استفسار بخصوص الجير بوكس الأتوماتيك للفيرنا2004
 

ياريت لو تساعدوني ، انا جبت هيونداي فيرنا2004 اتوماتيك مستعمله وكنت عايز اغير زيت الجير بوكس لأنى حاسس النقلات بتأخر هي ماشيه 79000 كلم فكنت عايز اعرف كمية الزيت وافضل نوع وهل اغير الفلتر ولا لا .

تانى حاجه هو ازاي اقيس الطريقه الصحيحه لقياس منسوب زيت الجير بوكس لأنى لما حاولت اقيس لقيت كلمة ساخن وبارد على القياس ولما بسأل حد كل واحد بيقول كلام غير التانى ياريت تساعدونى بأرائكم وتجاربكم

رد: استفسار بخصوص الجير بوكس الأتوماتيك للفيرنا2004
 

تغير زيت الجيربوكس والفلتر مع بعض سوف يؤدى الى تحسن حال الجير بوكس
بعد ذلك سجل الكيلومتر وعليك بالقياس كل 5000كم من اجل الاطمئنان
الكلمتان سخن وبارد تعنى انه يمكن القياس والسيارة باردة وإذا وصل الزيت لكلمة بارد يصبح الوضع جيد والعكس عند القياس والسيارة ساخنه

رد: استفسار بخصوص الجير بوكس الأتوماتيك للفيرنا2004
 

صح كده ان شاء الله

رد: استفسار بخصوص الجير بوكس الأتوماتيك للفيرنا2004
 

نوع الزيت
mobil atfوده خاص بالهيدروماتيك فقط

اللزوجه بتاعه 55

ان شاء الله يظبط معاك

وهى بتاخد قزازتين ونص يعنى اتيني ونص لتر

رد: استفسار بخصوص الجير بوكس الأتوماتيك للفيرنا2004
 

طيب حضرتك الأتنين ونص لتر دول حتى لو غيرت الفلتر ولا الكميه حتزيد لو غيرت الفلتر مستنى ردكم ومتشكر جدا للأهتمام

رد: استفسار بخصوص الجير بوكس الأتوماتيك للفيرنا2004
 

لا معلومه بالفتر او مش بالفلتر معرفهاش بصراحه لان انا عربيتى الفيرنا منوال

رد: استفسار بخصوص الجير بوكس الأتوماتيك للفيرنا2004
 

لا موضوع الفلتر دا كدة كدة لازم يتغير وإنتا لما هتفك كارتيرة زيت الجير هتعرف إنتا لازم تغيره ليه.
هتلاقيه لونه إسود بشكل بشع ولامم برادة حديد كإنه في مخرطة وكمان إنتا هتفك الكارتير وهتقف في الورشة طيب ماتغيره بالمرة وإنشاء الله مش هيكون غالي.
بس نصيحة غير الزيت والعربية باردة أحسن للجير بوكس ولما تفضي الزيت لو العربية كانت دافية شوية يفضل إنك تكون محضر الزيت التاني جنبك وتقفل وتملى على طول علشان ماتسيبشي الجير سخن من غير زيت.
ياريت لو لقيت الجوان الي بيركب بين نصين الكارتيرة بتاعت الزيت إشتريه بالمرة لأني القديم بيبقى غالبا مهري وغالبا ما بيتفتفت وإنتا بتفك أو على لاأقل بيتقطع جزئين كل جزء في نحية من جزئين الكارتيرة.
الكمية بتختلف من عربية لعربية وأنا كنت عملت الشغلانة دي في جير هايونداي ماتركس أوتو زمان بس مش فاكر خالص هيا خدت قد إيه وهما كانوا شبه بعض قوي حتى أنا كنت مشتري نص الكارتيرة الي تحت (كانت خبطة) من جير بتاع فيرنا.
كمية الزيت بتختلف من صنايعي للتاني وحسب طريقة إفراغه للزيت القديم والمدة الي هتسيب العربية تصفي فيها الزيت وهل عنده مكنة بتشفط الزيت من قلب الجير ولا لأ وبيعتمد بس على التصفية.