بلية الدبرياج
 

عربيتي 128 1300 .. 2007 غيرت طقم الدبرياج من حوالي 5 شهور .. اللأسطوانة والديسك والبلية .. ودلوقتي البلية تلفت وصوتها مزعج .. هل أغير طقم الدبرياج كله تاني ؟؟ ولا أغير البلية بس .. مع العلم أن العربية سحبها ومشيها وطالعتها زي الفل ..

رد: بلية الدبرياج
 

غير البليه في اقررب وقت عشان حتبوظلك الدسك والاسطوانه طالما بدات تطلع صوت

رد: بلية الدبرياج
 

ممكن تغير البلية فقط بس فى أسرع وقت

رد: بلية الدبرياج
 

زى ما قال الاخوة الكرام ممكن تغيير البلية فقط
لكن اية الاعراض اللى عندك عشان موضوع البلية دة فية لبس مع ناس كتير !!!!!!!!!

رد: بلية الدبرياج
 

الأعراض عبارة عن صوت كركرة مزعج والعربية ممورة ولو دوست دبرياج الصوت بيروح كل ده وهي على المور ... روحت للميكانيكي قالي دي بلية دبرياج عايزة تتغير .. بس انا كنت مغير طقم الدبرياج كله من 4 او 5 شهور لكن العربية مش عاملة أي حاجة غير صوت الكركرة ده

رد: بلية الدبرياج
 

معلش لازم تغيرها تانى لان البلى اللى فى السوق معظمه مضروب
اشتريها من واحد اسمه الكيلانى فى شارع شامبليون قريب من كشرى ابو طارق حاجته مضمونة

رد: بلية الدبرياج
 

بالنسبة لوصف حضرتك للعطل بلية الدبرياج سليمة لان تلف بلية الدبرياج يعطى صوت عند الضغط على بدال الدبرياج وليس عند ترك البدال واعتقد ان العيب لديك اما ببلية الفولان (الحدافة) او بلية عامود الدرك بالفتيس او ان زيت الفتيس يحتاج للتغيير او مستوى الزيت ناقص بالفتيس