبافكر فى كذا إختيار فى حدود 90- 100 ألف وموتور مايزيدش عن 1600 سى سى علشان الضريبة والترخيص ، وبعد البحث والفحص والتدقيق وجدت (من وجهة نظرى) أن إختيارات ال 7 راكب فى مصر تقريبا هما دول:
  1. بيجو 307 sw مستعملة موديل 2007 و 2008 ، صناعة فرنسى ، رانج السعر من 75ألف وحتى 90 ألف حسب الحالة ، العربية تعتبر مثالية كإختيار أول لأنها أكثر من رائعة يعنى كماليات ورفاهية عالية جدا وتقفيل بخامات ممتازة وثبات وأمان ممتاز ولكن الكلام كتير يخوفك من إنها متقدمة تكنولوجيا وبالتالى أعطالها قاتلة لأنها مرتبطة بالكمبيوتر ، والصيانة وقطع الغيار مصاريفها مرتفعة ، وسعر إعادة البيع متدنى نظرا لعدم وجود طلب كبير على البيجو فى السوق (ودى مش مشكلة كبيرة لأنى هاشتريها مستعملة مش جديدة وبالتالى مفيش فرق كبير فى سعر إعادة البيع) والكنبة الأخيرة (كرسى 6 و 7) صغيرة ومتنفعش غير الأطفال فقط (ودى بالنسبة ليا مش مشكلة لأن عندى أطفال صغيرين).
  2. كيا كارينز ، ودى الإختيار الثانى بعد البيجو بل وتنافس البيجو ، عربية ممتازة وواسعة وكبيرة وتوكيلها سمعته كويسة وصيانتها معقولة طبعا أرخص وأسهل من البيجو وممكن يركب لها كنبة فى الخلف وتبقى 7 راكب ، بس طبعا فى فرق كبير فى الإمكانيات والكماليات وخامات التقفيل والسلامة والأمان والثبات بينها وبين البيجو (دى فئة والبيجو فئة أعلى).
  3. تويوتا أفانزا ، تجميع مش يابانى أعتقد ماليزى أو إندونيسى ، طبعا هى تويوتا لكنها للأسف عربية فقيرة جدا فى تجهيزاتها وخاماتها وتقفيلها وحجمها صغير وتحس إنها عربية من موديلات أوائل التسعينات وخسارة فيها الفلوس.
  4. دايهاتسو جراند تيريوس ، عربية 4x4 ، مش يابانى برضه ماليزى ، موتور 1500 سى سى ضعيف على حجم العربية ، تجهيزاتها ضعيفة ، فيها مشكلة كبيرة جدا فى الثبات بسبب ارتفاعها ، غالية الثمن ، لاتصلح كسيارة عائلية لقلة الثبات والأمان ، فى رأيى الشخصى مش مريحة نفسيا.
  5. رينو لوجان mcv م ، هى أساسا داتشيا مش رينو وراكب فيها موتور 1600 سى سى رينو قديم من التسعينات ، كبيرة وواسعة بس فى الحقيقة متشجعكش على الإطلاق وما تحسش إن دى عربية رينو أصلا.
  6. سيتروين جراند بيكاسو ، عربية الأحلام ، أقل ما توصف به أنها تحفة حقيقية متجسدة فى صورة سيارة ، بها تجهيزات وكماليات ورفاهية مبهرة وغير طبيعية ومش موجودة فى أى حاجة تانية من اللى قولناهم بل هى فئة مستقلة بذاتها ، أنا شخصيا هاتجنن عليها بس للأسف بإعمال العقل وجدتها غير مناسبة لأنه للأسف عيوبها وما كنتش أتمنى (ألاقيلها عيوب) هى:
  • الموديل الأرخص سعره زيرو 200 ألف (ووالله مش كتير عليها) مانيوال (وده عيب قاتل بالنسبة لى) , ديزل مش بنزين (طبعا هى موفرة جدا فى استهلاك الوقود بس معرفش حاجة عن مواتير الديزل وهل هى أحسن ولا أوحش من البنزين) ، بس بجد لو جربت تقعد بس جواها مش هتبقى عايز تنزل منها.
  • الموديل الأعلى سعره 320 ألف ، أوتوماتيك ، بنزين ، طبعا سيارة الأحلام
  • غير منتشرة إطلاقا غير بعدد محدود جدا ، وطبعا مشاكل التوكيل والصيانة وسعر إعادة البيع


ياريت تفيدنى برأيك فى الموضوع ده


الساعة الآن 12:15 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017