ايه هي مميزات و عيوب الريجاتا بالتفصيل ان امكن ؟
 

رد: ايه هي مميزات و عيوب الريجاتا بالتفصيل ان امكن ؟
 

عيوب العربية
اكتر العربيات فيها بارومة
قطع غيار غالية بالمقارنة بالشاهين مثلا او الفيات القديم عامة وبعض قطع الغيار ممكن تتعب شوية عقبال ما تلاقيها
التكييف مش قوى وبقدر تاثيرة على اداء العربيه كعادة الاوروبى القديم



المميزات
تسارع ممتاز وموتور قوى
ثبات اكثر من ممتاز
عفشة قوية ومناسبة جدا لارتفاعها عن المطبات
كماليات كويسة بالمقارنة بالعربيات اللى فى نفس المستوى ( تكييف وسنتر وزجاج كهرباء وكمبيوتر اعطال)
صالون واسع ومريح

رد: ايه هي مميزات و عيوب الريجاتا بالتفصيل ان امكن ؟
 

بص يا باشا الريجاتا
اولا البرومة و كده حاول و انت بتشترى تختار عربية كويسة يعنى مافيش بارومة فى حتت و اماكن لو اتعملت تعيب العربية زى القايم الحوض الشنطة من جوا كده
اما لقطع الغيار فحضرتك هى موجوده و سعرها معقول عن محمد يوسف اللى فى الدقى و الكيلانى ده لو حاجة مش لاقيها اكيد عند دول هتلاقيها مع احترامى للعضو المحترم اللى قال انها مش موجودة
الموديل اللى قطع غيارة مش موجوده و نادرة اللى هوة الريجاتا ال100 موديل 90 دى اه لكن الباقى موجود و الحمد لله
و انت بتشترى تهتم باساسيات العربية تمام و العربية سليمة من تحت مش واخدة مطب قاسمها ولا حاجة القوايم تمام كله يعنى و بعدين تبص على الماتور صوتة ناعم و هادى بيطلع دخنة من الشكمان ولا لا بيعرق زيت من عند العمة ولا لا الحاجات دى كله تمام تدخل تبص بقى من جوا و تشوف البيبان بتاعت العربية متكونش فيها عصرة ولا حاجة علشان تبقى اتخبطت و لو اتخبطت اتاكد انها ملوحتش القايم
تبص على التابلوه لان من عيوب الصالون بتاعها التابلوه ضعيف
فى قطع غيار ليها بس الاحسن الايطالى و الالمانى طبعا الترموستات و الحاجات البسيطة دى نادرا ما هتلاقى الايطالى
تظبيط الاداء ده انك تكون ايدك فى العربية على طول متهملهاش تنضف الفلاتر و تغيرها تتابع السخونية فى العربية حالة الموتور بتاعك كده اى عربية ايدك فيها بتبقى حلوة و بتريح فى المشى
الباور هى هاف باور اصلا بس حلو و خفيف هيبقى ناعم اوى معاك لما تظبط علبة الدريكسيون و البارات و كده تمنع الخبط معاك و تلاقى الدريكسيون معاك ناعم و حلو
يابشا ال80 هوة الحل انا ماشى بيه و تمام بس حط 80 و غير الفلاتر و تابعها و تروح لميكانيكى نضيف علشان يظبطلك الكهربا بتاعت الموتور على 80 علشان مشاكل السحب و اكل البنزين متتعبكش و هتبقى تمام
بص من ناحية الزيت خليك فى اللى ترتاحلة بس انا عن نفسى بحطلها التعاون البرتقالى مش الاحمر
اسالتك لا كتير ولا حاجة ربنا يوفقك و احنا تحت امرك

رد: ايه هي مميزات و عيوب الريجاتا بالتفصيل ان امكن ؟
 

السلام عليكم
شوف يا اخى الفضل
العربية دى زى الفل ومن الأخر لو اشتريتها نمرة واحد.
يعنى تتبع خطوات الشراء زى الزميل الفاضل زنجر ما نصحك بيها وبعدين اعملها طقم صيانة واتمتع بأحسن عربية ركبتها... سيارة قوية جدا وتتحمل وحديدة مش الورق بتاع اليومين دول.
ربنا يوفقك

رد: ايه هي مميزات و عيوب الريجاتا بالتفصيل ان امكن ؟
 

شاكر ليك جدا بس العضو المحترم لاقيته متحامل على العربية شوية فممكن يكون فى حاجة غلط فياريت لو حد عنده اى معلومة ميبخلش علينا ولا على اى ريجاتاوى بيهافلوس كتير