حاجه تقرف
 

الواحد بيجيب عربيه زيرو ويدفع فيها فلوس أد كده عشان يرتاح من الصنايعيه والميكانيكيه وبتوع الورش ويقول هنتعامل مع التوكيل ونرتاح منهم ...نقوم نقع مع شويه نصابين فى التوكيلات يخلونا نندم إن إحنا بعنا عربيتنا القديمه .

نروح نعمل صيانه فى التوكيل عشان نغير زيت يلطعوك 3 أو 4 ساعات غير المشوار مع إنك كنت بتغير زيت جنب بيتك فى ربع ساعه فى عربيتك القديمه .

تدفع حوالى 100 جنيه مصنعيه وضريبه غير ثمن الزيت مع انك كنت بتدفع 5 جنيه لتغيير الزيت قبل كده فى عربيتك القديمه .

لو فى مشكله فى العربيه ممكن متلقيش قطع الغيار فى مركز الصيانه ويقولك هنجيبها من المركز الرئيسى وتفضل عربيتك مركونه عندهم لحد لما يفتكروك .

لو لقيت قطع الغيار متلقيش الفنى او الصنايعى الشاطر إللى يركبهالك صح ومتعرفش إذا كان ركبها ولا مركبهاش لأنك مشفتش حاجه بعينك .

لو فى مشكله فى العربيه أغلب التوكيلا ت بيحاولوا يقنعوك ان العربيه صح وإنك انت الغلطان ومبتعرفش تسوق .

قبل ماتشترى العربيه بيقنعوك ان معاك ضمان 100 الف كيلو وأول ماتحصل مشكله وانت فى الضمان يقولولك القطعه دى خرجت من الضمان هو انت مقرتش الضمان ولا إيه .

بصراحه أغلب التوكيلات اليومين دول حاجه تقرف

رد: حاجه تقرف
 

حسبي الله ونعم الوكيل
ويطلعلك جماعة من التوكيل ويقولو ان اسعار قطع الغيار رخيصة ومناسبة
ربنا يكفينا شر التوكيلات

رد: حاجه تقرف
 

قلبى عندك يا دكتور كمال
ربنا يعينك
حاجة تعب بجد وعدم احترام لأدمية الانسان

رد: حاجه تقرف
 

اة والله حاجة تقرف بجد :019F3B~14:

رد: حاجه تقرف
 

رد: حاجه تقرف
 

حسبي الله ونعم الوكيل

ان شاء الله يجى يومهم

زى ما كل الظلمة بيقعوا

رد: حاجه تقرف
 

كلامك ميه ميه والله العظيم يعنى انا دافع مبلغ محترم فى عربيه وممكن الاقى فيها عيب والشركه او التوكيل كسبان ملايين قد كده لا ويطلعوك انت اللى غلطان ويشككوا الواحد فى نفسه
بصراحه انا كنت ناوى اجيب اللوجان علشان الناس بتشكر فيها وفى توكيلها بس انا دلوقت قلقان قوى لان ساعات اسمع مشكله يقولك الثروتل ومش عارف ايه والتوكيل معندوش ايه دلوقت
والله انا من الاسماعيليه وماعنديش استعداد اروح كل اسبوع القاهرة وبفكر جديا فى اللانوس ولا الفيرنا او الاسبيرانزا 516 اهى على الاقل لو فكرت اصلحها هلاقى قطع غيارها عند عم عبده البقال اللى جنبنا ولو فكرت اصلحها بعشر مصاريف التوكيل وعلى الاقل هاضمن ان مفيش حد ممكن يسرقنى فى التوكيل لانى شايف القطعه وهيه بتركب وهختار الميكانيكى اللى على مزاجى

وانا والله ساعات بحس ان التوكيلات دى معموله للناس القليطه (مع احترامى) واللى معاها فلوس ومش لاقيه توديها فين واصحاب التوكيلات بيحبوا النوعيه دى لان دول هما اللى بينفعوهم وبيدفعوا من غير ما يفتحوا بقهم:CONGRA~238: