مصر موتورز مجتمع السيارات - حاجة غريبة لقيتها في أغلب الناس في مصر

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - حاجة غريبة لقيتها في أغلب الناس في مصر (https://www.masrmotors.com/vb/showthread.php?t=97143)

حاجة غريبة لقيتها في أغلب الناس في مصر

حاجة غريبة لقيتها في أغلب الناس في مصر
لو واحد قرر مثلا يشتري عربية صني و عجبته لأي سبب بقى ( سعرها - شكلها - والده قالله مفيش غيرها أو أمه أخته أخوه صحابه أقنعوه بيها )
يفضل يقنع في نفسه و يقنع في نفسه و يجيب فيديوهات و مواضيع و يفرح جدا بالعربية و يرد على كل حاجة:THUMBS~220: و يقنع أمة لا إله إلا الله بيها
و يا سلااااااام بقى لو العربية عدت من قدامه في الشارع يفضل باصص عليها ولا كأنها الحب الاولاني:018A1D~146:
و يتفحصهها يعينه ولا كأنه أجدع ميكانيكي

وفجأة مثلا ربنا فتحها عليه و لقى معاه ميزانية أعلى و لقى نفسه ممكن يجي فلوانس مثلا أو العكس الفلوس قلت معاه
يقوم بقى يطلع العيوب و القطط الفطسانة في العربية و يكره نفسه في العربية عشان ما يزعلش نفسه
يقوم مكره الناس كلها في العربية:w6w20050411224734 61 و يسب و يشتم و ديه فيها و ديه فيها و عريية كذا و بنت كذا و بتعوم و مش ثابتة و يخلي المميزات عيوب و كل ده عشان مش هيجيبها فبيقنع نفسه إنه هيحط فلوسه في المكان الصح
انا بكتب الموضوع ده عشان يا جماعة نرقى شوية بتفكيرنا و نتعاون للأفضل
ومفيش عربية حلوة على الإطلاق حتى أعلى عربية
ومفيش عربية وحشة على الإطلاق حتى أقل سعر عربية
ويا ريت يا جماعة ما نسمعش كلمه (( لا لا العربية ديه وحشة ما تجيبهاش )) (( أو عربية جبارة و ميه ميه ))
لأن لكل واحد فينا تفكير ولكل واحد وجهة نظر و كل واحد ضمير
و شكرا

رد: حاجة غريبة لقيتها .....

حضرتك معاك حق ... فعلا زي ما حضرتك قلت مفيش عربية فيها كل المميزات و لا عربيه فيعا كل العيوب ....
لكن فيع عربيه مناسبة لي و لاستعمالي و سعرها مناسب لي

رد: حاجة غريبة لقيتها .....

الكمال لله وحده
مفيش اي عربية في العالم كاملة ومفيهاش عيب
لازم اي عربية في العالم يكون فيها عيب
علشان كدا الواحد لما يكون عايز يجيب عربية لما يكون مقتنع بيها يشتريها ولما يكون كاره عربية ميكرهش الناس فيها
لو عايز يكره او يحبب الناس ياريت يكون بسبب مقنع
بعد تجربة للعربية دي
مش يسمع ثلاثة اربعة بيتكلموا في العربية ويصدقهم :THUMBS~220:

رد: حاجة غريبة لقيتها في أغلب الناس في مصر

دايما بنقول مفيش عربيه افضل او اسواء على الاطلاق انما فيه عربيه مناسبه لظروف واحتياجات واولويات كل شخص فينا
وبالتالى ممكن عربيه تبقى الافضل على الاطلاق لشخص والاسواء على الاطلاق لشخص تانى

رد: حاجة غريبة لقيتها في أغلب الناس في مصر

كلام تمااام .,. فلولا اختلاف الاذواق لبارت السلع ...
:01FDAB~189:

رد: حاجة غريبة لقيتها في أغلب الناس في مصر

فعلا حضرتك عندك حق كانك بتحلل نفسيه معظم الشعب المصرى دلوقتى
الناس ناقصها الموضوعيه والحياد
واهم حاجه عدم الفتى الا عن علم