|
افضل سيارة مستعملة فى حدود 45 الي 50 الف
الإخوةالأعزاء ارجوا المساعدة في اختيار سيارة مستعملة في حدود 45 الي 50 الف جنية ولكي أكن اكثر وضوحا في احتياجاتي 1. عملي قريب من منزلي في حدود 10 كيلومتر منها حوالي 3 كيلومتر غير ممهدة 2. ـأنا غير متزوج ولكن أتمني قريبا أن أتزوج 3. أريد استخدامها للسفر الي القاهرة متوسط مرتين بالشهر مع ثلاثة أفراد غيري 4. أن تكون السيارة موفرة في البنزين خاصة مع أنباء زيادة أسعار البنزين 5. خبرتي في القيادة قليلة حديث التعلم |
رد: افضل سيارة مستعملة فى حدود 45 الي 50 الف
لو طريقك زحمه وانت لسه في بداية السواقة .. نصحتى جيب عربية على اد حلها جرب فيها الأول
والمبلغ ده في الحديث ممكن يجبلك لوجان عيبها هو ان قطع غيرها اغلى شوية من باقي العربيات في نفس الفئة ولكن ميزتها عفشتها كويسه في الطريق غير الممهد انا معايا نوبيرا ... عيبها في الطرق غير الممهده بتبهدل العفشة وأستهلاك البنزين في الزحمه عالى. الفيرنا سيئة جداً بسبب أنخفاضها على الأرض وضيق صالونها |
رد: افضل سيارة مستعملة فى حدود 45 الي 50 الف
شكرا لحضرتك على الرد
على شان كدا كنت عاوز عربية مرشوشة من الخارج يعني لو رشتها مرة تانية مش هاتكون مشكلة |
رد: افضل سيارة مستعملة فى حدود 45 الي 50 الف
السلام عليكم مادام لسه هتتعلم و الطريق غير ممهد وعايز قطع غيار رخيصه اشتري هيونداي اكسيل او اكسنت والله المستعان |
رد: افضل سيارة مستعملة فى حدود 45 الي 50 الف
هات لانسر كرستاله هتكون بال 50 حاله ممتازة وتنساها وتسافر بيها براحتك:Bravo:
|
رد: افضل سيارة مستعملة فى حدود 45 الي 50 الف
انا من راى انك تجيب حاجة للعمر
بدل ما تجيب حاجة تتعلم بيها هتخسر وانت بتجيبها وهتخسر وانت بترخصها وهتخسر وانت بتبيعها والمبلغ الى انت بتقول علية مبلغ جميل جدا يجيبلك حاجات كتير على قد متطلباتك ذى اللانسر كريستالة 1300 دايو لانوس 1 شفرولية افيو ممكن تنزل ل 50 فيرنا اكسنت |
رد: افضل سيارة مستعملة فى حدود 45 الي 50 الف
انا بخاف شواية من الموديلات القديمة 99 مثلا الكرستالة ولانوس 1 سعرها مبالغ فيه جدا وحاسس انها هاتعمل ذي البيجوا 504 و505 فى فترة كدا الناس كانت بتبيعها ب 55 الف و 60 الف لكن سعرها نزل بعد كدا بعد انتشار السيارات الصيني بشكل كبير واصبحت 20 الف ودي خسارة كبيرة جدا فى عربية مستعملة |
| الساعة الآن 05:36 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017