|
هشترى 128 ، ساعدونى من فضلكم
سلام عليكم
ازيكم ، يارب تكونو بخير انا هشترى عربية وكنت بفكر اجيبها قديمة ولا جديدة انا معايا فى حدود 50.000 انا لسه متعلم جديد بس لعيب برضو :soccer_372: فقلت اجيب 128 وابدء بيها (محتاج حد يقلى رايه فى النقطة دى ) فتقريبا كدا قررت هشترى 128 وعندى كام نقطة عاوز اسئل فيهم اولا اشتريها منين اروح سوق السيارات اللى فى مدينة نصر ...... ( اكتر من حد قالى انهم نصابين ) ؟ ولا من خلال موقع كونتكت كار ؟ ولا حد يقدر يقلى مصادر تانية ثانيا لازم اخد ميكانيكى وانا رايح ولا اخد ميكانيكى وسمكرى انا عاوز اشترى حاجة بحدود 15 الف --------- ثالثا عاوز حد يساعدنى ويقولى اعمل ايه بالظبط عشان ميضحكش عليا رابعا ازاى اعرف ان الرقم اللى ظاهر فى عداد الكيلوهات هو رقم صح مش مضروب او ملعوب فيه . مستنى رايكم ومساعدتكم ليا ......... شكرا |
رد: هشترى 128 ، ساعدونى من فضلكم
بص يا باشا رأيى الشخصى المصادر التانية اللى ممكن تفكر فيها شخص قريب لك شخص جارك ومعه 128 شخص قريب منك يمتلك سيارة ويعرف بعض الناس المحترمة اللى ممكن تسعى له فى شراء سيراة سليمة وبالسعر اللى حضرتك حطه السيراة ستكون من موديلات 1985 فما فوق الى أقصى تقدير 1989 وتكون بحالة ممتازة أهم حاجة تخد معاك سمكرى ده أهم حاجة الميكانيكى خده برده بس الأهم السمكرى ويكون معرفة أو تبع شخص حضرتك تعرفة علشان ميخدش منك وياخد من الناس اللى هيبيعو العربية فلوس ويقولك العربية تمام ويضحك عليك لأزم يكون معرفة أو شخص قد وجدته أثناء تحدثك معه أنو شخصية محترمة أو الناس قاللتك عنه أنو محترم وكويس ويخاف المولى عزوجل يوم لأقدر الله ويكون الموتور به مشكلة ومثلا محتاج عمرة تقدر تجيب موتور ثانى فى حدود 1000 أو 1500 جنية موتور إستيراد أما لو عايز موتور زيرو من شركة فيات بس تكون حالة السيارة فوق فوق الممتازة علشان تستحمل الموتور الزيرو الموتور سعرها من توكيل فيات 4500 جنية متشغلش حضرتك بعدد الكيلوهات لأن العربية أحتمال تكون مغيرة الطبلوة بالكامل ويكون العدد لسيارة أخرى ثانيا حضرتك هتشترى سيارة مستعملة ماشية بقالها أكثر من عشرين سنة الكلام ده لو حضرتك بتشترى سيارة من موديلات 2000 فما فوق لكن موديلات من 85 صعبة أوى الأ أذا كانت العربية حالة شاذة وصاحبها طالب مبلغ كبير جدا عن سعرها فى السوق الحالى وبعدين غرض حضرتك من أقتناء سيارة هل هى لك أم لعائلتك أم الأثنان معا أما غرض تشتغل بيها عايزها تسافر بيها أم داخل المدينة عايزها تتعلم عليها ولا حضرتك بتعرف تسوق وأرجو انى أكون قدرت أفيد حضرتك بشئ ولو قليل وأن شاء الله بقية الأخوة الأعضاء يفيدوك أكتر منى. أخوك محمد |
رد: هشترى 128 ، ساعدونى من فضلكم
نصيحتي
لو اول مرة تسوق اشتري مستعمل بلاش زيرو انا ببيع عربيتي ، وانا من حلوان لو قريب مني ممكن نتواصل |
رد: هشترى 128 ، ساعدونى من فضلكم
هات ماذدا 323 حسبة 20 الف جنية
هاتجبها هاتستحملك وهاتعمل كل حاجة وتيجى تبعها هاتتبع بـ 20 الف برضو ومش هاتحس بطقة العربية لو بطلت منك بالمختصر المفيد هاتستحمل التعليم والتخبيط ويمكن ما تبعهاش وتخليها |
رد: هشترى 128 ، ساعدونى من فضلكم
اقتباس:
كلامك تمام مشكور وياريت تقولى معلومات عن الموتور الزيرو 128 لانى اول مرة اسمع عن وجود موتور زيرو- انا محتاج كل المعلومات اللى عندك - فين بيتباع - العنوان - الشركة - التفاصيل - وياريت يكون موتور 6 غيار( 5 امامىمارشيليه) وشاكر جدا لمعلوماتك الطيبة |
رد: هشترى 128 ، ساعدونى من فضلكم
اقتباس:
بص يا باشا معرفتى عن الموتور الزيرو للفيات 128 جاء عن طريق مشاركة أحد الأشخاص بالموقع وكان بيسأل عن شراء موتور أستيراد لسيارته فقال له أحد الأعضاء بان الموتور ممكن يجيبة من التوكيل بسعر 4500 جنية مصرى بس السعر ده يتضمن المحرك بس يعنى من غير أسبراتير ولا موبينة ولا أى حاجة من اللى بتشغل المحرك المحرك فقط لا غير. ثانيا : لو هتشترى الموتور ده لأزم تكون حالة السيارة اللى معاك فوق فوق الممتازة علشان الموتور الجديد هيكون عافى على البودى بتاع العربية وهتحتاج تعمل بارات تربط ما بين بطاحتين المساعدين اللى قدام من فوق وأن أمكن من تحت وكذلك من وراء جوه الشنطة لأن العيب المعروف والتى تشتهر به سيارات فيات القديمة هو فتح لعلب الشاسية الصاج ويحصل شروخات فى السيارة من الأمام لضعف علب الشاسية لذلك لو هتحط الموتور الزيرو بالسيارة لأزم تكون مشدودة على الصح وأحتمال تحتاج لبعض التقويات داخل غرفة المحرك كى يتحمل قوة المحرك الجديد أما لو ترغب بشراءة زيرو فـ أنا أعتقد أنو يوجد منها موديلات من 2006 وقد تجد بعض الصالات تبيعها حتى وقتنا هذا وهى سعرها لما نزلت زيرو من بضع سنوات كان سعرها 38000 الف جنية بيتهيالى نفس سعر الماروتى بس المويلات مش متأكد منها موديلات كام باقية الأخوة الأعضاء يفيدوك أكتر منى. وانا أسف لأنى معرفش لا عنوان - ولا تفاصيل ولا بيتباع فين بس حضرتك ديه حاجة أمرها سهل جدا هتقوم حضرتك بالأتصال بالدليل من على التليفون الأرضى وتسال اللى هيرد على حضرتك على عنوان وكيل شركة فيات فى مصر وهو هيديك الرقم أو يتصلك بيهم وتعرف منهم كل حاجة حضرتك عايز تعرفها وأن كانت ما تزال سيارات 128 لديهم وتباع بالمعارض ولا لا وأسعارها أية وكل ما تريد معرفتة. ملحوظة : علشان تبقى عارف مش فيات 128 هى اللى أعادو أنتاجها ده كمان لادا نيفا تما أنتاج منها موديلات حديثة وجديدة بنفس الشكل القديم بس بكمالايات يعن النيفا القديمة كانت 1600 سى.سى الجديدة 1700 سى.سى وزجاج كهرباء - وباور وأختلاف طفيف فى شكل السيارة من الخارج مزودة بجنوط ألمنيوم ودفندارت وتكييف وعتب زى بتاع العربيات الجيب وفتيس غرز وحاجات تانية كتير. وأرجو أنى أكون قدرت أفيد حضرتك ولو بالقليل. أخوك محمد :120105~352::120105~352:: 120105~352: :120105~352::120105~352: :120105~352: |
| الساعة الآن 04:52 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017