|
عربيتى اتخبطت لتانى مره
لتانى مره العربيه تتخبط بس المره دى من نص نقل
حاسه انى بنقى العربيات الكبيره مش عارفه مالها الملاكى مثلا بنت حلال وصغيره:w6w200504111340266 d المهم فى وسط البلد الطريق واقف علشان اشاره وطبعا ماشيين واحده واحده الاقى عربيه نص نقل لازقه فيا يدوب المرايا بس :fun_car: قلت عادى هبعد انا عنه كسرت شمال حته صغيره ووقفت مستنيه الطريق يفتح الطريق فتح على اليمين وهو بيعدى سمعت صوت تاك تاك ورجرجه فى العربيه متخيلتش ان حاجه حصلت قلت طلعت بلاعه او حاجه نزلت ابص على العربيه لقيت الاكصدام على الارض والكبوت من اليمين داخل لجواnononono هو خبطنى ومشى ولسوء حظه الطريق وقف تانى وكان ظابط واقف جاب السواق واتخانق معاه شويه وبعدين كتبله مخالفه والسواق مشى وانا كل ده ملبوخه فى العربيه واللى حصلها بعد مامشى اتضايقت اوى بصراحه انى مخدتش منه تمن التصلييح وده حقى لانها حصلت مع صاحبتى والراجل ممشيش الا لما خد 300 جنيه المهم انا صلبت الاكصدام كده اى كلام ورحت لسمكرى يظبطلى الدنيا ردلى الكبوت وعملى الاكصدام تاخد كام ياعم 100 جنيه :09C207~188: انا اتخضيت من الرقم المهم من هنا لهنا وافق على 60 جنيه بالعافيه قلت لا بقى واضح انى بيتضحك عليا كتيير فقلت اجى لاخواتى هنا يعرفونى اسعار الحاجات دى اد ايه انا سمكرت 4 بيبان بس حاجات بسيطه ممتخضوش كده ب 80 جنيه ياريت بقى تفيدونى تقولولى السمكره اد ايه ؟؟ الرش اد ايه ؟؟ حد ركبلى مرايا مثلا تتكلف اد ايه لحام كاوتش اد ايه ولو فيه حاجه تانيه قولولها هتفيدنى برضه |
رد: عربيتى اتخبطت لتانى مره
اولا الف سلامه عليكي واهم حاجه انك بخير كل اللي بيجي في الحديد سهل حله
بالنسبة للخبطات والتجاريح لو ترفعلنا الصور يبقي افضل علشان نقدر نفيدك وبالنسبة لو في لحمات في الكاوتش الافضل يبقي علي البارد ولو ضاقت الظروف يبقي يتلحم علي السخن وبتتكلف الفردة من 6 ل 8 جنيه حسب المكان اللي انتي فيه تركيب المرايا بردك ملهاش سعر معين لاني معرفش فيها ايه هل الشاسيه سليم ولا لا ولو الشاسيه سليم علشان ترجع مكانها هتدخلها مش اقل من 50 جنيه وبالنسبة للرش مش هتقل عن 600 جنيه نسيتي تقوليلنا عربيتك نوعها ايه علشان نقولك علي التكاليف الصحيحه |
رد: عربيتى اتخبطت لتانى مره
شكرا ليك على الرد
هى العربيه لانوس الحمد الله انا عملتها لان الاكصدام كان واقع فرحت عند اول سمكرى قابلنى هو شغله نضيف اوى عجبنى واشتغل بضمير بس حاسه ان اتضحك عليا اوى فى الفلوس او كان هيتضحك بمعنى اصح علشان كده حبيت اسالكوا علشان فيما بعد محدش يضحك عليا بقى كفايه عليا كده :01AD96~139: |
رد: عربيتى اتخبطت لتانى مره
علي فكرة 60 جنيه ممتازة ويا ريت تقوليلي فين السمكري ده
|
رد: عربيتى اتخبطت لتانى مره
هو فى بلد جمب المنصوره السنبلاوين اسمه حاجه حنيش تقريبا
|
| الساعة الآن 04:46 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017