توفير حوالي 600 ج في صيانة البيرسونا 60000 كم موديل 2009
 

حان وقت الصيانة ......<?xml:namespace prefix = o ns = "urn:schemas-microsoft-com:office:office" /><o:p></o:p>
طبعاً كلنا بنشتكي من التوكيل الرهيب عز العرب في الصيانة خصوصاً للبروتون - انا اتصلت بعز العرب علشان احجز لصيانة ال 60 الف كم للبيرسونا و اعرف تكلفتها كام و كمان ايه الحاجات اللي هتتغير فيها.<o:p></o:p>
وكان معايا جدول نازل من عز العرب فيه الصيانة طبعاً كلنا عارفينة كانت الصيانة هتتكلف 1836 ج<o:p></o:p>
ولما اتصلت بالتوكيل قالولي منعرفش الصيانة هتتكلف كام بس خد رقم الموبايل ده اتصل علية بكرة لان الانسة اللي معاها الرقم دة اجازة النهاردة - طبعاً و لاكأنك بتتعامل مع كشك ام محمد - المهم اتصلت بيها وردت عليه وقالتلي تقريباً يا هتكون around 2000 جم طبعا موضحتش ايه الحاجات اللي هتتعمل فيها ( الكلام دة كان يوم اربعاء ) قولتلها طيب احجزيلي يوم السبت اللي جاي قالتلي لا مش هينفع اول يوم فاضي هو السبت اللي بعده ، قولتلها شكراً و قفلت التليفون طبعا لآني كنت محتاج اخلص العربية علشان اسافر.<o:p></o:p>
كلمت مركز اوتو ماجد ---- قاللي الصيانة هتتكلف 2200 ج <o:p></o:p>
بصراحة انا خدت قرار و قلت طالما ان العربية برة الضمان يبقي خلاص الحاجات المهمة هعملها جوة التوكيل و الحاجات اللي مش مهمة هعملها برة<o:p></o:p>
و اليكم الحاجان اللي اتعملت جوة ( مركز عز العجوزة كلمتهم في نفس اليوم الاربعاء و حجزت ليوم السبت الساعة 9 صباحاً )<o:p></o:p>
ورحت في الموعد المحدد و تم استلام العربية الساعة 9.30 ص <o:p></o:p>
المهم انا غيرت عندهم الاتي :<o:p></o:p>
1. فلتر بنزين<o:p></o:p>
2. سير كاتينة.<o:p></o:p>
3. بلية كاتينة.<o:p></o:p>
4. سير الادارة ( دينامو - تكييف )<o:p></o:p>
5. تربيط العفشة ( فوق البيعة )<o:p></o:p>
وكانت تكلفتهم : 1300 جم<o:p></o:p>
- وبالنسبة لقطع الغيار اللي برة هي :-<o:p></o:p>
1. غيار زيت توتال 5000 كم في بنزينة توتال ( هو هو نفس الزيت اللي فالتوكيل ) <o:p></o:p>
2. فلتر الزيت<o:p></o:p>
3. طقم بوجيهات NGK ياباني ( زي اللي مفكوك من العربية بالظبط واللي متغير في صيانة 40 الف كم - واحد شمعة ).<o:p></o:p>
4. فلتر هواء.<o:p></o:p>
وكانت تكلفتهم : بالمصنعيات 260 ج<o:p></o:p>
<o:p></o:p>
إجمالي المدفوع = 1300 + 260 = 1560 جم
اتمني مكنش طولت عليكم ولكني حبيت اشارك فالمنتدي الرائع ده <o:p></o:p>
<o:p></o:p>
تقبلوا تحياتي ،،،،،<o:p></o:p>
<o:p></o:p>
<o:p> :Wkiss5:</o:p>
<o:p></o:p>

رد: توفير حوالي 600 ج في صيانة البيرسونا 60000 كم موديل 2009
 

رد: توفير حوالي 600 ج في صيانة البيرسونا 60000 كم موديل 2009
 

السلام عليكم accountant85

جزاك الله خيرًا على التقرير، وعقبال صيانة 500000 كم إن شاء الله.

كنت عايز استفسر مع حضرتك العربية عامل إيه معاك عمومًا، وهل فيها مشاكل تقفيل موجودة فيها، حضرتك متعايش معها إلى الآن، والعفشة بتاعته ناشفة جدًا كما يُشاع، أم عادي يعني، وقطع الغيار متوافرة، أم تجد صعوبة في الحصول عليها؟

شكرًا على الإفادة

رد: توفير حوالي 600 ج في صيانة البيرسونا 60000 كم موديل 2009
 

:fun_36_3_11[1]: مشكور عل نقل التجربة

رد: توفير حوالي 600 ج في صيانة البيرسونا 60000 كم موديل 2009
 

:12C186~161::12C186~161:: 12C186~161::12C186~161:

رد: توفير حوالي 600 ج في صيانة البيرسونا 60000 كم موديل 2009
 

ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــ
الاستاذ / محمد ،،، بعد التحية
انا عايز اقولك ان العربية دي بصراحة جميلة جداً كثبات علي الطريق ومع السرعات انا الحمد لله كان معايا كذا نوع عربية قبلها زي سيات ابيزا و فيات سيينا و كيا شوما و تويوتا يارس و واحد قريبي معاة باسات و سافرت بيها
بصراحة ان حسيت ان البيرسونا كثبات اقرب للالماني - طبعاً مش زييه بس هو اقرب حاجة ليه
كمان العربية وزنها تقيل و ده اللي مخليها ثابته
و بالنسبة لسحب العربية هو معقول بالنسبة للوزن بس مع الكيك داون ( للاوتوماتيك طبعاً ) العربية بيكون ادائها عالي جداً
و اداء اعلي علي الطريق
والعفشة بتاعة العربية ناشفة فعلاً بس مش للدرجة اللي انت متخيلها - بمعني ان حضرتك لو ركبت ابيزا مثلاً هتلاقيها نفس الدرجة
وكمان زي الاسكودا - تقريباً نفس التقنية المستخدمة وانا شخصيا وانا راكب العربية مش بحس ان المطبات مميتة بالعكس بحس ان المساعد بياخد كل الصدمة عكس اي عربية تانية.
اما قطع الغيار فانا الحمد لله ربنا موفقني و لقيت واحد فالجيزة عنده كل حاجة و كمان في فشارع دمشق -
و عيوب التقفيل دي موجودة فكل العربيات اللي في نفس حدود السعر دة
وكلها حاجات بسيطة سهلة تتعمل و انت مش هتلاقيعا الا بعد فترة مش اقل من 3 سنين.
اهم حاجة ان العربية تكون فيها اداء محترم و كمان امان اللي احنا متكلمناش عنه خالص يعني مثلاً البرسونا فيها ABS و Airbag و كمان توزيع الكتروني للفرامل
وسعرها 96000 جم في حين ان الاكسنت rb فاضية وتقريباً ب 104 الف
و طبعاً دة كلة استغلال للعقلية المصرية اللي هي مش بتفكر غير فالشكل و الجري ( مش مهم العربية تتقلب بس بتجري )
وسعر قطع الغيار تقريباً واحد مش بيفرق غير فالحاجات الاساسية
تيل فرامل البرسونا برة التوكيل 130 امامي و 150 خلفي
سير الكاتينة 150 ج
سير ادارة 90 ج تقريباً
فلتر هواء 60 ج
فلتر زيت 20 ج
طقم بوجيهات ngk ب 50 ج
كالتيرة رفرف ( يمين او شمال ) 100ج
شبكة امامية نيكل 200 ج
علامة بروتون ( جنط ) 15 ج

يعني انا مش شايف ان في كارثة فالاسعار دي
ولا انت ايه رأيك

ولو اي استفسار انا تحت امرك

تحياتي ،،،، احمد سعد

:CHUBBY~36::CHUBBY~36:سوق سوقسوقسوق

رد: توفير حوالي 600 ج في صيانة البيرسونا 60000 كم موديل 2009
 

السلام عليكم أستاذ/ أحمد سعد

جزاك الله خيرًا على الرد الوافي، والجواب الكافي،
بس ائذن لي في كم استفسار آخرين:

- ما هو مدى اعتمادية العربية (Reliability)، العربية كموتور وفيتيس وعفشة تمام بغض النظر عن مشاكل التقفيل البسيطة؟
- هل قطع الغيار معمرة، هل في مستوى الكوري مثلاً من حيث طول مدة الخدمة، أم أفضل؟
- ما هو معدل استهلاك البنزين، هل هو في المستوى المعقول، أم سفاحة بنزين؟

بُوركت على الرد مقدمًا، وأرجو ألا أكون مُثقل عليك بكثرة التساؤلات.

محمد حسني