مصر موتورز مجتمع السيارات - انــا .. وريـــنــــو لــوجـــان ... تقرير مفصل مصور عنها بعد امتلاكى لها ...

اقتباس:

المشاركة الأصلية كتبت بواسطة BASSEM BESO (المشاركة 394662)

مبروووووووووووووووووووووو ك ياحسام باشا على العربيه وربنا يباركلك فيها ويحفظهالك وشكرا على التقرير الموضوعى الجميل ده واسف على التأخير فى الرد ياجميل

الله يبارك فيك يا باسم باشا .. تسلملى يا جميل ..

اقتباس:

المشاركة الأصلية كتبت بواسطة سيف الدين سعيد (المشاركة 394680)

مبروك يا أستاذ حسام . ربنا يكرمك ويستر عليك طريقك ويكفيكم شر الطريق والعين ان شاء الله .

ربنا يخليك ليا يا استاذ سيف .. وشكرا جزيلا على كلماتك الرقيقة ..

اقتباس:

المشاركة الأصلية كتبت بواسطة هشام الشبراوى (المشاركة 402761)

السلام عليكم ياباشمهندس : ممكن أعرف اللوجان mcv موديل 2009 - هل هى سيارة عملية بتاعة شغل يعنى
- وقطع غيارها سعرها معقول ولا غالية . متوفرة ولا لأ - وهل صيانتها داخل التوكيل مكلفة - وهل يمكن عمل الصيانة خارج التوكيل بسهولة - وما مدى ثباتها على الطريق فى السرعات العالية والقدرة على المناورة - أنا ملاحظ أن أسعار هذا النوع فى النازل بطريقة تثير الشكوك . أرجوا الأفادة لأن سعرها مشجع ان الواحد يفكر يشترى واحدة . وشكرا لتعاونكم . أخوكم هشام الشبراوى:14369D~149:

اللوجان mcv تعتبر نفس اللوجان السيدان بس اعتقد ان فى منها اتوماتيك موجود ..

سيارة عملية جدا وفيها مساحة كبيرة جدا وشكلها شيك ..

اللوجان قطع غيارها غالية شويتين .. يعنى بالمقارنة بالفيرنا والانوس مثلا .. يعنى اسعارها زى اسعار اليابانى كده ... ولكن القطع متوفرة مفيش مشكلة باذن الله ...

انا معاك طبعا ان اسعار الرينو بتنزل جامد وده بسبب التعقيد اللى فيها وقلة قطع غيارها ..

ولكن انا واثق ان ده مش هيحصل مع اللوجان لانها عربية عملية وسهلة فى الصيانة ولا يوجد بها تعقيد والكترونيات كتير ..
وكمان لانها بدأت تنتشر بالفعل وشعبيتها بدأت تزيد وده هيساعد فى توافر قطع الغيار اكتر و هيظبط سعر العربية فى السوق ..

اقتباس:

المشاركة الأصلية كتبت بواسطة emaratyyy (المشاركة 405882)

شكرا على هذا المجهود

العفو يا باشا .. احنا فى خدمة المنتدى واعضاؤه ..