اشتريت عربية جديدة و اول مرة اسوق و مبعرش اروح اى مشوار
 

مساء الخير على احلى شباب المنتدى
انا اول مرة اسوق و الحمد للة اشتريت عربية جديدة
لكن للاسف مبعرفش اروح اى مشوار فى القاهرة
علشان اروح مشوار اتوة كذا مرة و اقف كل شوية اسأل حد او اسأل تاكسى
و يسلام لو دخلت شارع غلط او طلعت كوبرى غلط امشى مشوار كبير علشان ارجع تانى
و من غير تريقة هههههههههههههه
انا كنت بحاول على برنامج جوجل ارث اعرف الطرق لغاية ما اعرف لكن البرنامج ما افدنيش فى حاجة
تصورو انى ساعات بدخل شارع اتجاة واحد و مبعرفش انى ماشى عكس الا بعد ما امشى شوية فية و اوقات ببقى هدخل يوتيرن فى دخلة مش بتبعتى يبقى دخلتى بعدها بشوية
و لما بكتشف الموضوع دة ببقى خايف لحسن حد من المرور يشوفنى يظبطنى مخالفة عكس السير يظبطنى فيها POLICEE ربنا يبعدكم عننا لحسن معرفتكم بخسارة ههههههههههههه

ارجوكم حد يفيدنى ازاى اعرف شوارع القاهرة كأنى سواق تاكسى ههههههه
عايز ابقى محترف
ارجو الافادة
شكرا:fun_36_3_16[1]:

رد: اشتريت عربية جديدة و اول مرة اسوق و مبعرش اروح اى مشوار
 

السلام عليكم ورحمة اللة وبركاتة / اولا الف الف مبروك على العربية الجديدة ربنا يديك خيرها ويكفيك شرها دى كانت مشكلتى زيك بالظبط كنت شارى العربية جديدة وانا لسة يادوب بتعلم فاول حاجة لازم تعرفها انك 1- ماتسوقش بسرعة 2-خلى دائما مسافة معقولة بينك وبين العربية اللى امامك 3- دائما عنيك على العربية اللى امامك 4-من الوقت للتانى بص على يمينك وعلى شمالك بسرعة 5-لما تكون عاوز تنقل نفسك من حارة لحارة الاول تنبص فى المراية ولو لقيت الطريق فاضى انقل نفسك بسرعة واعدل العربية ولا تتردد يعنى لازم تكون متأكد ان الطريق اللى هتنقل علية فاضى ومافيش عربية جاية مسرعة بالخلف 5-خليك بارد وانت سائق وخد الامور ببساطة دة اولا
ثانيا / معرفة الطرق ودى كانت مشكلتى ايضا وانا حلتها بأنى كنت بحدد مشاويرى كلها واللى مش عارفة كنت براجع علية فى جوجل ايرث لغاية ما اروح المشوار واعرفة على الطبيعة او اسال علية احد جيرانى وواحدة واحدة الامور هتمشى وخد بالك كتر الحركة بالعربية هتخليك تعرف الطرق اكتر وربنا يوفقك تقبل تحياتى

رد: اشتريت عربية جديدة و اول مرة اسوق و مبعرش اروح اى مشوار
 

هات NEVEGATOR من سبير كار ب200 جنيه تقريبا
او لو موبيالك Android اكيد في برنامج خرايط او Nivigation
ملكش حل تاني:fun_7_5_128[1]::fun_36_3_16[1]:

رد: اشتريت عربية جديدة و اول مرة اسوق و مبعرش اروح اى مشوار
 

:fun_36_3_16[1]::fun_36_3_16[1]::fun_36_3_16[1]:

رد: اشتريت عربية جديدة و اول مرة اسوق و مبعرش اروح اى مشوار
 

متشكر جدا يا استاذ وائل
فعلا انا فعلا زى ما حضرتك بتقول بالظبط و عندى صبر و بعدى اى حد مستعجل
و بخاف من بتوع الميكروباصات بالذات
و متشكر جدا لنصايح حضرتك جدا -- وربنا يسترها علينا كلنا
و فعلا انا لسة انهاردة كنت فى حديقة الحيوانات قلت اسأل واحد جارنا على الطريق
بدل ما كنت عمال بسأل و بتوة بقى الموضوع سهل شوية
بس الصراحة والدى اللى بيحفظ الطريق و انا بركز فى الطريق بس
هحاول ابقى احفظ
شكرا جدا :0369B3~177: