|
استفسار هااااااااااااام افيدونا يا اهل الخبرة افادكم الله .. ارجو سرعة الرد
يا جماعة انا دلوقتي ادامي تويوتا ياريس 2008 كاملة اوتوماتيك فبريكا بره وجوه صيانة كاملة في التوكيل كل ستة اشهر وعاملة 180 الف كم علي طرق سريعة مش في زحمة البلد واستعمال كويس جدا يعني تقريبا العربية شكلها لسه جديد مش متبهدلة وصوت الموتور هادي جدا
انا عندي سؤاالين .. هل 180 الف دي كتير ولا عادي علي موتور ياباني زي التويوتا ؟!! العربية دي مطلوب فيها 73 الف .. كده كتير ولا كويس عليها ؟؟ |
رد: استفسار هااااااااااااام افيدونا يا اهل الخبرة افادكم الله .. ارجو سرعة الرد
هيا مفيش حاجة تكتر على تويوتا ياباشا. بس لو تعرف تعض مع صاحبها كمان في ٣٠٠٠ يبقى كويس بس سؤال هيا اتوماتيك بس كاملة ولا فاضيه يعني شبابيك كهربا ولا شبابيك اوكر الحاجة التانيه ايش عرف حضرتك انها كانت بتمشي على طرق طوالي القطه التالته هيا لونها ايه وحالتها من بره خبرها ايه. خربايش وتجاريح وكده ولا ايه النقطه الرابعه لو تشوف غيرها. لانها ماشية شوية زياده. يعني الطبيعي ل ٢٠٠٨ ان كبيرها تكون ماشي ١٠٠ الف كيلو بالكتير. بس شوف صحبها واتكي على موضوع الكيلومترات دي علشان تفاصل كويس فيها وقلك صاحبها اصلو طريق سفر قولوا سفر مش سفر العربية ماشية وشوفلي اخرها كام وبالتوفيق انشاء الله |
رد: استفسار هااااااااااااام افيدونا يا اهل الخبرة افادكم الله .. ارجو سرعة الرد
اولا شكرا جدا علي رد حضرتك واهتمامك
ثانيا العربية اوتوماتيك وجميع الكماليات اربع شبابيك كهرباء مرايات كهرباء وفرامل ABS ثالثا انا عارف الاخ اللي هاخدها منه وعارف شغله فين وهو ساكن فين وعارف خط سير العربية يعني رابعا بقي العربية لونها فيراني غامق وحالتها كويسة عشرة علي عشرة بجد لانه محافظ عليها جدا خامسا العربية عجباني جدا بس اكتر حاجة مقلقاني موضوع 180 الف ده ومش عارف كده الموتور جاب اخر ولا ايه بالظبط فنفسي حد يطمني من الناحية دي |
رد: استفسار هااااااااااااام افيدونا يا اهل الخبرة افادكم الله .. ارجو سرعة الرد
لا هو بيني وبينك حالت المتور بعد ما مشي بيها ١٨٠ الف. زي بالضبط حالت متور فيرنا زيرو او رينو لوجن زيروا ... بس في تويوتا مابتفرقش قوي. معاك لغايت ٢٥٠ الف كيلو وبعدين تبتدي تفتح بوقها العربية بالذات اذا صاحبها بيحافظ عليها وكويس اذا العربية كاملة اتوماتيك. وحالتها نظيفة يبقى سعرها ممتاز ومناسب ليها لان الفاضية اتوماتيك كانت بتتباع اياميها ب ٩٢. بس الكامله اتوماتيك كانت بتتباع في حدود ال ٩٩٠٠٠ لانها الفئه القبل الاخير الفل فل اوبشن فتوكل على الله اذا عجباك ونضيفه على كلامك |
رد: استفسار هااااااااااااام افيدونا يا اهل الخبرة افادكم الله .. ارجو سرعة الرد
ربنا يقدم اللي فيه الخير ومتشكر جدا
بس اخر سؤال معلش .. حضرتك معاك ياريس ؟!! ايه رايك في العربية دي بشكل عام ؟!! يعني زي الكورولا ولا اقل منها ؟ |
رد: استفسار هااااااااااااام افيدونا يا اهل الخبرة افادكم الله .. ارجو سرعة الرد
لا تحت امرك. حضرتك افتح متور كورولا وافتح متور يارس واحد. .... الفتيس واحد بس الفرق بينهم بسم الله مشاء الله اليارس اوسع في الركوبة عن الكورولا. بس في المقابل. خامات الكورولا في البدي احسن واحسن من اليارس غير كده هما واحد ... وقطع الغيار الكهربائية والميكانيكيه واحده بس الاكسسورات الخارجية تختلف. زي الفوانيس الشبكة البيبان الاكصدمات بتاعت الكورولة اسمك كده يعني بس كسواقه. واحد نفس احساسك هنا هو هنا بس تمتاز اليارس بالشبابية عن الكورولا بسم الله مشاء الله وتحياتي
|
رد: استفسار هااااااااااااام افيدونا يا اهل الخبرة افادكم الله .. ارجو سرعة الرد
اوعععععععععي تشتري يعني ايه 180 الف كم في 5 سنين كتييييييييير جدا
نصيحة لوجه الله متشتريش عربية عداد فوق 100 الف عشان متقعدش تغير كل شيء في العربية وانا عن نفسي مبشتريش عربية ازيد من 50الف في الياباني بلاش مرة تانية ارجوووووك في حاجة اسمها عمر افتراضي للعربية ( ماتور وفتيس وعفشة و.... ) من الاخر لو عربية كوري هتقعد معاك اقل من100 الف نقول 80 الف من غير ما تصلح لو استخدامك كويس بعد كده تفتح بقها ياباني 120 ل150 الف كم وبعدين تفتح بقها الماني من 150 ل200 الف كم ( علي فرض الاستخدام العادي ) فليه تشتري عربية تقرف نفسك بيها حاجة كمان اليارس قطع غيارها غاااااااالية شويتين ومش ثابتة والعداد يعمل الرقم ده لو العربية بتطلع ايجار وطبعا عربية ايجار يعني كل واحد وسواااااااااقته انا تعبت من الكلام بس قلتلك اللي خلصني ليه ضميري |
| الساعة الآن 11:16 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017