|
فائدة تسخين السياره
س: ما فائدة تسخين السياره قبل المسير وهل يجب علينا ان نسخنها في جميع الفصول حتى الصيف ؟؟؟ ج: سواء كان في الشتاء او في الصيف وحتى الخريف بل والربيع لابد لك من تسخين المحرك فائدة تسخين السيارة كما يلي :- اولا : تعلم ان الزيت في المحرك قبل التشغيل يكون باردا ، وكفاءة الزيت تزداد كلما تعرض للحرارة لان هناك جزيئات في الزيت تزداد فعاليتها وتكون قادرة على منح الزيت اللزوجة الكافية لتقليل احتكاك قوالب الحديد الموجودة داخل المحرك من بساتم وحلقات وتروس وغيرها وكلما زادت الحرارة كلما زادت فعالية الزيت اذا كان جيدا طبعا..... لذلك ترى ان السيارات الجديدة يكون مؤشر الحرارة في المنتصف حتى يحافظوا على المحرك فترة اطول باذن الله ثانيا : لابد من تجهيز المحرك للعمل الشاق وذلك بتسخينه بعض الوقت حتى تسمح للمعدن داخل المحرك بوجود الزيت بالتمدد حتى تجنبه التاكل وبالتالي حصول فراغات في الحلقات تسمح للزيت بالدخول الى غرفة الاحتراق وبالتالي ظهور الدخان الذي يخرج من العادم او ما يسمى البوش لانه يكون كما تعلم في حالة انكماش عندما يكون باردا |
رد: فائدة تسخين السياره
طبعا معلوماتك كلها مفيده زي ماعودتنا في موضوعاتك يا "مهند" باشا
بس عاوز أضيف حاجه مهمه وهي أنه لا يجب أن تطول فترة التسخين أكثر من اللازم وتكفي دقيقة على الأكثر شتاءً ونصف دقيقة صيفاً ويكفي أن تتابع موضوعات "مهند" لكي تحافظ على سيارتك أفضل محافظة http://www7.0zz0.com/2008/06/18/17/722457454.gif |
رد: فائدة تسخين السياره
انا عن نفسى بسخن العربيه لحد درجة الحرارة ماتوصل 50 درجة مائوية ومش بحب اقرص عليها فى التسخين يعنى بسيها براحتها من 5 الى 10 Rpm
|
رد: فائدة تسخين السياره
التسخين زي ما قال بايو و لغاية الحرارة ما توصل حوالي سبعين لا يزيد الـ Rpm عن 3000
و ده فقط للعربيات الانجكشن ما عدا ذلك (الأقدم) يسري عليه كلام مهند |
رد: فائدة تسخين السياره
فيه حاجة كمان ان التسخين علىالواقف مش بيوصل الزيت لكل حتة فى الموتور فينصح بعد تسخين السيارة السير على سرعات (لفات موتور) قليلة حتى يكتمل التسخين
وتسلم ايدك يا مهند على الشرح المبسط الوافى ده |
رد: فائدة تسخين السياره
اقتباس:
لاني أنا بصراحة بشوف ناس وهي بتسخن تقعد تعملك عنننننننننننننننن عععععععععنننننننننننننن ععععععععععععععععععننننننن ننننننننننننننن لحد ما المنطقة لكها تعرف أن فلان بيسخن عربيته http://www3.0zz0.com/2008/06/22/13/485863789.gif |
رد: فائدة تسخين السياره
مكتوب عندى فى كتالوج الواجا " ابد القياده بأسرع مايمكن " يعنى دور وامشى على طول .. انا فعلا بدور العربيه وبربط الحزام واحط الموبايل وامشى " يعنى بعد ما بدور بستنى حوالى 10 ثوانى تقريبا .... بمشى على الاول و التانى لمده 3 دقايق " بحكم انى ساكن فى اكتوبر و الطريق الفرعى الى انا ساكن فيه مش ممهد " وبعد كده لما بطلع على الطريق الرئيسى عدد لفات الموتور مش بزوده عن 2500 لفه فى الدقيقه لمده 5 دقايق ... وقبل الفتره ديه بيكون الموتور سخن ووصل لدرجه الحراره المناسبه .
بس فى ال131 فعلا بستنى حوالى دقيق للتسخين " حتى الفتيس بيكون ناشف شويه والعربيه بارده " وبرده بعد كده بمشى بالعربيه بالراحه خالص لمده10 دقائق . |
| الساعة الآن 02:40 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017