مشاكل ظهرت بعد تغيير الدينامو
 

السلام عليكم ورحمة الله وبركاتة

انا من فترة كان عندى مشكلة
1- الكهرباء والاضاءة والكاسيت بتفصل لما بشغل النور العالى
2- ان العربية بتعتل فى الدوارة
3- الكاسيت والنور بيفصل لما بلف الدكسيون يمين او شمال
4- الاضاءة ضعيفة جدا

مع العلم بان البطارية كانت جديدة فى بداية المشكلة

روحت لكهربائى قاللى قبل ما فك الدينامو لازم تكون مستعد انك تغيروا لو لقيتو بايظ
قلتلوا فك ونشوف لعلى وعسى ان المشكلة تكون بسيطة
فك الديناموا وقاللى الكتاوت عاوز يتغير والحالة العامة للدينامو مفيش مشكلة فية وممكن يشتغل
روحت اسال على الكتاوت الصينى ب 90 جنية

قاللى خلاص نشترى دينامو 90 امبير ودة هايكون افضل من اللى موجود استيراد 250 جنية والصينى 450 جنية

جبت الاستيراد 90 امبير وقاللى يبقى كسبنا دينامو اعلى واوفر

بعد ما ركبتة بقى ظهرت مشكلة لمبة eps بتنور كتييييييييييييير وطبعا الدكسيون بيتقل ومش عارف امشى بيها

وطبعا تانى يوم لقيت اللمبات نورت عالى اوى واتحرقت مع انى مركب كتاوت نور وطبعا نور التابلوة منور عالى عكس الطبيعى

البطارية 70 امبير او 62 امبير
كلمتة قاللى هاتها ونجيب واحد تانى

السؤال بقى اية اللى اثر على الباور
وكدة صح ولا غلط

وشكرا ليكم

رد: مشاكل ظهرت بعد تغيير الدينامو
 

طيب اى حاجة ؟؟؟؟؟؟؟؟؟؟؟؟؟؟؟؟؟؟؟؟؟؟:sy cho26:

رد: مشاكل ظهرت بعد تغيير الدينامو
 

السلام عليكم اخي الكريم اولا المشكله الاساسيه هي ليست بالدينمو وانما بسير الدينمو والمفروض على الكهربائي انو فحص المولد كم فولط وكم امبير بيخرج قبل الفك لان البلاتين ما بينفحص الا على الحمل في السيارة اما بالنسبه للمشكله اللي حصلت معاك بعد ما ركبت المولد هي بلاتين المولد عاطل وبيعطي فولط زيادة يعني اكثر من 14 فولط سبب حرق اللمبات والانارة القويه و تقل في الدركسيون المفروض فحص المولد قبل الفك وبعد التركيب ونصيحه غير المولد قبل مايسببلك مشاكل تانيه في السيارة واجو الاستفاده والتوفيق

رد: مشاكل ظهرت بعد تغيير الدينامو
 

شكرا على ردك وجزاك الله خير

هو قاس الشحن قبل وبعد التركيب وقاللى كدة تمام
وقاسة بجهاز صغير تانى غير الجهاز المربع الكبير

وبالنسبة للسير ان لسة مغيرة من اسبوع لانه كان بيصرخ جامد

هو الباور بيفصل شوية ويشتغل شوية مش منورة على طول
الجديد بقى واللى لاحظتة وبتفكيرى اللى مش عارف انه صح ولا لأ
لما لقيت الانوار عالية جدا واللمبات اتحرقت والتابلوة منور اوى قلت يمكن الشحن زيادة اوى
مشيت بيها وشغلت الانتظار ونور الصالون والسخان بتاع الزجاج الخلفى والتكييف وركبت كشاف فى الولاعة والكاسيت قلت عشان الكهرباء لو زيادة تتفرغ اول باول

اللى لاحظتة انه لما الباور بيكون فاصل ولمبتة منورة الكلاكس صوتة عالى جدا المروحة بتاعت التكييف بتزيد سرعتها عداد السرعة وعداد لفات الموتور مش بيشتغلوا وشوية ولمبة الباور تفصل والتكييف بيهدى
والعدادات بتشتغل وكله بيبقى شبة طبيعى
وفى وسطدة كلة لمبةالبطارية نورت كام دقيقة كدة وفصلت

انا هاروحلة تانى بس حبيت افهم لان مشوارة بعيد شوية

وهل انى غيرت لدينامو 90 امبير دة غلط ولا اية ؟؟؟؟؟؟؟؟
واغيرة ل 90 امبير برضة عادى تانى ولا اقل

وشكرا لحضرتك مرة تانية

رد: مشاكل ظهرت بعد تغيير الدينامو
 

فيه حاجة مش مظبوطة فى تنظيم الشحن
فيه كتاوت .. او فى بعض احيان تانية بيسموها سيلكونات داخلية .... بتنظم شحن الدينامو للبطارية .. و تقوم بفصل الشحن تماما عند وصول فولت البطارية لحد معين
الاعراض الى حضرتك بتشكى منها ... معناها ان الشحن مش مظبوط
و فى اعتقادى الشخصى .... تركيب بطارية كبيرة ... او تركيب دينامو كبير .. مش حيعمل الظواهر دى ..طالما الشحن مظبوط