استخدامات WD40 العديدة و العجيبة
 

WD 40 سبراى بيطرد المية و الرطوبة WATER DISPLACEMENT بيتباع فى كل البنزينات و محلات الاكسسوارات و كارفور و فتح الله
سعره حسب العبوة و المكان من 13 الى 25 جنيه تقريبا

خبرتى الشخصية ( الاستخدامات المفيدة فى السيارة)
1- اول ما اشتريت العربية ( لانوس 2002 ) ظهر صوت احتكاك فى الدركسيون رشيت حبة بين الدركسيون و العلبة و من ساعتها الصوت مرجعش تانى
2- الابواب لما بتبدى تزيق برش حبة على الاذرع و المفصلات
3- لما زرار ازاز يعلق برش حبة جوة الزرار و بستنى دقيقة و بيشتغل تانى
4- بعد ما بغسل العربية برشه على اجزاء العفشة و الحتت الى ممكن تصدى
5- مرة نور المرشيدير علق فكيت فيشة النور من الفتيس و رشيت حبة و اشتغل بعد دقيقة
6- الحشرات الى بتلزق على العربية و النمرة و المرايات من قدام بالذات بعد السفر رش عليهم و سيبهم 10 دقايق و نظف حيطلعوا بسهولة
7- طبل الباب و الشنطة لما بتتقل رش جواهم
8- تنضيف البوجيهات
9- مجارى الازاز
10- اى صامولة او مسمار معصلج رش و سيبة شوية و جرب فك
11- بقعة فى الفرش او الموكيت او لبانة لازقة

استخدامات مفيدة برة العربية
1- بقع الطماطم
2- لبان لزق فى الشعر
3- صمغ لزق فى الايد
4- صمغ عايز تشيل اثاره
5- مراية الحمام علشان متشبرش
6- تطفيش الحمام انه يقف على السور
7- قفل مصدى و مش عايز يفتح حيرجع احسن من الجديد
8- مزيل صدأ
9- مانع صدأ

المحظورات
1- الكاسيت بلاش بيبوظ سير الكاسيت
2- جنب حاجة بتبقى قريبة من مصدر شرارة او نار
3- على حاجات ملزوقة لو مش عايز اللزق يفك

و فى استخدامات تانية
و الى عنده اضافة يتفضل
و الى عايز يدخل يجرب GOOGLE و يشوف استخدامات عديدة تانية

رد: استخدامات WD40 العديدة و العجيبة
 

معلش افتكرت حاجات تانية
تنظيف الشحم و الزيت من على الايدين و الهدوم و الارض

رد: استخدامات WD40 العديدة و العجيبة
 

رد: استخدامات WD40 العديدة و العجيبة
 

ياباشا الحاجات اللى انا معلم عليهم بالأحمر دول اياك تجيب عليهم الإسبراى ده او اى حاجة فيها كهربا ف العربية لأنه بيعمل عزل لو عايز تنضفهم نضفهم بالأكاى الأزرق

رد: استخدامات WD40 العديدة و العجيبة
 

بس ان فعلا بتكلم عن حاجة حصلت فى الماضى و بعملها دوريا و عمرها مسببت معايا مشاكل و لا فى الفيش و لا فى البوجيهات بالعكس البوجيهات بتعيش معايا على الاقل 100000 كم و اى فيشة بتعمل معايا مقلب برشه و عمره ما خذلنى