نسب الاعاقة المطلوبة للحصول على سيارة معاقين
 

السلام عليكم
انا عندي استفسار اكون شاكر جدا لو لقيت جواب محدد ونصيحة من حد فاهم كويس
انا محامي ومن محافظة بعيد جدا عن القاهرة
وعندي اعاقة في دراعي الشمال نتيجة كسر وعملية بس هي مش واضحة اوي
هي عبارة عن اعوجاج بسيط في الزراع الايسر مع تغير حركاتة
يعني ما بيترفعش فوق اوي وما بيتفردش اوي يعني حركتة مبقتش طبيعية لانة بقي فيه ملخ في الاعصاب بس هو عامة شكلة العام مش ملفت للنظر الا لما باجي احركة
هل الحالة دي تستحق سيارة ولا ما احاولش واوفر فلوس ومجهود ومشوار وفي الاخر اكون مش مستحق ارجو رد من حد بيكون بيعرف نسب الاعاقة المطلوبة وهيكون ليه جزيل الشكر لانه هيكون اما رحمني من مشوار كبير او طمني اني اتحمل واقدم وانا قلبي جامد وشكررررررررا

رد: عااااااااااجل جداااااااا
 

رأيي إن اللي يفيدك أكتر في الموضوع ده هو القومسيون الطبي و اللجنه الطبيه لأنه بيحدد نسبة الإعاقه بنسبه مئويه و بناءً على النسبه المئويه دي تقدر تحدد الشريحة اللي تتبع ليها و هل تستحق سيارة معاق أم لا

رد: عااااااااااجل جداااااااا
 

حالة حضرتك من الحالات التى تحتمل الرفض أكثر من الموافقة وهذا يتوقف على حسب حالة الزراع والقدرة على إستخدامة. لان إعاقة الزراع الأيسر لا يستحق سيارة لعدم إستطاعته الإمساك بالدريكسيون وفى نفس الوقت أستعمال الفتيس. لهذا ترفض الحالات التى يكون الإعاقة فيها للزراع اليسرى شديدة تمنعه من إستخدامة.و مع هذا فإن الكوميسون الامور بتكون حسب التساهيل يعنى ممكن واحد يعدى وواحد لا حسب الدكتور اللى بيكشف. ولكن بجد اعتقد انك مش هتخسر حاجة كبيرة قوى لو قدمت يا صابت يا خابت حتى ولو كان الرفض هو الغالب

لو حضرتك مش قدمت هتفضل تقول يا ريت كنت قدمت ويمكن كنت عديت من الكشف...

رد: عااااااااااجل جداااااااا
 

انا شاكر جدا للاهتمام والرد بس في نقطة عايز اوزضحها
دراعي ما بيعوقنيش نهائي في القيادة انا بسوق كويس جدا ومعايا رخصة كمان
وبستخدمة كانة طبيعي جدا

رد: عااااااااااجل جداااااااا
 

ايوه مانت لو قولت كده او نتيجة القومسيون اثبتت كده مش هيتوافقلك

علشان كده سام بيقولك تحتمل الرفض اكتر

رد: عااااااااااجل جداااااااا
 

الكومسيون يستلزم درجة إعاقة لا تقل عن 35% وكذلك حالات الاعاقة الشديدة ترفض لعدم إستطاعة القيادة حتى ولو بجهاز فى السيارة. الدكتور بيكون بالخبرة يقدر يحدد نسبة الإعاقة وبالتالى يمنح ويمنع على حسب رؤيتة للحالات التى لا يكون عندة قرار بها. يعنى جميع حالات البتر وشلل الأطفال بيستحق المتقدم سيارة بمجرد التأكد من وجود البتر أو شلل الاطفال ولكن برضوا الدكتور ساعات بيوافق لناس بناء على الحالة التى ليس عنده قرار بها من وزارة الصحة.

حالة حضرتك من الإعاقات الخفيفة ومع هذا قد يرى طبيب الكومسيون انه من حقك سيارة. بمعنى اخر ان هناك امل ضعيف فى ان يوافق الكومسيون ولهذا قلت لك قدم برضوا ومش هتخسر حاجة.. لان الامور كلها حسب التساهيل.....والله الموفق

رد: نسب الاعاقة المطلوبة للحصول على سيارة معاقين
 

- الامر يستحق التجربة فالتقديم للمستعجل 300 جنية فى خلال اسبوع او اقل
- والعادى نصف السعر السابق تقريبا وهو فى حدود شهر او يمكن ان يطول
- خذ معك كل الاشعة والتقارير وياريت تقرير من مستشفى عام وسهل تظبطة
- وفى اللجنة انت وشطارتك تقنعهم
- يعنى اثنين عندهم عجز بالقدم ( قصة حقيقية ) والدكتور طلب منهم رفع الاجل المصابة لاعلى
- واحد قلة صعب مقدرش وسمحوا لة بعربية والثانى رفع رجلية كسر الاباجورة تفتكر دة ياخد عربية؟!!!!