|
ليس برئيس ثوري ! !
الرئيس مرسي أنهى حكم العسكر بعد 60 سنة خراب... بس منقدرش نقول انه رئيس ثوري
الرئيس مرسي أفرج عن كل المسجونين بدون أحكام من بدء الثورة ... بس برضه منقدرش نقول انه رئيس ثوري الرئيس مرسي أقال مععم أعضاء المجلس العسكري وأخرج 70 من لواءات مبارك من الخدمة ... بس برضه منقدرش نقول انه رئيس ثوري الرئيس يتدخل للإفراج عن المعتقلين المصريين ظلما في السودان وليبيا واريتريا ... بس برضه منقدرش نقول انه رئيس ثوري الرئيس أقال أكثر من نصف المحافظين وإستبدلهم ... بس برضه منقدرش نقول انه رئيس ثوري الرئيس أقال كل رؤساء الهيئات الرقابية الفاسدين ... بس برضه منقدرش نقول انه رئيس ثوري الرئيس مرسي أفرج عن كل المحكومين في قضايا الثورة ... بس برضه منقدرش نقول انه رئيس ثوري أمال يا عم الرئيس الثوري بيبقى شكله عامل ازاي؟ |
رد: ليس برئيس ثوري ! !
بيبقى عامل كدة :062059~133: او كدة :drnk:
سيب اللى يقول يقول ال ........ تعوى والقافلة تسير:fun_36_3_11[1]: |
رد: ليس برئيس ثوري ! !
يا دكتور ابراهيم اولاً انت مكرر بند الافراج عن المعتقلين 3 مرات
فى حين مثلاً يعنى معتقلى ضباط 8 ابريل لم يفرج عنهم فعلياً حتى الان فقط صدر قرار بالادانة سنة ومش بس ادانة ده فيه ناس كمان مشملهاش القرار (محمد وديع والرائد شومان) يعنى قرار ماسخ بصراحة لما يبقى لك 20 اخ مسجونين ظلم ويجى واحد يقولك هخرجلك 18 وعليهم احكام وطبعاً هيلبسو الجلبية ويقعدو فى البيت وفى اتنين يخصونى لسه متربوش كفاية ومتسالش مخرجوش ليه ولا هيخرجو امتى المفروض بقى انى اسقف واصفر واقول مووووووورسى موووووووورسى هوووووووه هوووووه !!! :shyy: ادي موضوع المعتقلين كمثال اكملك بقى الباقى اقتباس:
وقد كان الراجل عمل فيهم خدمة العمر اهوه وظبطهم نياشين وقلالايد :) ومعاشات ومرتبتات وقرائب متعينين فى اماكن حساسة وميه فول واربعتاشر ده غير اصلاً انهم مجموعة كهنة كده كده كان المفروض يخرجو من الخدمة الرئيس اللى يتقال عليه ثورى بقى هو اللى كان يعزلهم ويقدمهم للمحاكمة والرئيس الثورة بدام ايده طايلة كده من باب اولى واهم كمان يغير النائب العام ويغير باقى المحافظين ويغير باقى الوشوش العكرة هنا وهناك وبالاخص كمان هيئه التفتيش والرقابة بتاعه الشرطة اللى طبعاً مش موجودة غير بالاسم والا مكانتش قامت على الشرطة ثورة فدول اول ناس المفروض يحالو للتحقيق ونشوف مين كان معطلهم عن شغلهم يا اما هما يتحبسو علشان اللى يجى مكانهم ميصهينش تانى مرة ويعرف ان حسابه عسير ممكن اقعد اعدلك فى قرارات منقوصة مشوهه او قرارات متاخدتش اصلاً تملى صفحات بس باختصار اقدر اقولك ان الرئيس الثورى هو اللى تتحقق بقراراته وسياستة اهداف الثورة بكل حزم وبأقصى سرعة يا دكتور اللى بيحصل من مرسى ميختلفش كتير عن اللى كان بيحصل من شفيق نفسه وهو رئيس وزرا ومبارك ماسك ما مبارك شال العادلى وشال نظيف وحكومة كاملة لامتصاص الناس ولو كان فضل مبارك لحد دلوقتى كان اقال طنطاوى برضو وشوية ناس تانية عادى ده اسلوب المنع ثم المنح يعطلك الدنيا ويمشى ببطاء وانت مطالبك تزيد ومشاكلك تتأزم ويروح حاللك مشكلة من عشر مشاكل واهوه انا بحل :) وبكده يضمن دائماً انه يزهقك ويكرهك فى عيشتك وفى نفس الوقت ينفذ اقل ما يمكن تنفيذة |
رد: ليس برئيس ثوري ! !
الحــــــمد لله |
رد: ليس برئيس ثوري ! !
اقتباس:
ربما أتفق معك في بعض الفقرات يا باشمهندس وائل ولكني اختلف معك وأعترض بشدة على تشبيه طريقة ادارة مرسي للأمور بطريقة المخلوع الملعون نفهم من الملعون المخلوع أن يدير الامور بهذه الطريقة المشار إليها من حضرتك لأنه خائن وعميل ولا يهتم ألا لمصلحة كرسية وأولياء نعمته من اليهود والامريكان فقط ولكن كيف أفهم ان يتبع الدكتور مرسي نفس الطريقة ولصالح من يعمل حينئذ ؟!!!! كل ما أنا متأكد منه أن الدكتور مرسي لا يعمل ألا لصالح هذا الوطن المجروح المنهوب المعطل قد أختلف معه في بعض المواقف لأنه بشر قد يخطئ ويصيب ولكني أعلم تمام العلم ومتيقن من انه لا يعمل ألا لصالح هذا الوطن |
رد: ليس برئيس ثوري ! !
اقتباس:
حد يعرف مين بيمول جماعة الاخوان المسلمين !!! محدش |
رد: ليس برئيس ثوري ! !
والدة "وديع": أنا وابني لا يعبأ بنا أحد ولا أعرف شيئا عن تصريحات محاميه بالإفراج عنه
Wed, 10/10/2012 - 00:55 http://almogaz.com/sites/default/fil...60_1179547.jpg أكدت والدة الملازم أول، محمد وديع، أحد ضباط 8 إبريل المعتقلين، أنها لم تتلق أي معلومات من المسؤولين عن نجلها، وموقفه من العفو الرئاسي الذي أصدره الرئيس عن المعتقلين، قائلة "أسمع أخبار متضاربة من وسائل الإعلام، البعض بيقول العفو يشمل ضباط 8 إبريل، وناس تانية تقول لا، وأنا زي زي الناس، بتمنى أي حد يصبرني بكلمة، ويقولي ابني هيخرج أمتى". وتابعت والدة "وديع" حديثها، في تصريح خاص لـ"الوطن"، بقولها "أنا مش فارقة مع حد ولا أنا ولا ابني، ومضربة عن الطعام من أسبوع، ومحدش سأل فينا". ونفت والدة ضابط 8 إبريل المعتقل بالسجن الحربي، أن تكون تلقت أي معلومات على لسان محامي "وديع"، بخصوص الإفراج عنه، مشيرة إلى أن هناك موظفا بقصر الاتحادية، تلقى منها بياناتها أمس، ووعدها بمقابلة، المتحدث الرسمي باسم الرئاسة، ياسر علي في أقرب وقت. |
| الساعة الآن 02:18 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017