مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   مصر بايكرز (https://www.masrmotors.com/vb/forumdisplay.php?f=146)
-   -   استفسار (https://www.masrmotors.com/vb/showthread.php?t=37771)

دكتور رعد 25-10-2010 01:09 AM

استفسار
 
الهوندا cbr250 فيها وسائل حماية من السرقة ؟
ارجو الأفادة



http://www.1noor1.com/vb/mwaextraedit4/extra/76.gif

Jack Box 25-10-2010 02:44 AM

رد: استفسار
 
لا طبعا بص سيادتك انظمه الامان ضد السرقه هي :
1- تركيب جهاز انزار في البايك .
2- قفل الجادون اثناء تركه والابتعاد عنه لفتره .
3- لو هتركنه في الشارع يبقي لازم تشتري طبه ودي بتتباع في محلات الاكسسوار وبتركبها في الارض وبتربط فيها الجنط .
3- في قفل للجنط تمنه 225 جنيه بيركب في الجنط الخلفي ويستحيل تحريك البايك
4- جهاز SKY ALARm وده بيخيك عارف ايه اللي بيحصل في البايك لمسافه 950 متر عن طريق جهاز بيبقي معاك واي اهتزاز او محاوله سرقه او ركوب بيرن الجهاز عندك وبيبينلك نوع اللي بيحصل..
5- الخوذه طبعا ليها قفل امان بيتربط في الجادون او الكرسي الخلفي
6- الجاكت نفسي طريقه الخوذه .

SmoothRider 25-10-2010 02:49 AM

رد: استفسار
 
اقتباس:

المشاركة الأصلية كتبت بواسطة دكتور رعد (المشاركة 268469)
الهوندا cbr250 فيها وسائل حماية من السرقة ؟
ارجو الأفادة



http://www.1noor1.com/vb/mwaextraedit4/extra/76.gif

على حد علمي، الـ 250 بتبقى وهي فابريقة مفيهاش أي وسائل حماية ضد السرقة
واللي هتعمله في الـ 250 هو هو اللي في باقي الموتوسيكلات:

1. لما تيجي تبيّت الموتوسيكل، دايما اركن في جراج أو مكان مستخبي وتقول للبواب/الحارس/السايس يخلي باله منها (ومفهوم طبعا إنك هتظبته). ليه مستخبي؟ عشان الحرامي ميعرفش يسرق حاجة هو مش شايفها أساسا.

2. زوّد حاجة للموتوسيكل اسمها kill switch. دي زي زرار كدة يفصل الكهرباء بتاعة الموتوسيكل وما يعرفش يقوم من غيره.

3. اشتري سلسلة/جنزير متين (وابقى حطه جوّة قماش أو حاجة شبيهة عشان ما يجرحلكش ال fairing) واربط بيه الموتوسيكل. أنا عن نفسي واحد موسوس وممكن أجيب اتنين: واحد أربط بيه العجلة الأمامية (أو الخلفية) لشاسيه الموتوسيكل والتاني أربط بيه الموتوسيكل نفسه في عمود مثلا. خلي بالك إن لازم الجنزير يبقى مرفوع وبعيد عن الأرض على أد ما تقدر عشان كل لما قرب للأرض كل أما بقى أسهل لمعدومي الضمير يكسروه.

4. إوعى تسيب المفتاح في الموتوسيكل أو تسيب الموتور داير لما تكون في مشوار ومستعجل ودخلت محل أو صيدلية مثلا عشان تجيب حاجة. افتكر دايما تركن في مكان فيه ناس لحد اما ترجع عشان لو مكان هادي ومفيهوش حركة الحرامي فرصته أكبر يعمل في هدوء.

5. هات غطاء وغطي بيه الموتوسيكل. ده مفيد لحاجتين: هيقلل من نسبة لفت نظر الناس (بالذات الحرامية) لموتوسيكلك وكمان هيحمي الموتوسيكل من التراب والعفرة اللي ماليين بلدنا الصحراوية الجميلة. وياريت ماتجيبش غطاء نضيف قوي أو شكله حلو، ده بالعكس: هاته شكله بسيط عشان مايكونشي هو كمان فيه الطمع.

6. ركب في الموتوسيكل إنذار. الإنذار لوحده مالوش تأثير لكن الإنذار مع بقية الحاجات اللي قلناها هيربكوا الحرامي وهيخلوه ياخد وقت أطول مما كان معتقد. طبعًا ده غير إنه هيلفت نظر الشعب كله ليه. ما هو مش معقول واحد شله مش تمام يبقى واقف جمب موتوسيكل بالشيء الفلاني وسرينة الإنذار شغالة من غير ما يكون شكله حرامي رسمي.

بس، هذا والله أعلم. وربنا يسترها معانا كلنا يا صاحبي.

ياريت حد من ذوي الخبرة والأخلاق العالية هنا -- أيوة انت يا Jack Box -- يفيدنا باللي عنده.

تعديل: أهو سبقني في الخير وادالك المفيد يا رعد
يا ريت كمان تقولنا أسعار بقية الحاجات يا كبير

Jack Box 25-10-2010 03:13 AM

رد: استفسار
 
اقتباس:

المشاركة الأصلية كتبت بواسطة SmoothRider (المشاركة 268541)
على حد علمي، الـ 250 بتبقى وهي فابريقة مفيهاش أي وسائل حماية ضد السرقة
واللي هتعمله في الـ 250 هو هو اللي في باقي الموتوسيكلات:

1. لما تيجي تبيّت الموتوسيكل، دايما اركن في جراج أو مكان مستخبي وتقول للبواب/الحارس/السايس يخلي باله منها (ومفهوم طبعا إنك هتظبته). ليه مستخبي؟ عشان الحرامي ميعرفش يسرق حاجة هو مش شايفها أساسا.

2. زوّد حاجة للموتوسيكل اسمها kill switch. دي زي زرار كدة يفصل الكهرباء بتاعة الموتوسيكل وما يعرفش يقوم من غيره.

3. اشتري سلسلة/جنزير متين (وابقى حطه جوّة قماش أو حاجة شبيهة عشان ما يجرحلكش ال fairing) واربط بيه الموتوسيكل. أنا عن نفسي واحد موسوس وممكن أجيب اتنين: واحد أربط بيه العجلة الأمامية (أو الخلفية) لشاسيه الموتوسيكل والتاني أربط بيه الموتوسيكل نفسه في عمود مثلا. خلي بالك إن لازم الجنزير يبقى مرفوع وبعيد عن الأرض على أد ما تقدر عشان كل لما قرب للأرض كل أما بقى أسهل لمعدومي الضمير يكسروه.

4. إوعى تسيب المفتاح في الموتوسيكل أو تسيب الموتور داير لما تكون في مشوار ومستعجل ودخلت محل أو صيدلية مثلا عشان تجيب حاجة. افتكر دايما تركن في مكان فيه ناس لحد اما ترجع عشان لو مكان هادي ومفيهوش حركة الحرامي فرصته أكبر يعمل في هدوء.

5. هات غطاء وغطي بيه الموتوسيكل. ده مفيد لحاجتين: هيقلل من نسبة لفت نظر الناس (بالذات الحرامية) لموتوسيكلك وكمان هيحمي الموتوسيكل من التراب والعفرة اللي ماليين بلدنا الصحراوية الجميلة. وياريت ماتجيبش غطاء نضيف قوي أو شكله حلو، ده بالعكس: هاته شكله بسيط عشان مايكونشي هو كمان فيه الطمع.

6. ركب في الموتوسيكل إنذار. الإنذار لوحده مالوش تأثير لكن الإنذار مع بقية الحاجات اللي قلناها هيربكوا الحرامي وهيخلوه ياخد وقت أطول مما كان معتقد. طبعًا ده غير إنه هيلفت نظر الشعب كله ليه. ما هو مش معقول واحد شله مش تمام يبقى واقف جمب موتوسيكل بالشيء الفلاني وسرينة الإنذار شغالة من غير ما يكون شكله حرامي رسمي.

بس، هذا والله أعلم. وربنا يسترها معانا كلنا يا صاحبي.

ياريت حد من ذوي الخبرة والأخلاق العالية هنا -- أيوة انت يا Jack Box -- يفيدنا باللي عنده.

تعديل: أهو سبقني في الخير وادالك المفيد يا رعد
يا ريت كمان تقولنا أسعار بقية الحاجات يا كبير

ربنا مايحرمني من زوقك وانا مبسوط اننا كنا بنكتب الرد في وقت واحد وكلامك مظبوط وزي الفل وياريت نعمل بيه طبعا .
بالنسبه للاسعار اطلب الحاجه اللي انتا عايزها وانا في ثواني اجيبلك سعرها في السوق جديد واستيراد

SmoothRider 25-10-2010 04:03 AM

رد: استفسار
 
اقتباس:

المشاركة الأصلية كتبت بواسطة Jack Box (المشاركة 268554)
ربنا مايحرمني من زوقك وانا مبسوط اننا كنا بنكتب الرد في وقت واحد وكلامك مظبوط وزي الفل وياريت نعمل بيه طبعا .
بالنسبه للاسعار اطلب الحاجه اللي انتا عايزها وانا في ثواني اجيبلك سعرها في السوق جديد واستيراد

الله يكرمك
عايزين بعد إذنك أسعار الـ Sky alarm والإنذار العادي وأخيرا الطبة الللي بتتركب في الأرض ويا رييييييت صورة ليها من أرض الواقع :)


الساعة الآن 02:13 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017