شركة اسرائيلية تقوم بتطوير سيارة طائرة
 

تقوم حاليا شركة اسرائيلية تقوم بتطوير سيارة طائرة ,
و السيارة الطائرة ستكون جاهزة لانطلاق اول تجاربها السنة القادمة .

و كانت اجريت تجارب سابقة على فكرة الطائرة من شركات امريكية وكان هناك بعض المحولات , لكن معظمها لم تكلل بالنجاح التام , و لكن تعتمد الشركة الاسرائيلية على تكنولوجيا الكومبيوتر و التحكم الالى فى انجاز االسيارة الجديدة .

السيارة الجديدة فى حالة نجاحها ممكن استخدامها فى اغراض النقل و الانقاذ و الدخول الى مناطق لا تستطيع الطائرات المروحية الوصول اليها " يمكنها التحرك فى شوارع ضيقة و المناورة فى اماكن ضيقة و الوصول اليها "و طبعا الاستغلال العسكرى ليس ببعيد .

هذة شركة اسرائياية خاصة تقوم بهذة التجارب و حققت نجاح ,ماذا فعلت الشركات المصرية او العربية التى تمتلك اموال طائلة و هناك من الخبرات الهندسة و العلمية الكثيرة اللتى يمكن استغلالها سؤال يحتاج الى اجابة ؟

صورة للسيارة الجديدة
http://m7ml.com/uploads6/85a8386a98.jpg

رد: شركة اسرائيلية تقوم بتطوير سيارة طائرة
 

ربنا لايوفقهم في أي حاجة.

تسلم يا Wawoo موضوع كويس...بس مش بيفرح العرب

رد: شركة اسرائيلية تقوم بتطوير سيارة طائرة
 

يا عم اسرائيل لسه مصدره لروسيا طائرات صغيره مقاتله و استطلاعيه بدون طيار !

و كمان من زمان بتصدر لآمريكا نفس النوع ! بلاش كده ! الهيلموت ( خوذة الطيار ) فى الطيارات المقاتله الآمريكيه

صناعه اسرائيليه ! و دى موش مجرد خوذه عاديه زى قصرية البيبى ولكن خوذه متطوره و كل بيانات الطياره

بتظهر على الزجاج أو البلاستيكه الآماميه للخوذه ! دا غير الرشاشات العوزى وهى السلاح الآول لقوات

( السوات ) الآميريكيه ! قوات التدخل السريع ! كمان أحدث بندقيه أو رشاش فى العالم بماسوره متحركه

يمين و شمال بكاميرا تلفزيونبه بحيث تستطيع ضرب أهداف وانت واقف وراء جدار ( مذكور بالقرآن ) !

كمان عندهم رشاشات بتشتغل بالكومبيوتر والريموت كونترول ! و مدرعات و دبابات صناعه اسرائيليه

خالصه ! واحنا خلينا نصنع تلفزيونات قديمه و سخانات و بوتاجازات من اللى بتفرقع !

انت فين يا كابو ! فين أفكارك الجهنميه ! و النبى كده تحلم لنا كام حلم نخلص بهم على اليهود ! ptmnlo123per1106

Dr. Bolbolan ptmnlo123per144

رد: شركة اسرائيلية تقوم بتطوير سيارة طائرة
 

هما فعلا يا دكتور متقدمين فى تطوير اسلحة كتير , و دة مش غريب على دول محتلة و مهددة من كل اللى حوليها ,
بس اية حكاية القران دى .

بس الطائرة دى تكنولوجيا تانية خالص و خصوصا ان الامركيين فشلو فى تطوير طائرات بهذة الفكرة و دفعو ملاينن و ليسة عندهم مشاكل كتير , انما لو اليهود حققو الفكرة دى يبقى حيكون سبق قوى جدا , و حيعمل فرق كبير فى عالم الطائرات و يمكن كمان السيارت بعد وقت من الزمن

رد: شركة اسرائيلية تقوم بتطوير سيارة طائرة
 

فى القرآن ما معناه ( علشان ماغلطش تانى ) لا يقاتلونكم الا من خلف جدران محصنه !

هوه كان عندى صورة الرشاش ده و جندى اسرائيلى شايله بس موش عارف هيه فين دلوقت !

يعنى تصور واحد واقف خلف جدار من نهايته و عاوز يضرب واحد بزاويه قايمه 90 درجه ! بحيث جسمه

هوه لا يظهر للعدو ! تقوم الماسوره لفه أى درجه من صفر الى 90 و الهدف يظهر على مونيتور مركب على

مكان الناشنكان ! ده علشان تتخيل بس و الله أنا رأيت الصوره الحقيقيه و موش رسم أو جرافيك !

و يا سيدى أنا لا أتمسح بالقرآن و ان كان يشرفتى ذلك بس ده دليل على ان فكرهم و عقيدتهم

لا تتغير من آلاف السنين ! ربنــا يحرقهم فى الدنيا و الآخره ! قولوا آمين !


Dr. Bolbolan ptmnlo123per1127

رد: شركة اسرائيلية تقوم بتطوير سيارة طائرة
 

[ده دليل على ان فكرهم و عقيدتهم

لا تتغير من آلاف السنين ! ربنــا يحرقهم فى الدنيا و الآخره ! قولوا آمين !

رد: شركة اسرائيلية تقوم بتطوير سيارة طائرة
 

تمام يا دكتور الاية اهى :
(لا يُقَاتِلُونَكُمْ جَمِيعًا إِلا فِي قُرًى مُحَصَّنَةٍ أَوْ مِنْ وَرَاءِ جُدُرٍ)

و انا عارف الرشاش اللى انت بتتكلم علية و شوفتة و هو شغال كمان , بيكون فى شاشة ال سى دى عشان يشوف الهدف لما يكون بزوية, هو الرشاش دة موجود بالفعل بس دة مش اختراع اسرائيلى دة اختراع عادى و تطوير للرشاش الالى , على فكرة الرشاش دة اساسا يستعمل لمكافحة الارهابيين فى الاماكن الضيقة , بس هو مش عملى قوى زى ما انت متخيل , هو فكرة حلو اه بس مش عملى , انا شوفت فيلم عنة .

بالنسبة للاية هو ممكن يكون فيها تنباء بموضوع الجدار فعلا , بس هو المقصود فى الاية ان اليهود بيقاتلو من وراء حصون , لانة لازم يعملو حصن يعيشو داخلة , زى ما عملو خط برليف كدة و زى ما هما عملين الحائط الجديد الان , و حصون خيبر ايام الرسول .