رد: انــا .. وريـــنــــو لــوجـــان ... تقرير مفصل مصور عنها بعد امتلاكى لها ...
 

يا باشا أحنا لينا الشرف ................

نورت يا غالى

تحياتى :::::::::::::::::

رد: انــا .. وريـــنــــو لــوجـــان ... تقرير مفصل مصور عنها بعد امتلاكى لها ...
 

يا عم الحاج هو انا اللي بقول الكلام ده وبعدين صحيح انا مالي الباب اللي يجيلك منه الريح سده واستريح وربنا يخليلي الست فيفي

رد: انــا .. وريـــنــــو لــوجـــان ... تقرير مفصل مصور عنها بعد امتلاكى لها ...
 

أنت خدت الموضوع جد ولا أيه ؟؟؟؟ أنا بهزر معاك يا عم كورسير

أخبارك أيه يا باشا ؟؟؟؟ مش ناوى ترشح نفسك الأنتخابات دى ولا أيه ؟؟؟؟

تحياتى يا غالى ::::::::::: و يخليلك الست فيفى

رد: انــا .. وريـــنــــو لــوجـــان ... تقرير مفصل مصور عنها بعد امتلاكى لها ...
 

رد: انــا .. وريـــنــــو لــوجـــان ... تقرير مفصل مصور عنها بعد امتلاكى لها ...
 

الــســـــــــلام علــيـــكـــــــم و رحــــمــــــــة الــلــــــه وبــركـــــاتـــه

وعليكم السلام ورحمة الله وبركاته

بفضل الله انضممت للوجانويه وجبت عربية رينو لوجان 2010 فل اوبشنز كسر زيرو .. واشتريتها من احد اقاربى ...

ألف مبروك ياعم حسام
ربنا يعطيك خيرها ويكفيك شرها

طبعا بجانب حبيبة قلبى هيونداى افانتى 1997 1500 cc



وكمان بسبب ظرف وفاة اخونا الغالى "خالد خليفة" اللى احزننا كلنا .. ربنا يغفر له ويجعل مثواه الجنة ...

ربنا ينزله الفردوس الاعلى ان شاء الله
اللهم آمين


صورة اللوجان من البلكونة هههههههه

http://store2.up-00.com/Mar11/wOE91027.jpg

يا راجل حرام عليك
مكسل تنزل تصورها


واسمحولى كمان ارتب العيوب من الاهم فالاقل اهمية (من تجربتى الشخصية)

- اكتر عيب مضايقنى هو مكان الكلاكس اللى فى دراع الاشارات والنور .. وبرضو مضايقنى لانى متعود اسوق بإيد واحده .. وكمان علشان صعب تضرب كلاكس وانت بتلف فى نفس الوقت الا باستخدام ايديك الاتنين .. يعنى الكلاكس مش عملى اد كده ...


هو أصلا ميزه
علشان الناس المستهترين اللي انت عارفهم
اللي بيسوقوا بأيد واحده
يحترموا القيادة ويبقى غصب عنهم يسوقو عدل
ويبطلو يرجعو الكرسي لورا وينامو وهما بيسوقوا
444546




- تانى اكتر عيب مضايقنى فيها هو ثقل الدريكسون .. الباور تقيل بطريقة ملحوظة .. وكنت متوقع انه هيكون اخف من كده شويه (مع العلم انى كنت عارف انه تقيل من تجارب الاعضاء على منتدانا الغالى) ..
والعيب ده هيضايق اكتر الناس اللى متعوده انها تسوق بإيد واحده اغلب الوقت (زى حالاتى كده) او اللى كان معاه عربية الباور بتاعها اخف من كده واتعود عليه (زى حالاتى برضو مع الافانتى) ..


شوفلك حته لادا اتعلم عليها وانت يطلعلك مجانص وباي وتراي وهترجع تقول يا حبيبتي يا لوجي

-رابع عيب هو موضوع الازاز .... مش علشان مش فى الابواب .. لكن علشان الزراير مش مجمعة ..
يعنى علشان افتح الازازين اللى ورا من مكان تانى خالص عن اللى قدام (مفاتيح الازاز اللى ورا خلف فرامل اليد على طول) ..
والمشكلة ان الزرارين دول هما اللى هيستعملهم الركاب اللى ورا برضو .. يعنى السواق ملهوش وحده مستقلة بيه زى اغلب العربيات التانية ان لم يكن كلها ...

اعتبره نوع من التوفير حتى لما الزرار يعطل يبقى هو زرار واحد بيتغير لورا وقدام
444546

لكن عموما مع التعود ....... شغال يونيفيرسال ههههههه

طيب ممكن لفة
:w6w200504112246446a



- خامس عيب هو موضوع ظبط كرسى السواق .. علشان تعليه لفوق لازم تنزل من العربية .. او تتشعلق فى الدريكسيون وترفع نفسك .. لان الكرسى بيترفع زى كرسى المكتب بضغط الهوا مش نظام رافعة (بكر يعنى زى ما انا متعود فى الافانتى) ...


طيب انت قصير
ذنب الناس الطويلة ايه تطلع ده عييييييييييييييييييييب


- اولا: قله العزل ووضوح صوت الموتور وخصوصا انه اصلا صوته عالى ..


حلو
علشان تحس بمتعه القيادة الرياضية
وتحس بالماتور وبادائه
:fun_36_1_26[1]:
لو اني اظن انك ممكن تزود العزل
بس قدام بقى لما تخرج من الضمان
وتعمل نص مليون كيلو والا حاجة
444546444546


- ثالثا الكاسيت الاوديو فقط برضو مضايقنى لان الـ CD الاوديو بتاخد بالدقايق مش بالميجا واخرها 80 دقيقة بس (يعنى الـ CD بتاخد حاجات قليلة جدا) ..
ولو انى مش بعتبره عيب اوى لان ممكن يتعالج بسهولة جدا بمجرد تغيير الكاسيت ...

ومن غير ما تغير الكاسيت
هات mp3 ولاعة بالريموت وركبله فلاشة 2 جيجا
وشغل الكاسيت على FM واسم بقى براحتك

- فتح الشنطة والتانك من الخارج برضو تعبونى شوية بس اتعودت عليها خلاص .. لان المشكلة عندى ان معظم العربيات اللى اتعاملت معاها بما فيهم الافانتى بتاعتى الشنطة والتانك من جوه ..

احسن علشان تبطل كسل لو انها ميزة مش عيب
بالاضافة ان فيه رد عليك اخونا رينو 18 في موضوع فتح الشنطة


اولا :
الموتور الاقتصادى بتاعها وكونه 8 صباب فهو موفر فى البنزين الى حد كبير وملحوظ بالرغم انه 1600 CC (بالمقارنة بعربيتى الافانتى الـ 1500 cc ولكن 16 صباب 2 كامة علوية) ..

تمام
بس حاول تحسب معدل الاستهلاك داخل المدينة وخارج المدينة


- تكييف العربية معقول جدا (مش عارف اجربه كويس لان الجو لسه مش حر) .. انا حاولت اجربة فى يوم كان حر شوية فى وقت الظهر .. وكان كويس ومعقول جدا ..
المشكلة فيه بس ان فتحات خروج الهوا مش عملية ومش بتوزع الهوا كويس ...

هانت كلها ايام وهتشغله بس موجة المطر دي تخلص


- شنطة اللوجان عالية حبتين وده بيعمل صعوبة فى ركن العربية .. محتاج شوية تعود فى الاول .. بس اعتقد ان علو الشنطة ده لزوم الثبات على الطريق ..

ركب حساس ركن

- اللوجان اوسع عربية فى فئتها بدون منافس .. واعلى كماليات فى فئتها ..
يعيبها ان الموتور اللى بتنزل مصر بيه 8 صباب والموتور الـ 16 صباب لسه منزلش مصر للاسف ...

بكرة ينزل يا وحش


- لمبات الاشارة فى التابلوة فيها حاجة مضايقانى شوية وهى ان السهمين (يمين وشمال) بينوروا مع بعض سواء كانت الاشارة يمين او شمال ..

طيب أسأل في التوكيل لان ممكن دي تكون مشكله وتتصلح

ولله الحمد على نعمه التى لا تحصى ....

الحمد لله

ده كان تقريرى عن اللوجان اتمنى ان يحوز على اعجابكم ورضاكم .. وان يستفيد منه الجميع وخصوصا من هو مقبل على شراء اللوجان او يملك اللوجان بالفعل ...


الله ينور يا حسام
وربنا يعطيك خيرها ويكفيك شرها

الملاحظات انا قلتلك عليها في وسط الكلام باللون الاحمر
لكن اكبر ملاحظة بقى
انك بتقارن بينها وبين الافانتي ودي مقارنة متنفعش
عاوز تقارنها يبقى تقرانها مع
فيرنا ( فيفي كورسير) او لانوس

ثاني حاجة انت بتتكلم عن عربية عائلية اقتصادية وتتحمل وفيها طابع شبابي شوية
يبقى مينفعش تدور على ماتور 16 صباب والا تركن دي على جنب وتدور على واحده شبابية