عايز اشتري 131
 

يا جماعة انا عايز اشتري عربية 131 بس انا معنديش اي خبرة خالص في العربيات ولا بعرف حتى اسوق

لو سمحتوا انصحوووني ايه اللي المفروض اعمله عشان انا هنزل يوم الجمعة السوق ان شاء الله انا وواحد صاحبي ( مستني ردكوا بكل الخطوات اللي اعملها)

رد: عايز اشتري 131
 

لا انا رأيي الشخصي تسوق الاول ... و يحلها حلال :THUMBS~220:

بس لو هتنزل تشتري و النية خالصة لله ... يبقى عندك ال 131 الالماني دي روعة قوي و افضل ... بس بيني و بينك ال 131 عربية رائعة بكل المقاييس بس التركيز على الجوانب الميكانية و الجسم و الشاسيه و الدواخل بتاعت العربية و ترفع العربية و تشوفها قبل اما تشتري بصريح العبارة تفلي العربية و تجيب معاك واحد بررررررررررم 444546 يشوف العربية يقول اللي فيها و هو مغمض ... بمعنى اصح خبرة ... عشان انت ما تضمنش امانة اللي قدامك :)
و مبروك مقدما

رد: عايز اشتري 131
 

انا اساسا جايبها عشان اتعلم عليها وشعان تستحملني بس كنت عايز اسالك انت جربتها بنفسك ولا

وكنت عايز اعرف ايه نظام الشراء في السوق وكمان عايز اعرف الفرق بين التوكيل والعقد المسجل والعقد بدون امضائ مشتري والتوكيل اضمن ولا العقد

رد: عايز اشتري 131
 

صعب تلاقى 131 سليمة دلوقتى
ربنا يوفقك وتلاقى

رد: عايز اشتري 131
 

صعب الاقيها ليه ؟؟؟ ايه اللي ممكن يكون فيها ؟!!

وايه اكتر حاجة اخلي بالي منها وانا بشتريها

رد: عايز اشتري 131
 

كل اللى معاه حاجة كويسة عمره مابيفرط فيها وانا متأكد من كده
اللى هتلاقيه يا اما فيه مشاكل ( كنب يعنى ) او حالتهم ضايعة وهتضطر تصرف عليه الاف علشان يرجع تانى
وأساسا هتلاقى كل التجار بيغلوا جدا فى السعر بزيادة

رد: عايز اشتري 131
 

تخلى بالك ونتا بتشترى من رقم الشاسيه والموتور
وحالة العفشة وعلب الشاسية
والدواخل وتفك الكنبة اللى ورا تبص تحتيها
وتفك تحت التنك وفى الكرتيرات اللى ورا
وطبعا كشف زوايا وحالة الكاوتش والجنوط
وصوت الكارونة والفتيس فى المشى
والموتور فى المشى والسلانسية ونتا واقف

تاخد معاك سمكرى بلاش تاخد ميكانيكى

أحذر العربيات اللى رقم الشاسيه مدقوق فى القايم
تبص برضو على إزاز الأبواب وفتحها وقفلها كل ده بيبين تاريخ العربية

عموما ماتدفعش فيها أكتر من 17 لو موديل 80 فما فوق
علشان ماتعرفش اه اللى ممكن تقابله بعد الشرا ربنا يعينك
ولو احتجت اى حاجة فى ال131 كلمنى وبإذن الله أفيدك
بالتوفيق بإذن الله
تحياتى وإحترامى