مصر موتورز مجتمع السيارات

لو واحد داخل المنتدى وعايز يشترى سياره زيرو ومحتار بين سيارتين معينين أو ثلاث سيارات معينه وعايز خبره وتجارب الاعضاء فى هذه السيارات لكى يرسى على سياره واحده منهم وكاتب بالبنط العريض ياخبراء المنتدى دلونى على السياره الافضل من هذه السيارات ..

فجأه تلاقى فتايين المنتدى دخلوا على الموضوع وكل واحد بيفتى بدون تجربه وبدون مايكون مالك للسياره اصلا .

واحد يفتى ويقول ...سيبك من السياره الاولى دى مع واحد صاحبى ومطلعه عينه وتوكيلها ذى الزفت (بدون تجربه شخصيه ).

والتانى يفتى ويقول سيبك من السياره التانيه دى سياره جديده ومش متجربه وقطع غيارها مش موجوده فى السوق ( طب لماأنت مجربتهاش بتفتى ليه )

والتالت داخل يقول سيبك من السيارات التلاته دول عشان صينى و ابعد عن الصينى وغنيله ( وتلقيه لابس تيشرت وكوتشى صينى ).

والرابع داخل يفتى ويقول سيبك من العربيات دى وهات العربيه الفلانيه منتشره فى كل حته وقطع غيارها عند البقال ( وصاحب الموضوع مش حاطط هذه السياره فى حساباته أصلا)

وتلاقى صاحب الموضوع فكره اتشتت وتاه واذداد حيره وقال ياريتنى مادخلت المنتدى ده .

ياريت فتايين المنتدى يريحونا شويه من فتاويهم وإللى يتكلم يكون عن تجربه شخصيه أو مالك للسياره المقصوده فى ا لسؤال ..