مصر موتورز مجتمع السيارات - محتارة بين البيكانتو واللوجان

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - محتارة بين البيكانتو واللوجان (https://www.masrmotors.com/vb/showthread.php?t=93333)

محتارة بين البيكانتو واللوجان

السلام عليكم
ارجو الافادة بالله عليكم
انا محتاره احجيب لوجان ولا بيكانتو بالنسبة لاستخدام سيده انا فكرت فى البيكانتو خصوصا انى معصراها مع اختى من سنة 2004 لكن اللى طمعنى فى اللوجان انى بأقل من سعر البيكانتو الفاضيه ممكن اجيب عربية مانيوال سيدان فول اوبشان ب 72 الف بس فى مقابل 73500 للبيكانتو الفاضيه
بس قلقانه من حاجتين استهلاك البنزين خصوصا انها 1600 وتانى حاجه قطع الغيار وهل حتكون مناسبه لسواقة سيده ؟! ياريت تفيدونى

رد: محتارة بين البيكانتو واللوجان

السلام عليكم ورحمة الله وبركاته
يا افندم البيكانتو صغيرة جدا علشان نقارنها باللوجان، وضعيفة برضو
إنما البيكانتو شكلها حلو وده ميمنعش إن اللوجان تصميمها اوروبي وعالية عن الأرض جدا
وتوكيلها في غاية الاحترام
وبالنسبة لموضوع قطع الغيار فده مش مشكلة أبدا لان اللوجان ملت الدنيا دلوقتي
تخيلي حضرتك انك لو حبيتي تحجزيها من التوكيل هيقوللك الاستلام بعد 3 شهور
وبعدين العربية الزيرو ربنا يكرمك فيها متحتاجيش قطع غيار أصلا لمدة 3 سنين ل5 سنين
وفي الاخير صلي استخارة وربنا يبينلك الصواب فين

رد: محتارة بين البيكانتو واللوجان

أضم رأيي لرأي adham_cs .. أنا شخصياً لو مكانك هختار لوجان من غير أي تفكير ,, خصوصاً إنك ناوية تجيبيها زيرو ,, يعني موضوع قطع الغيار مش هيشغل بالك غير بعد 5 سنين إن شاء الله

التوكيل للعربيتين واحد ..

بالنسبة للمقارنة ,, اتفضلي

http://www.contactcars.com/compare_n...?ids=3210,2263

طبعاً أنا معاكي إن استهلاك اللوجان هيكون أعلى شوية في البنزين ,, بس في المقابل حضرتك بتاخدي عربية قوية ,, عالية عن الأرض ,, واسعة جداً جداً في كل حاجة

الخلاصة ,, اتوكلي على الله وهاتي لوجان ,, ويكفي انتشار اللوجان في آخر سنتين ,, ده لوحده يشجعك إنك تاخدي الخطوة دي :)

ولو على الشكل البناتي ,, هاتيلك لون أحمر ولا حاجة ,, بناتي وزي الفل ^_^

رد: محتارة بين البيكانتو واللوجان

شكرا لاهتمامكم وردودكم على الموضوع
الصراحه اقنعتونى باللوجان وان شاء الله استخيره واتوكل

رد: محتارة بين البيكانتو واللوجان

اتوكل على الله وهات لوجان
ومبروك مقدما