golf 1 vr6
 

السلام عليكم يا شباب انا لسة جديد في المنتدي الجميل ده و دي اول مشاركة ليا ومعلش هقرفكم بكام سؤال كدة انا ان شاء الله ناوي اشتري golf 1 عايز اعرف تعملها في حدود كام وعايز احطلها vr6 بالضفيرة والكنترول والفتيس والكلام ده وهل ال vr6 في منه انواع ولا لا ياريت تردوا عليا (شكراااااااااااااااا)

رد: golf 1 vr6
 

لا يجوز يا باشا ال vr6 ميسقطش في الجولف1

رد: golf 1 vr6
 

اولا شكرا علي ردك السريع يا mohamed ibiza وبالنسبة لموضوع ال vr6 انا شفت كليبات كتيرة اوي ل gollf 1 عليها vr6 حتي شوف http://www.youtube.com/watch?v=1bRnLfBJdi4
http://www.youtube.com/watch?v=iEt0LBMjs9g

رد: golf 1 vr6
 

ماشي يا باشا سقطه و قص في الشاسيه و انت بتسقطه بس متزعلش من العربية لما ترزع بيها مطب جامد علي سرعة و الشاسيه يشرخ !

رد: golf 1 vr6
 

يعنى هو كل الى حطينه شرخوا فى الشاسيه بتاع العربيه و بعدين اهم حاجة يركب و خلاص و انت قولتلى انه هو ما بيركبش وانا استغربت بصراحة ptmnlo123per144 وبعدين في حاجة اسمها slide bars بتخلي الشاسيه يستحمل اي حاجةhttp://1.1.1.2/bmi/www.masrmotors.co...cons/great.gif وعلي العموم الف الف شكر علي اهتمامك بموضوعي وبانتظار باقي الردود

رد: golf 1 vr6
 

يا باشا يا استاذنا هو مصر فيها golf rabbit فيها vr6 كل اللي مسقط المكنة دي مسقطها في جولف 2 او 3 و انت طالع !

غير كده برا يا استاذنا سهل جدا انهم يدعموا الشاسيه بالتيتانيوم مادة خفيفة و في نفس الوقت صلبة جدا لو عايز تتأكد من ده افتح اللينك اللي في توقيعي و اتفرج علي الجولف 4 ال 900 حصان و الشاسيه التيتانيوم اللي معمول علي الشاسيه الاصلي بتاعها عشان يستحمل الخرج ده كله

هتقدر تجيب تيتانيوم في مصر ؟؟!!

ثانيا يعني ايه المهم يسقط و خلاص ازاي يا باشا يسقط و خلاص كل عربية ليها قدرة معينة علي التحمل لو زادت عن حدها تتقلب لضدها الا لو زودت قدرتها علي التحمل فا تستحمل الزيادة اللي انت عاملها هديك مثال

دلوقتي مثلا انت معاك عربية موتورها 1600 سي سي تمام و لنفترض انها 102 حصان

عايز تعدلها و ترفع القدرة الحصانية هتعمل ايه و ميزانيتك مفتوحة..

الاول شوية رفايع صغيرة كده (فلتر هوا اسبور-بوجيهات و سلوك بوحيهات سبليت فاير-exhaust system sport-)

و تركب msd

و بعد كده نخش علي التقايل زي التربو هتجيب تربو و mega skirt و رشاشات سبور و تركب تمام كده و هتظبط ضغط التربو و ليكن 12 psi تمام كده

انت عايز ترفع الاداء زيادة عن كده و توصله و ليكن 18psi تفتكر موتورك ستوك من غير تعديل هيستحمل ده ؟؟ و لو استحمله يوم هيستحمله التاني؟؟

كده انت نفذت اللي في دماغك و قولت هرفع الضغط بتاع التربو و رفعته تمام زي ما انت عايز تسقط المكنة و خلاص و مش مهم العواقب

نتيجة رفع الضغط لدرجة عالية ان المكنة مش هتستحمل و هتضرب و هتتحول الي اشلاء

طب نعمل ايه عشان المكنة تستحمل هتعمل الاتي(بساتم و بيلات forged) يعني بساتم و بيلات مصنعة من مواد قوية جدا تتحمل الضغط العالي

حضرتك فهمت قصدي اللي انا عايز اوصلهولك ؟؟ اللي هو مفيش حاجة اسمها تسقط و خلاص لا كل حاجة لازم تبقي محسوبة قبل ما تعمل اي خطوة عايز تسقط سقط بس هتقص الشاسيه و انت بتسقط و انت اكيد عارف شوارع بلدك عامله ازاي الشاسيه هيبقي شايل اكتر من طاقته بالتالي هتحصل النتيجة اللي قلتلك عليها انا دخلتك في حته تانية بس ده مجرد مثال عشان تفهم قصدي و عموما المكنة دي تسقط في الجولف 2 و 3 و الابيزا 94 و بتبقي ممتازة و لو عايز vr6 انا ادامي واحد بعفشته كامله بفتيسه المانوال الاصلي بالقنطرة بالضفاير بالكنترولات بكله لو حبيت تشتريه قولي

رد: golf 1 vr6