سؤال لأهل الخبرة وبرجاء الاغادة
 

انا معايا رينو رينبو 1999 بس بحس ان المروحة بتشتغل كتير لما ابطل العربية هود ده طبيعى ولا المفروض ماتشتغلش خالص يعنى لو روحت مشوار صغير خالص ميكملش 10 دقايق ولما اروح وابطلها الاقى المروحة شغالة معرفش بقى بتقعد اد ايه فهل ده يأثر على البطارية لأنها مش بتكمل نصف ساعة وتنام ولازم ادورها زق . فالكهربائى فحص البطارية وقالى فيها ربع ولازم تتغير وانا خايف اغيرها ويطلع المروحة دى السبب.
أرجو الافادة وياريت لو فى حد كويس كهرباء وميكانيكا فى الرينو بمدينة نصر

رد: سؤال لأهل الخبرة وبرجاء الاغادة
 

الثرموستات اللى عندك كام / كام

رد: سؤال لأهل الخبرة وبرجاء الاغادة
 

ممكن تكون البطارية ضعيفة فعلا وأى بتاع بطاريات وكهربائى هيفيدك
وبالنسبة للمروحة ممكن تبقى على الكونتاكت بحيث لما تبطل العربية تفصل المروحة
وده بيكون عن طريق كتاوت خارجى ، وطبعا نراجع على العربية بتسخن ليه فى المشاوير القريبة اوى ممكن يكون فيه مشكلة لكن بإذن الله الكهربائى يحلها

رد: سؤال لأهل الخبرة وبرجاء الاغادة
 

كدة مش مظبوط يا مستر هشام ....ما تنساش الحرارة الكامنة

رد: سؤال لأهل الخبرة وبرجاء الاغادة
 

هوه المفروض الثرموثتات يبقى كام على كام انا معرفش بصراحة وانا لسه جايبها بقالى يوم واحد والله وتقريبا العين جت جامدة شوية لكن عاوز احط ايدى على المشكلة بس بالضبط علشان اعرف اتحرك ولو فيه مشكلة ممكن تكون فى اه بالضبط وهتكون سهلة ولا صعبة علشان انا قلقلان يا جماعة والله

رد: سؤال لأهل الخبرة وبرجاء الاغادة
 

المفروض يكون 80/90 دة الامثل
بس شوف اتجاة المروحة بمنديل ورق والمفروض يكون لجوة الموتور مش العكس

رد: سؤال لأهل الخبرة وبرجاء الاغادة
 

لامؤاخذة يا باشمهندس فكرتى ان المروحة تشتغل مع تقليب المياه فى الردياتير
لكن طالما الموتور فصل بتسيب المروحة تبرد الردياتير والحرارة بتفضل كامنة جوا المكنة