عاوز اعرف مشروع الميكروباص من الالف الى الياء من فضلكم
 

السلام عليكم ورحمة الله
انا معنديش اى خبره او اى معلوماات عن انواع الميكروباصات وماركاتها وقطع غيارها وصيانتها واسعارها
فلو سمحتم ممكن توضحولى موضوع الميكروباص ده من الناحية المهنيه بيكون ماشي ازاى
وايه النوع الاعتمادى والعملى ؟
وهل بيمون سولار بس ولا ينفع يمون غاز عادى ؟
علما بان النيه انه يشتغل سيرفيس داخلى فى المنصورة ؟
وايه مميزاته وايه عيوبه مقارنة بمشروع التاكسي برده فى المنصورة ؟
خصوصا انى خايف جدا من البعد الامنى المتدهور فى مصر؟
وربنا يستر
وشكرا جزيلا

رد: عاوز اعرف مشروع الميكروباص من الالف الى الياء من فضلكم
 

بص انا هجوبك علي بعض الحاجات بسبب كثره استخدامس للمكروباص
اولا لازم تكون عندك اشتراك في موقف البلد اللي انت هتوصلها والبلد اللي انت هتطلع منها علشان مش هيخلوك تحمل
ثانيا ممكن يركب معاك عيال مؤذيه ممكن تقطعلك الجلد او تشخبط عليه
ممكن يركب ولد وبنت في الكنبه الورانيه دي خلي بالك منها لان غالبا ما بتنام البنت علي كتفه او هو يحط ايدوا عليكتفها
حكايه غاز دي معرفهاش
بس عمري ما شفت مكروباص علي السريع غااز كلوا سولار
طبعا مش هقولك علي الطريق ممكن يتقفل في ثانيه وممكن الركاب يزهقوا وينزللا ويسبوك
ولو لقدر الله حصل اي حاجه علي الطريق للعربيه بتاعك هتقف علي جانب وتركبهم وتدفعلهم اجرتهم في المكرباص اللي هتركبهولهم وبعدين تشوف عربيتك
واتمني اكون يعني عرف تطلع مني بحاجه واتمني ناس متخصصه ترد
انا حكيتلك علي بعض المواقف للي بشوفها علي الطريق السريع نتيجه لعشرتي مع المكرباصات

رد: عاوز اعرف مشروع الميكروباص من الالف الى الياء من فضلكم
 

بص يا باشا.......... لو إنت مش بلطجي و شبيح و بتاع مشاكل يبقى دور لك على حاجه تانية أحسن،،،،،،،،،، و عموما:

• بالنسبة للميكروباص:

• عايز واحد بلطجي بنسبة 100% و صايع بنسبة 200% علشان تعرف تاكل عيش من العربية لأن حتى و لو معاك 100 تصريح و إنت مش بلطجي مش هتعرف تدخل العربة الموقف و حتى لو دخلتها ممكن عربيتك تقف طول النهار من غير ما تركب و لا زبون واحد (هو كده عافية و إذا كان عاجبك)، و دي ممكن تحلها بإنك في البداية تشوف لك سواق يكون إبن الموقف و معروف فيه و معندوش عربيه يدخل لك العربيه على إنها بتاع واحد قريبه شهرين تلاته لحد ما تتعرف في الموقف و إنت تكون معاه كل يوم تتعرف على الناس و تتعلم منهم و بعدها براحتك يا تركبها إنت (بس بعد ما تكون أخدت رخصه مش أقل من درجه أولى في البلطجه و معاملة السواقين و الزبائن) يا تخليك مع السواقين.
• ممكن لو ليك ظابط قريبك ييجي معاك أول يومين تلاته يعملك شهرة و يصيتك إنت و العربية في الموقف و يفهم السواقين أن العربيه دي تبعه و تحت حمايته و كمان يخلي أمناء الشرطة اللي في الموقف يتابعوك كل شويه و لكن عيوب الطريقه دي إنك هتفضل على طول مكروه من السواقين لإنك تبع الحكومه و ممكن يسلطوا عليك عيل من الصبيان يرجع عليك بضهره بعربيه يضيع لك نص العربيه من قدام أو من ورا و مش هتاخد غير معلهش يا باشمهندس أصل الواد إبن ال.... عيل و مش بيعرف يسوق و ياكلو قلمين و شكرا على كده،،،،،،،،،، كمان حتبقى مكروه من أمناء الشرطة اللي في الموقف لأنه مفيش من وراك سبوبه و مش هتدفع زي الباقيين لأنك تبع ظابط.
• بالنسبة للتاكسي:

عايز واحد بلطجي بنسبة 50% و صايع بنسبة 100%، لأن كل مشاكلك هتكون مع الركاب و عساكر و أمناء الشرطة فقط و لا فيها موقف و لا يحزنون و إنت مع نفسك.


أي عربيه ميكروباص أو تاكسي بيركب لها غاز عادي جدا و موفر جدا بشرط لو فيه عندك و في خط سيرك بنزينات غاز متوفرة.


أتمنى أكون أفدتك و وضحت لك الواقع................

رد: عاوز اعرف مشروع الميكروباص من الالف الى الياء من فضلكم
 

رد: عاوز اعرف مشروع الميكروباص من الالف الى الياء من فضلكم
 

************

..
صاحب الموضوع ..

انا كنت صاحب تاكسي واشتغلت علية لفترة 3 سنين .. واقدر اقلك اني مجال التاكسي مفهوش اي حاجة من الكلام الفاضي دة لا لازم تكون بلطجي ولا لازم تكون صايع . انت نازل تاكل عيش هتمشي بالعربية هيوقفك زبون يقلك المكان الفلاني وعدادك شغال وانا كنت شغال علي ابيض واسود يعني مكنش فية عداد وكان المشوار الصغير هوة عارف طريقو والمشوار البعييد بنتفق علية واحنا واقفين .. وكل شغلانة وليها مشاكلها وقرفها . ودية مشاكلها لو جبت التاكسي وشغلتو لسواقين لو انت مش معاهم هيخربو التاكسي لو انت معاهم وردية هتركب كل يوم وهتعرف اية المشاكل فالتاكسي ألي بتحصل
وافضلك لو جبتو وركبتو لوحدك او لسواق امين جدا جدا انتا تعرفو .
مشاكل التاكسي كسائق .
لو انت سواق محترم وبتقف فالمكان الصح وماشي صح ورخصتك سليمة مفيش مشاكل مع حكومة خالص . لكن وارد هتلاقي مشاكل مع زباين ومتسبش حقك لو الزبون عمل عبيط . انا حصل معايا مواقف كتير جدا منها زبون سبني وطلع يجري !
وزبون سكران وحالتو بالبلة ومش عارف يروح فين . يعني كلو وارد ودلوقتي كمان لازم تحط عينك وسط راسك عشان البهدلة ألي فالبلد . يعني اي مشاوير بعيدة فكك منها لو قالك هديك 100 جنية في مشوار ميستهلش 20 جنية
مفيش حد بيسافر بتاكسي ميعرفوش حاجات كدا لو نويت هقلك عليها ولازم تحفظها وتعمل بيها .
مشروع مجدي لكن الايام السودة دية البلد كلها متنيلة بستين نيلة وكل شارع فية مسيرة ومظاهرة ومحن وكلام فاضي المشوار الي تعملو في ساعة ياخد ساعتين وتلاتة والوردية بتشفط ..
عشان تجيب عربية زيرو من المعارض دلوقتي بقت غالية وبنت كلب تدفع 50 الف وتقسط 1750 جنية كل شهر ل 60 شهر . وال 60 دول سحلة بجد . وكل سنة فحص وتجديد مش زي الملاكي كل 3 سنين . والغاز هتجيبو قسط هتركبو ببلاش وكل شهر هتدفع 275 جنية . وركب الامبوبة الصغيرة عشان حمل عالعربية وهتمشيك حوالي 120 كيلو . ولو فكرت تجيبها من البنك فدلوقتي البنوك قافلة وفيها مشاكل كتير. بس هيا جامدة . ولو فكرت تجيب مستعمل فممكن تجيب بيضة مثلا تدفع 70 الف وتكمل انتا القسط . وفي لقط بتبان قدامك كدا بس تكون جاهز وصبور .. في تاكسي شاهين 2008 كان معروض ب 67 الف كاش .
....
موضوع المكروباص بقا . لو بتفكر تشتغل خط داخلي ابعد عن الزيرو خالص . لو بتفكر تشتغل بية سفر وشركات يلزمك حتة زيرو .
لو عايز تشتغل في موقف عادي جدا بس لازم يكون ليك معرفة وكل موقف لية واحد ماسكو ودايرو والي بيسير عليهم هيسير عليك . دية المواقف الشرعية .
المواقف الي بيعملوها السواقين مع بعضيهم بقا بلاش تقف فيها لانهم فعلا مش تمام ومش هيدخلوك ألا لو فية مصلحة منك فالليلة دية . لو انت ساكن جمب دائري اشتغل علي الدائري هتعمل احلي شغل وعلي الرااايق .
من موقف العاشر لكتوبر . يعني الخط كلوو . او من العاشر للهرم وهتشتغل تحمل وتنزل . او من اكتوبر لمدينة نصر . والفردة هنا هتعملك 40 جنية في كل واحدة في دول عالاقل .
او ممكن تجيب مكروباص وتشتغل بية في محطة تلفزيون او شركة سياحة بس هنا لازم تجيب التيوتا . وهياخدوة منك ب 5 : 6 الاف فالشهر وعليهم كل حاجة تخصة . وليك انت كمان بدل سفر مش عارف اية . والقصة دية . وتشهيص نفسك كدا في الصيف تعمل رحلات سفر مرسي مطروح ولا اسكندرية كدا يعني .. ودية مفيهاش تعب بتاعت الشركة زي المواقف
او بقا تدوس فالتقيل وتشتغل سفر . ودية لازم تكون عارف شيخ موقف عشان يدخلك فيها . ولازم تدفع لية وبياخد منك فالاول كرسيين فالفردة .

اتمنا اكون وضحتلك واي شىء راسلني عالخاص .