استخدم بنزين 92 واللا 80 للاكسنت
 

السلام عليكم جميعا اهل المنتدى الكرام


استخدم بنزين 92 واللا 80 للاكسنت موديل 99 اتوماتيك انجكشن موتور 1500

انا استخدمت بنزين 80 قيمة كام شهر كده بس مفيش عزم للموتور خالص زى 92 وكمان بحس ان العربية بترعش كتير لدرجة انى فكرت ان فيه حاجة فى الموتور ورحت لميكانيكى قاللى عاوزة وش سلندر مع ان الموتور لسه استيراد ومتركب جديد

فاما حطيت بنزين 92 مرة لقيت 75 % من الرعشة راحت والموتور وانا على الطرق الزراعية بين القرى مبدوش بنزين كتير وكانت مريحانى فى السحب اوى

فقلت يمكن الرعشة من الموتور كانت بسبب البنزين

معلشى طولت عليكم امون بنزين ايه ؟

واللا اخلط تليتين 92 وتلت 80 وايه اضرار ال80 واستهلاك البنزين معدله كام للاكسنت 99 لو حدمعاه او يعرف لان بحس ان استهلاكها عالى

وهل فى ضبط معين لنوع البنزين فى الكهربا او الموتور ؟

رد: استخدم بنزين 92 واللا 80 للاكسنت
 

بالنسبه لنوع البنزين استخدم 92 لكن بالنسبه لاستهلاكها عالى ان شاء الله حد يفيدك

رد: استخدم بنزين 92 واللا 80 للاكسنت
 

بص بنزين 80 عامل زي المخدرات بيريحك ماديا لكن هيكلفك جدا جدا في الاخر لانه بيسبب اضرار ملهاش نهاية من اول البوجيهات والرشاشات مرورا بوش السلندر والموتور كله كمان
نصيحتي خليك في 92 انضف وافضل ومتوفر جدا الايام دي

رد: استخدم بنزين 92 واللا 80 للاكسنت
 

طيب استهلاك البنزين للاكسنت 99 جوه البلد كام وبره البلد كام حاسس ان استهلاكها عالى معدل كام كيلو لللصفيحة

رد: استخدم بنزين 92 واللا 80 للاكسنت
 

ممكن تشيك على البوجيهات :Bravo:

رد: استخدم بنزين 92 واللا 80 للاكسنت
 

البنزين 80 مدمر لكل اجزاء الموتور والاداء معه صفر
ال92 افضل
الحكم على اى سيارة داخل المدينة من ناحيه استهلاك البنزين حكم ظالم
الحكم السليم هو تفويل التنك ثم قطع مسافة محددة على طريق مفتوح ثم إعادة التفويل وحساب الاستهلاك
مثل ما اخبرك العضو الكريم :شريف عابدين :غير البوجيهات /وزيادة فلتر الهواء وفلتر البنزين وإظبط ضغط هواء الكاوتش كل هذة عوامل مؤثرة جداً فى إستهلاك البنزين

رد: استخدم بنزين 92 واللا 80 للاكسنت
 

علي النعمة انتحر ... عربية انجيشكين وتحط لها 80 ... جالك قلب ازاي .... دي مش بس تخسع لأ دي تفتح الباب و تقولك انزل خلينا اصحاب احسن :hehehe:

بص يا كبير ... ما دام ذكر الانجكشن ... يبقى ما تحطش اقل من 90 ... 80 دة للعربيات اللي بتفرقع في آخر السكة ... عارف يعني ايه الفرق بين مياه المجاري ... و المياه المقطرة ... هو دة الفرق بين 80 و 92 ...

انا سعيد انك سألتني السؤال دة ... انا هاشرحلك الموضوع بالتفصيل :

بنزين 80 : مش بيتحرق اساسا و بيضعف من عزم العربية و بيقلل القدرة الحصانية جدا ... زائد انه مليان شوائب و بيسد الرشاشات و بيتسبب ان البوجيهات بتضيع ( دة السبب لإستمرار الرعشة و التخسيع ) و بيسد فلتر البنزين و حالات اتسبب في عطل الطلمبة ... ميزته الوحيدة انه رخيص و بصريح العبارة هو عكس المثل الشعبي السائد خسارة قريبة و لا مكسب بعيد ... يعني هو مكسب قريب و خسارة قريبة برضوا .. لأنك اللي هتوفره هتصرف 5 اضعافه على صيانة العربية و قطع غيار

بنزين 92 : دة البنزين المثالي لأي عربية عشان تشتغل بكفاءة و تريح بالك على المدى الطويل عيبه الوحيد انه مكلف بسيط و ثباته مش عالي و بيطير بسرعة

بنزين 95 : دة كفيل انه يقلب عربيتك لعربية فيراري او لامبورجيني ... اقصى طاقة للعربية بتاعتك معروفة هو بيطلعها ... و في ألمانيا في بنزين 99 :1336:

و بالنسبة لموضوع التخليط ... فأحب اقول لك ... و لا كأنك عملت حاجة ... هتفضل زبالة الـ 80 موجودة :)

و ربنا يبارك لك فيها ... و يحفظها و يديك خيرها و يبعد عنك شرها ... و يجعلها سند ليك لا عليك

حكمة ( احترم الآلة تحترمك ... تفكر تهينها ... تهينك الصاع صاعين ):Bravo: