عيوب دايو لاسيتى شبيهة الكروز
 

عايز حد يفيدنى انا عايز أشترى دايو لاسيتى 2010 شبيهة الكروز و الحمد الله لاقيت عربيى عاملة 21000 ك كاملة و أنا من زمان نفسى فيها لاكن سمعت ان فيها عيوب كتير
1- الماكينة ملاهاش قطع غيار
2- مشاكل بالجملة فى الفتيس
3- مشاكل فى الكنترول
أنصحونى و لو أشتريتها فى مركز صيانة بيشتغل فيها و موجود قطع الغيار ليها

رد: عيوب دايو لاسيتى شبيهة الكروز
 

صباح الفل
أستاذي...
انا امتلك واحده موديل 2009 عامله 50 الف و الحمد لله مفيش المشاكل اللي بتقول عليها
بالنسبه لقطع الغيار ما هيا نفس الموتور بتاع كروز 2013 و ايضا استرا 2012 و الباقي كله كروز
اتمني ان اكون افادتك

رد: عيوب دايو لاسيتى شبيهة الكروز
 

نفس الكلام لسه سامعه
كنت بشترى واحده امس 2010 ماشيه 69000 الف و حالتها ممتازة جدا عربيه تحفه
واحد صاحبى بتاع قطع غيار كورى قالى العربيه ملهشا قطع غيار للماكينه يعنى مثلا جوان وش السلندر مش موجود نهائى و الموبينه كذلك مستحيل تلاقيها
واحد صاحبه كان عايز يجيب جوان وش سلندر ملقاش اضظر يجيب ماكينه

لكن موضوع ان ماكينى 2010 هى نفس ماكينىه كروز 2013 عايزين تاكيد من كده؟

رد: عيوب دايو لاسيتى شبيهة الكروز
 

بالتوفيق ان شاء الله

رد: عيوب دايو لاسيتى شبيهة الكروز
 

بص يا سيدى هى عربيه جميله جدا وادائها عالى بصراحه من ناحيه الثبات والفخامه وقوه المحرك وادئها على الطريق

بالنسبه لطقع الغيار احب اقولك انا معايا 2 بقالهم 4 سنين والحمد الله اى حاجه بحتاجها بلاقيها

بص مفيش حاجه اسمها مش موجوده ما هو احنا مش جايبين عربيات من الفضاء .. كل حاجه موجوده بس الى يدور ويتعامل صح .. اعرف نوع موتورك واعرف تدور عليه ازاى وتطلبه ازاى ... ووقتها مش هيبقى فى مشكله .. اياك تمشى ورا كلام حد

بالنسبه للصيانه .. انا بعمل الصيانه عادى جدا وليه عامل صيانه ال 30 الف وهعمل تقرير عنها كمان شويه

ايه بقى علاقه المحرك فى اللاستى بمحرك استرا وبمحرك كروز 2013

اقولك انا شوف يا سيدى .. بقى جينرال موتورز لما عملت العربيه دى نزلتها بمحرك ايكو تيك وده محرك المانى انتاج شركه اوبل وبيستخدم فى موديلات اوبل استرا السابقع وحاليا نفس المحرك

والمفروض ان الكروز بره مصر نفس المحرك

لكن عمو منصور قالك ايه بقى ؟؟ قال يكسب من ورانا شويه قام منزلك يا سيدى الكروز بمحرك الاوبترا ال 107 حصان وعارف ان المصرى بيشترى ومبيعترضش علشان يقوم جايلك مع الفيس ليفت الى هو موديل 2013 ويقولك انا غيرت المكنه ويرفع فى السعر كمان وكمان .. يعنى يكسب مرتين ... بس كده هى دى الحكايه كلها

واى خدمه