|
افيدونى يا جماعة الله يخليكوا ارجوكوا
انا والحمد لله معايا لانوس زيرو 2012 ماكملتش خمس الاف كيلو او والله خمس الاف المهم مش هاطول عليكوا وانا نازل النهاردة من البيت لقيت عيل ( ابن ستين فى سبعين ) الله لا يبارك فية ولا فى اهلة جاب مسمار وعملى دواير على الكبوت والشنطة الفبريكة اللى ماكملتش خمس الاف كيلو والله الزيرو اعمل اية الدواير علمت فى بطانة الصاج وغرزت فى العربية و بقة شكلها زى الزفت اعمل اية يا ناس افيدونى اروح اقرب فرع ليا فى التوكيل ارش الكبوت والشنطة فى التوكيل فى منصور طنطا ولا اعملها فى مركز خدمة عندنا فى المنصورة اسمة الشايب كنت جربت عندة ابل كدة رديت حتة صغيرة على البارد وكان كويس اعمل اية ياناس العربية لسة جديدة ومنظرها زى الزفت اعمل اية افيدونى لو رشيت الحاجات دى فى التوكيل هاتبان لو جيت بعتها لانها كبوت وشنطة دة مش رفرف ولا اكصدام اعمل انا مش عارف انا زهقت من ام البلد دى اعمل اية يا ناس اة انا مش مغطيها بس دى عاوزة غطا حديد عشان المسمار ماياثرش فيها اعمل اغيثونى الله يخليكوا
|
رد: افيدونى يا جماعة الله يخليكوا ارجوكوا
فيه لزق بيتحط ع العربيه مش عارف اسمه ايه بيكون فيه منه الوان كتير زي اللزق الابيض اللي بيكون علي العربيات الزيرو هاته وحطه ع الشنطه والكبوت ولو مفيش لون عربيتك اعمل زي ما واحد اعرفه عمل جاب لزق ابيض و لزقه ع العربيه عند اي حد بتاع اكسسوارات وراح لبتاع بويه وخلاه يرش ع اللزق الابيض هيبقي احسن من انك ترش الشنطه والكبوت اعمل اي حاجه غير انك ترش شنطه وكبوت
|
رد: افيدونى يا جماعة الله يخليكوا ارجوكوا
اقتباس:
ممكن برده الحتت اللي فيها خرابيش دي تحط عليها اي رسومات كانك مروشن العربيه والرسومات كتير وعند اي حد بتاع اكسسوارات ورخيصه مش غاليه ولما تيجي ترخص شيلها لحد ما ترخص وبعدين حطها تاني بعد الترخيص ومعتقدش فيه اي لجنه مرور ممكن توقفك او تعمل مخالفه علي رسمه ف العربيه |
رد: افيدونى يا جماعة الله يخليكوا ارجوكوا
والله يابنى قلبى عندك مش عارف اقولك ايه انا عندى فوبيا من الموضوع عشان كده جبت عربية صغيرة اركبها جوه البلد وخليت الزيرو جوه الجراج انا لسه شايف اوكتافيا a5 ماشية قدامى ومعمول عليها خريطة ياعينى بالمسمار بقيت زعلان على صاحبها . المهم حاول ماترشش حاجة خالص وروح لبوهيجى ناصح بيبقى عنده حلول للموضوع ده انا مرة شفت بولش مستورد كان بيشيل الخرابيش بس مش العميقة اوى المهم هتلاقى حل ان شاء الله
|
رد: افيدونى يا جماعة الله يخليكوا ارجوكوا
اقتباس:
|
رد: افيدونى يا جماعة الله يخليكوا ارجوكوا
اول حل هو اللزق الى بيتحط ويكون لون السيارة دى فكرة جميلة جدا وشكلة جميل وفى منه الوان كتييييييير
ثانى حل لو الخربشة مش داخلة لجوة اوى فى قلم بيتجاب وبيعاجل مكان الخربشة بس انا بصراحة مجربتش الموضوع دة ونتيجتة اهم حاجة انسى خالص موضوع الرش دة نهائى العربية لسة فابريكة حتى لو فكرت تبيعها بعد 100 سنة الدهان الفابريكة هو الى هيبيعها بخربشتها ========= وممكن تروح لبوهيجى شاطر ( هتعرف انه شاطر من اسعارة المبالغ فيها ) وهتلاقى عندة الف حل المهم تقولة انا مش عايز ارشها خالص ========= نزل صورة للخربشة على المنتدى واسأل الجماعة بتوع اوتو بوينت اية الحل دة موضوع هما عاملينة للمناقشة http://www.masrmotors.com/vb/showthread.php?t=85281 نصيحة :: سيبها شوية تاخد العين قبل ما تعالجها |
Re: افيدونى يا جماعة الله يخليكوا ارجوكوا
انشاء الله لو ما فيش نية لبيع العربية رشها واتمتع بيها لانك بتشترى زيرو علشان تسعد مش تتغم
|
| الساعة الآن 01:57 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017