ارجو المساعده ضروري
 

دلوقتي انا قررت اجيب جنطسبور لنوبيرا من بره وهناك معندهمش نوبيرا وبيتعاملو بمقاسات
فسالني علي كام حاجه وانا ولا فاهم حاجه فيهم
offset
bolt pattern
hub center bore (hcb)

ولو حصل ايه الرقم اللي ميخليش الجنط يركب
يعني هل لازم نفس الرقم بالظبطت ولا ممكن يفرق كام رقم بدون مشاكل وشكرا
للعلم سياره نوبيرا 2005 والجنط 4 مسمار وشكرا:12422A~17:

رد: ارجو المساعده ضروري
 

ياريت يا جماعه حد يرد عشان رايح اجيب بكره

رد: ارجو المساعده ضروري
 

الجط15 والاوفست 49
15*55*195
دة مقاس مثالى للنوبيرا
ولو لقيت قولى السعر وياريت تصورهم

رد: ارجو المساعده ضروري
 

طب انا لاقيت 16
والاوفست 40
hcb 67.1
polt pattern كان 100mm
هل يركب ؟؟؟ خصوصا اني دخلت علي مواقع بتبيع قطع غيار وكتبت نوبيرا 2002 واختارت جنوط طلع المقاسات دي فهل حد يعرف ده مظبوط ولا ايه ودي نفس المقاسات اللي لاقيتها هنا

رد: ارجو المساعده ضروري
 

اللي حضرتك كاتبه ده مقاس الكاوتش انا بتكلم عن الجنط نفسه

رد: ارجو المساعده ضروري
 

حضرتك الموضوع يطول شرحه بس أنا هحاول أختصر:
Offset: الألمان بيسموه ET وهو المسافة بين وش الجنط اللي بيركب عليه المسامير و بين منتصف الجنط و المفروض تلاقيه علي الجنط بتاعك عباره عن رقم مكتوب جنبه ET. زي الصور المرفقة. المهم ده لو زودته عن الرقم اللي عندك الجنط لما تركبه هيدخل ناحية موتور العربيه و ممكن يحك و لو قللته الجنط هيخرج لبره يعني هيبعد عن الموتور و هيحمل علي المسمير و يدايقك و أنت بتحود. فانصحك ما تغيروش كتير. يعني لو 49 مثلا أخرك تخليه 50 أو 51 و ممكن 48.
BCD - Bolt Circle diameter ده عبارة عن قطر الدايرة اللي موصلة المسامير ببعض.
Bolt pattern: ده عباره عن رقمين مثلا 4x100 يعني 4 مسمار و 100 هو BCD. و بردو هتلاقيه علي الجنط , لو غيرته الجنط الجديد مش هيركب.
HCB او Hub Center Bore ده بقي الفتحه اللي في نص الجنط من ورا اللي بتقابس علي طمبورة العربيه نفسها و ديه لو جت أكبر مش مشكلة و كل الناس حتي بره بيجيبو رنجات بلاستيك عشان تركب بين الطمبورة و بين الجنط نفسه.
أسف علي الاطالة و أرجو أكون ساعدتك. علي غكرة أنا حاولت أرفق الصور بس مش عارف فيه مشكلة. ممكن تبعتلي الميل بتاعك أبعتهوملك عليه.

رد: ارجو المساعده ضروري
 

و نسيت أقولك ربنا يوفقك.