|
مشكله غريبه فى عربيتى الفيرنا
ياجماعه بعد اذنكم حد يقولى المشكله فى ايه علشان انا هتجنن عربيتى فيرنا فيفا 2010
بقالها معايا سنتين ونص هيا بتمشى بنزين وغاز المشكله بقى لما بغير الزيت عند بتاع الزيت وادور العربيه واجى ادوس بنزين العربيه بطلع دخان ابيض كتير من الشكمان وبعدها بدقيقه بيروح وده وقت غيار الزيت بس غير كده ماشيه معايا زى الفل وغيرت نوع الزيت كنت بحط موبيل وبقيت بحط شيل فى الاول كانت كويسه وبعدين برضه نفس المشكله مع العلم ان الزيت بينقص تقريبا ربع كيلو كل 1500 او 1700 مش عارف بقى الدخان ده بقى من ايه ؟؟ طقم شنبر ولا بوابة الانجكشن عاوزه تتنضف ولا جوان ولا ايه لو حد منكم عنده خلفيه عن الموضوع ياريت يقولى اعمل ايه على العلم برضه انها مبطلعش دخان ابيض وانا ماشى وولما بدورها الصبح برضه عادى هوه بس وقت غيار الزيت حاجه غريبه |
رد: مشكله غريبه فى عربيتى الفيرنا
هل بتاع الزيت بيحط الجركن كله ولا بيحط كمية قد ايه
|
رد: مشكله غريبه فى عربيتى الفيرنا
لا بيحط 3 كيلو وربع
|
رد: مشكله غريبه فى عربيتى الفيرنا
لا كدة العربية بتاكل زيت خصوصا ان معدل نقص الزيت ربع كيلو كل 1500ك يعتبر عالى
طيب هل بتجيب دخنة من فوق يعنى فايظ الهوا بتاع الموتور لما تفكه وتكبس لها جامد بيعمل دخنة بيضاء |
رد: مشكله غريبه فى عربيتى الفيرنا
خفيف جداااااااااااا قصدك غطا الزيت ولا فايظ الهوا ايه بالظبط؟؟
|
رد: مشكله غريبه فى عربيتى الفيرنا
ولو حتى بتاكل زيت اشمعنه لما بغير الزيت بس بتعمل كده وعلطول كويسه ؟؟ نفسى اعرف السبب
|
رد: مشكله غريبه فى عربيتى الفيرنا
اقتباس:
ممكن يكون كاوتش الصباب عندك نشف فبيخلى الزيت يدخل وقت التغيير لغرفة الحريق من فوق ولما تيجى تدور يتحرق شوية الزيت اللى دخلو ويعملوا الدخنة البيضا دى ولما ينتهى الموضوع ما تطلعش دخنة تانى لو ده التفسير الصح يبقى هتحتاج تغير جلد الصباب وطقم الشنبر بالمرة |
| الساعة الآن 03:39 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017